ບັນດາກຸ່ມຝ່າຍຄ້ານໃນມຽນມາ ແລະກຸ່ມປົກປ້ອງສິດທິມະນຸດກ່າວວ່າ ລັດຖະບານໄດ້ປ່ອຍນັກໂທດການເມືອງຫລາຍສິບຄົນໃນວັນພຸດມື້ນີ້ ຮວມທັງພະສົງທີ່ມີຊື່ສຽງອົງນຶ່ງ ແລະນັກສະແດງລະຄອນຕະຫລົກຄົນນຶ່ງທີ່ຜູ້ຄົນນິຍົມ.
ພວກສະມາຊິກຂອງຝ່າຍຄ້ານ ພັກສັນນິບາດແຫ່ງຊາດເພື່ອປະຊາທິປະໄຕໃນມຽນມາ ກ່າວ
ວ່າ ທາງອົງການຂອງຕົນໄດ້ຢືນຢັນວ່າ ມີນັກໂທດການເມືອງຈໍານວນຫລາຍກວ່າ 100 ຄົນ
ຮວມຢູ່ໃນບັນຊີພວກນັກໂທດ ທີ່ໄດ້ຮັບການໃຫ້ອະໄພໂທດຈໍານວນຫລາຍພັນຄົນນັ້ນ.
ທ່ານນາງອອງຊານຊູຈີຜູ້ນໍາພັກສັນນິບາດແຫ່ງຊາດເພື່ອປະຊາທິປະໄຕໃນມຽນມາຫລື NLD
ກ່າວວ່າ ແຕ່ລະຄົນແມ່ນມີຄ່າສູງຫຼາຍແລະທ່ານນາງຂໍສັນລະເສີນກ່ຽວກັບການປ່ອຍພວກນັກ
ໂທດພວກນັກໂທດເຫຼົ່ານີ້.ນອກນັ້ນແລ້ວ ທ່ານນາງຍັງຫວັງວ່າ ພວກນັກໂທດຈິດສໍານຶກຄົນ
ອື່ນໆອີກຈະໄດ້ຖືກປ່ອຍໃຫ້ເປັນອິດສະຫຼະ.
ໃນເບື້ອງຕົ້ນ ກຸ່ມສິດທິກຸ່ມນຶ່ງຢູ່ໃນປະເທດໄທລາຍງານວ່າ ຄູບາ Ashin Gambira ສະ
ມາຊິກກໍ່ຕັ້ງຄົນນຶ່ງຂອງກຸ່ມ ພັນທະມິດພະສົງມຽນມາທັງໝົດ ແລະຜູ້ນໍາອັນທີ່ເອີ້ນວ່າການ
ປະຕິວັດຜ້າເຫລືອງໃນປີ 2007 ນັ້ນກໍໄດ້ຖືກປ່ອຍນໍາ ແຕ່ໄດ້ກ່າວໃນເວລາຕໍ່ມາວ່າຕົນບໍ່ສາ
ມາດຢືນຢັນຂ່າວນີ້ໄດ້.
ໂທລະພາບທີ່ລັດຄວບຄຸມກ່າວໃນວັນອັງຄານວານນີ້ວ່າ ລັດຖະບານຈະປ່ອຍພວກນັກໂທດ
ຈໍານວນຫລາຍກວ່າ 6 ພັນຄົນ ຮວມທັງພວກທີ່ມີອາຍຸສູງແລະມີສຸຂະພາບອ່ອນແອແລະ
ພວກທີ່ມີຄວາມປະພຶດດີ. ບໍ່ເປັນທີ່ຈະແຈ້ງເທື່ອວ່າ ມີພວກນັກໂທດຈິດສໍານຶກຈັກຄົນ ໃນ
ຈໍານວນຫລາຍກວ່າ 2 ພັນຄົນໃນມຽນມາ ຈະຮວມຢູ່ໃນຈໍານວນພວກທີ່ຖືກປ່ອຍໂຕນັ້ນ
ເພາະວ່າມຽນມາບໍ່ຖືວ່າພວກນັກໂທດເຫລົ່ານີ້ເປັນນັກໂທດການເມືອງ.
