ກຸ່ມປົກປ້ອງສິດທິມະນຸດບາງກຸ່ມ ກໍາລັງມີປະຕິກິລິຍາຕອບແບບເປັນການ ສົງໄສຕໍ່
ການຕັດສິນໃຈຂອງສະຫະລັດ ທີ່ຈະຍົກເລີກການລົງໂທດດ້ານເສດຖະກິດຂອງຕົນຕໍ່
ມຽນມາຢ່າງເປັນທາງການ.
ໃນວັນພຸດວານນີ້ ລັດຖະບານກຸງວໍຊິງຕັນ ໄດ້ປະກາດວ່າ ຕົນໄດ້ອະນຸຍາດໃຫ້ບໍລິສັດ
ອາເມຣິກັນເຂົ້າໄປລົງທຶນໃນມຽນມາ ທີ່ຕັ້ງຢູ່ໃນເຂດເອເຊຍຕາເວັນອອກສຽງໃຕ້ແຫ່ງນີ້
ໄດ້ເປັນຄັ້ງທໍາອິດໃນຮອບ 15 ປີ ເພື່ອເປັນການຕອບຮັບຕໍ່ການປະຕິຮູບທາງດ້ານເສດ
ຖະກິດແລະການເມືອງ ທີ່ກໍາລັງດໍາເນີນໄປຢູ່ໃນທີ່ນັ້ນ.
ການເຄື່ອນໄຫວທີ່ວ່ານີ້ ບໍ່ໄດ້ອະນຸຍາດໃຫ້ບໍລິສັດອາເມຣິກັນ ເຮັດທຸລະກິດກັບວິສະຫະ
ກິດ ແລະອຸດສະຫະກໍາຂອງທະຫານ ທີ່ຄວບຄຸມໂດຍກະຊວງປ້ອງກັນປະເທດຂອງມຽນມາ.
ແຕ່ວ່າຫລາຍໆຄົນກໍບໍ່ດີໃຈນຳການຕັດສິນໃຈຂອງສະຫະລັດດັ່ງກ່າວນັ້ນ ທັງໆທີ່ໄດ້ມີການ ຄັດຄ້ານຈາກຜູ້ນໍາປະຊາທິປະໄຕຂອງມຽນມາ ທ່ານນາງອອງຊານ ຊູຈີ. ຜູ້ໄດ້ຮັບລາງວັນ ໂນແບລຂະແໜງສັນຕິພາບທ່ານນີ້ ໄດ້ເຕືອນບໍ່ອະນຸຍາດໃຫ້ນາໆຊາດເຂົ້າໄປລົງທຶນ ໃນ ຂະແໜງພະລັງງານທີ່ໄດ້ກຳໄລງາມໆມຽນມາ ທີ່ໄດ້ນໍາລາຍໄດ້ມາສະໜັບສະໜູນແກ່ອະ ດີດລັດຖະບານທະຫານ ທີ່ກົດຂີ່ປະຊາຊົນ ມາເປັນເວລາຫຼາຍໆປີນັ້ນ.
ນາງ Lisa Misol ຈາກອົງການປົກປ້ອງສິດທິມະນຸດ Human Rights Watch ທີ່ຕັ້ງ
ຢູ່ນະຄອນ New York ກ່າວຕໍ່ວີໂອເອວ່າ ມັນຍັງໄວເກີນໄປ ທີ່ຈະອານຸຍາດໃຫ້ທຸລະກິດ
ຕ່າງໆ ພົວພັນທຸລະກິດກັບບໍລິສັດນໍ້າມັນລັດຂອງມຽນມາ ຊຶ່ງແມ່ນບໍລິສັດ Myannar
Oil and Gas Enterprise (MOGE) ຈົນກວ່າວ່າ ລັດວິສະຫະກິດດັ່ງກ່າວ ຈະມີຄວາມ
ຮັບຜິດຊອບ ແລະຄວາມໂປ່ງໃສເພີ້ມຂຶ້ນ.
