ທ່ານ Tomas Ojea Quintana ທູດພິເສດດ້ານສິດທິມະນຸດຂອງສະຫະປະຊາຊາດ ໄດ້ເດີນທາງໄປເຖິງມຽນມາແລ້ວ ໃນວັນອາທິດມື້ນີ້ ໃນການຢ້ຽມຢາມເປັນເວລາຫ້າວັນ ເພື່ອສັ່ງຊາຕີລາຄາສະຖານະການດ້ານສິດທິມະນຸດຢູ່ໃນມຽນມາ.
ທ່ານ ຄິນຕານາ ມີກໍານົດຈະພົບປະກັບທ່ານນາງອອງຊານ ຊີຈີ ຜູ້ນໍາປະຊາທິປະໄຕໃນ
ວັນພຸດອາທິດໜ້ານີ້. ການເດີນທາງມາຢ້ຽມຢາມມຽນມາຂອງທ່ານ ຄິນຕານາ ຄັ້ງລ່າສຸດ
ແມ່ນເມື່ອ 18 ເດືອນຜ່ານມາ ແຕ່ທ່ານບໍ່ໄດ້ຮັບອະນຸຍາດໃຫ້ພົບປະກັບທ່ານນາງອອງ
ຊານ ຊູຈີ ຜູ້ທີ່ໄດ້ຮັບລາງວັນໂນເບລ ແລະຖືກກັບບໍລິເວນຢູ່ໃນເວລານັ້ນ. ການຮ້ອງຂໍ
ເຂົ້າໄປ ຢ້ຽມຢາມມຽນມາຫລາຍຄັ້ງໃນເວລາພາຍຫລັງຕໍ່ມາ ໄດ້ຖືກປະຕິເສດມາ ເທົ່າ
ເຖິງປັດຈຸບັນນີ້.
ນອກນີ້ແລ້ວ ທ່ານ ຄິນຕານາ ຊຶ່ງເປັນທະນາຍຄວາມຊາວອາເຢັນຕິນານັ້ນ ຍັງຈະໄດ້
ພົບປະກັບພວກເຈົ້າໜ້າທີ່ລັດຖະບານ ໃນເມືອງຫລວງເນປິດໍ ແລະຈະເຂົ້າຮ່ວມກອງ ປະຊຸມຂອງສະພາແຫ່ງຊາດຊຸດໃໝ່ ໃນວັນຈັນມື້ອື່ນນີ້.
ທ່ານ ຄິນຕານາ ຈະນໍາສະເໜີຜົນການສັງເກດການເບື້ອງຕົ້ນຂອງທ່ານຕໍ່ພວກນັກຂ່າວ
ທີ່ນະຄອນຢ່າງກຸ້ງ ໃນວັນພະຫັດໜ້ານີ້. ສ່ວນລາຍງານສະບັບສົມບູນຂອງທ່ານ ກ່ຽວ
ກັບການຢ້ຽມຢາມຄັ້ງນີ້ ແມ່ນຈະນໍາສະເໜີຕໍ່ກອງປະຊຸມສະມັດຊາໃຫຍ່ສະຫະປະຊາ
ຊາດ ໃນທ້າຍປີ.
