ລິ້ງ ສຳຫລັບເຂົ້າຫາ

ວັນຈັນ, ໒໒ ເມສາ ໒໐໒໔

ກະບົດ 20 ກວ່າຄົນ ເສຍຊີວິດ ໃນການປະທະກັນ ຢູ່ມຽນມາ (ວີດີໂອ)


ພວກທະຫານເກນໃໝ່ຂອງກອງທັບເອກກະລາດກາຈິ່ນ ເດິນສວນສະໜາມ ຂະນະທີ່ທຳການເຝິກແອບທີ່ຄ້າຍແຫ່ງນຶ່ງ ໃກ້ໆເມືອງ Laiza ທີ່ຄວບຄຸມໂດຍພວກກະບົດກະຈິ່ນ ໃນພາກເໜືອຂອງມຽນມາ(23 ເມສາ 2012)
ພວກທະຫານເກນໃໝ່ຂອງກອງທັບເອກກະລາດກາຈິ່ນ ເດິນສວນສະໜາມ ຂະນະທີ່ທຳການເຝິກແອບທີ່ຄ້າຍແຫ່ງນຶ່ງ ໃກ້ໆເມືອງ Laiza ທີ່ຄວບຄຸມໂດຍພວກກະບົດກະຈິ່ນ ໃນພາກເໜືອຂອງມຽນມາ(23 ເມສາ 2012)

ສື່ມ​ວນຊົນ​ລັດຖະບານ​ມຽນມາ​ກ່າວໃນ​ວັນ​ສຸກ​ນີ້ວ່າ ມີ​ການ​ໂຈມ​ຕີ​ກັນ​ໜັກ​ຢູ່ໃນລັດກາ​ຈິ່ນທາງ​
ພາກ​ເໜືອ​ຂອງ​ປະ​ເທດ ທີ່​ເຮັດ​ໃຫ້ພວກ​ກະບົດ​ຊົນເຜົ່າຖື​ກຂ້າ​ຕາຍ 29 ຄົນ ແລ​ະທະຫານ​ລັດ
ຖະບານ​ສອງ​ຄົນ​ໄດ້ ເສຍ​ຊິວິດ​ໃນອາທິດ​ທີ່​ຜ່ານ​ມາ​ນີ້.

ໜັງສື​ພິມ​ New Light of Myanmar ທີ່​ລັດຖະບານ​ເປັນ​ເຈົ້າ​ຂອງ ກ່າວ​ວ່າ ການ​ປະ​ທະ​ກັນ​
ໄດ້​ເລີ້ມ​ຂື້ນ ໃນ​ວັນ​ທີ່ 27 ​ເດືອນ​ເມສາ ເວລາ​ກອງ​ທະຫານ​ລັດຖະບານຕອບ​ໂຕ້​ຕໍ່​ການ​ໂຈມ​ຕີ​
ຄ້າຍ​ທະຫານ​ແຫ່ງ​ນຶ່ງ ​ໂດຍ​ສະມາຊິກ​ກອງທັບເອກ​ກະລາດ​ເຜົ່າກາ​ຈິ່ນຢູ່ຫົວ​ເມືອງຊາຍ​ແດນ
​ໃນພາກ​ເໜື​ອຂອງ​ປະ​ເທດ.

ລາຍ​ງານຂ່າວ​ກ່າວ​ວ່າ ສະມາ​ຊິກ​ກອງ​ທັບເອກ​ກະລາດກະ​ຈິ່ນຄົນ​ນຶ່ງໄດ້​ຖືກ​ຈັບ​ໄດ້ ​ແລະກໍາ
ລັງ​ທະຫານລັດຖະບານ​ກໍາລັງ “ຕາມ​ລ່າ” ສະມາຊິກຂອງ​ກຸ່ມດັ່ງກ່າວທີ່ພວມ​ພາກັນຫລົບໜີ​
ໄປ​ນັ້ນ.

ເບິ່ງວີດີໂອລາຍງານກ່ຽວກັບຊາວອົບພະຍົບກາຈິ່ນ:

ທ່ານ Lanan ​ໂຄສົກ​ຂອງ​ອົງການ​ເອກ​ກະລາດ​ກາ​ຈິ່ນ ​ໃຫ້ການ​ຢືນຢັນ​ກ່ຽວ​ກັບ​ການ​ສູ້​ລົບ
​ດັ່ງກ່າວ​ຕໍ່​ວີີ​ໂອ​ເອ ພະ​ແນ​ກພາສາ​ມຽນມາ. ທ່ານ​ເວົ້າວ່າ ​ໃນ​ຂະນະ​ທີ່​ພວກ​ເຮົາ​ບໍ່ໄດ້​ກະ​ປະ
ມານໃຫ້​ຊາບ​ກ່ຽວ​ກັບ​ໂຕ​ເລກ​ຂອງພວກ​ທີ່​ບາດ​ເຈັບ​ລົ້ມຕາຍກໍ​ດີແຕ່​ທັງ​ສອງ​ຝ່າຍ​ຕ່າງ​ກໍ​ໄດ້​
ຮັບການ ສູນ​ເສຍ​ໃນ​ການ​ສູ້​ລົບທີ່​ວ່າ​ນີ້. ນອກ​ນັ້ນ ທ່ານ​ຍັງ​ເວົ້າວ່າ ທະຫານ​ລັດຖະບານ​ໄດ້
​ເຄື່ອນ​ກຳລັງ​ໃກ້​ເຂົ້າ​ໄປ​ຫາກ​ອງບັນຊາ​ການ​ໃຫຍ່​ ຂອງ​ອົງການເອກ​ກະລາດ​ກາ​ຈິ່ນ ໃນ​ບໍລິ
​ເວນ​ຊາຍ​ແດນ​ມຽນມາ​ຕິດ​ກັບ​ຈີນ.

ຢ່າງ​ໜ້ອຍ 60,000 ຄົນ ​ບໍ່​ມີ​ບ່ອນ​ພັກ​ພາ​ອາໄສ ຕັ້ງ​ແຕ່​ເດືອນ​ມິ​ຖຸນາ ປີ 2011 ເປັນ​ຕົ້ນ​ມາ
ເວລາ​ການ​ສູ້​ລົບ​ໄດ້​ເກີດ​ຂື້ນລະຫວ່າງທະຫານລັດຖະບານ​ແລະພວກກະບົດກາ​ຈີ່ນ ຊຶ່ງ​ເຮັດ
​ໃຫ້ການ​ຢຸດ​ຍິງ​ມາເປັນ​ເວລາ 17 ປີ​ນັ້ນໄດ້ສີ້​ນສຸດ​ລົງ.

XS
SM
MD
LG