ກຸ່ມສິ້ງຊອມສິດທິມະນຸດ Human Rights Watch ກ່າວວ່າ ສະມາຄົມອາຊ່ຽນ ແມ່ນ
ຈໍາເປັນຕ້ອງວາງມາດຕະຖານທີ່ແຈ່ມແຈ້ງສໍາລັບມຽນມາກ່ອນທີ່ມຽນມາຈະເປັນປະ
ທານຂອງກຸ່ມຈັດຕັ້ງ 10 ປະເທດໃນຂົງເຂດດັ່ງກ່າວ ໃນປີ 2014 ນັ້ນ.
ກຸ່ມສິດທິມະນຸດ Human Rights Watch ທີ່ມີຖານຕັ້ງຢູ່ໃນສະຫະລັດກ່າວວ່າ ພວກ
ມາດຕະຖານເຫລົ່ານັ້ນຄວນຈະລວມເອົາການປ່ອຍຕົວພວກນັກໂທດການເມືອງທັງໝົດ
ໂດຍທັນທີ ຍົກເລີກກົດໝາຍທີ່ໃຊ້ປາບປາມພວກທີ່ຄັດຄ້ານລັດຖະບານ ແລະຍຸຕິການ
ກະທໍາຮຸນແຮງຢູ່ໃນຂົງເຂດຊົນເຜົ່າທີ່ເປັນຂໍ້ຂັດແຍ້ງກັນ ແລະນໍາເອົາພວກກໍ່ອາດຊະຍາ
ກໍາສົງຄາມມາດໍາເນີນຄະດີ.
ຄະນະລັດຖມົນຕີຕ່າງປະເທດຂອງສະມາຄົມອາຊ່ຽນ ໄດ້ປະກາດເມື່ອວັນອາທິດນີ້ ວ່າ
ພວກເຂົາເຈົ້າຈະຮັບຮອງຕໍ່ຜູ້ນໍາຂອງພວກເຂົາເຈົ້າອະນຸຍາດໃຫ້ມຽນມາເປັນປະທານ
ປ່ຽນກັນ ຫລັງຈາກໄດ້ທໍາການປະຕິຮູບປະຊາທິປະໄຕ ແລະສັງຄົມຫລາຍປະການພາຍ
ໃຕ້ລັດຖະບານທີ່ເປັນພຽງໃນນາມພົນລະເຮືອນຂອງມຽນມານັ້ນ.
