ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

ສານມຽນມາ ຈະຟັງການຂໍ ປະກັນໂຕ ທ່ານ Dunkley


پاکستان کے یوم جمہوریہ پر واشنگٹن میں تقریب
پاکستان کے یوم جمہوریہ پر واشنگٹن میں تقریب

ສານມຽນມາໄດ້ຕົກລົງ ທີ່ຈະຮັບຟັງການຖົກຖຽງໂຕ້ແຍ້ງ
ໃນສັບປະດາໜ້າ ກ່ຽວກັບການຂໍປະກັນໂຕ ຜູ້ເຮັດໜັງສື
ພິມຄົນອອສເຕຣເລຍທີ່ຖືກຈັບເມື່ອ 3 ອາທິດກ່ອນແລະ
ຖືກຄຸມຂັງຢູ່ທີ່ຄຸກ Insein ຊຶ່ງເປັນຄຸກທີ່ມີຊື່ສຽງບໍ່ດີທີ່ນະ
ຄອນຢ່າງກຸ້ງ.

ນາຍ Ross Dunkley ຜູ້ເຮັດໜັງສືພິມ Myanmar
Times ໄດ້ຖືກຈຳຄຸກ ນັບແຕ່ວັນທີ 10 ເດືອນກຸມພາ
ເປັນຕົ້ນມາໃນຂໍ້ຫາກ່ຽວກັບການເຂົ້າເມືອງທີ່ບໍ່ຖືກຕ້ອງ.
ນອກນັ້ນໃນສັບປະດາແລ້ວ ລາວຍັງໄດ້ຖືກກ່າວຫາເພີ່ມ
ຕື່ມວ່າຂົ່ມຂືນ ແລະມອມຢາແມ່ຍິງອາຍຸ 29 ປີຄົນນຶ່ງຊຶ່ງໃນເວລາຕໍ່ມາຕ້ອງການຢາກຈະ
ຖອນສຳນວນຟ້ອງຂອງນາງ ຍ້ອນນາງເວົ້າວ່າ ນາງພວມຖືພາມານແລະບໍ່ສາມາດໄປຂຶ້ນ
ສານໄດ້.

ນາຍ Dunkley ທີ່ກ່າວວ່ າລາວເປັນຜູ້ບໍລິສຸດນັ້ນໄດ້ຖືກປະຕິເສດບໍ່ໃຫ້ປະກັນໂຕໃນການ
ຮັບຟັງຄຳໃຫ້ການ ເມື່ອສັບປະດາແລ້ວ ແລະໄດ້ຖືກສົ່ງກັບຄືນໄປເຂົ້າຄຸກອີກ. ມີການອ້າງ
ຄຳເວົ້າຂອງພວກທະນາຍຄວາມນາຍ Dunkley ທີ່ກ່າວວ່າການດຳເນີນຄະດີອາດໃຊ້ເວລາ
ດົນເຖິງ 3 ເດືອນ.

ໝູ່ເພື່ອນຂອງນາຍ Dunkley ຫຼາຍໆຄົນ ໄດ້ສະເໜີແນະວ່າ ການຟ້ອງຮ້ອງທີ່ວ່ານີ້ແມ່ນ
ກ່ຽວຂ້ອງກັບການຕໍ່ສູ້ ເພື່ອຊອກຫາທາງຄວບຄຸມໜັງສືພິມ Myanmar Times ລະ
ຫວ່າງນາຍ Dunkley ແລະຮຸ້ນສ່ວນຝ່າຍມຽນມາຄືທ່ານ Tin Htun Oo. ແຕ່ທ່ານ Tin
Htun Oo ກ່າວຕໍ່ວິທະຍຸອອສເຕຣເລຍ ໃນວັນພະຫັດວານນີ້ວ່າບໍ່ໄດ້ມີການຜິດຖຽງກັນ
ເກີດຂຶ້ນແລະທ່ານ ເອງກໍພ້ອມແລ້ວທີ່ຈະ ຈ່າຍຄ່າປະກັນໂຕຮຸ້ນສ່ວນຂອງທ່ານ ຖ້າສານ
ຫາກອະນຸຍາດໃຫ້ເລື່ອງດັ່ງກ່າວ ເປັນໄປໄດ້.

ຄະດີດັງກ່າວນີ້ໄດ້ມີຜົນໃນທາງລົບຕໍ່ພວກເຮັດໜັງສືພິມເອກກະຊົນຕ່າງໆໃນມຽນມາ
ຊຶ່ງຫຼາຍສະບັບໄດ້ສ້າງຄວາມໂກດແຄ້ນ ໃຫ້ແກ່ພວກທະຫານທີ່ປົກຄອງປະເທດ ຍ້ອນ
ໄດ້ລົງຂ່າວກ່ຽວກັບການປ່ອຍຜູ້ນຳພັກຝ່າຍຄ້ານມຽນມາ ທ່ານນາງອອງຊານຊູຈີຈາກ
ການກັກບໍລິເວນໃນປີກາຍນີ້.

XS
SM
MD
LG