ໂທລະພາບແຫ່ງຊາດມຽນມາປະກາດໃຫ້ຊາບໃນວັນອັງຄານມື້ນີ້ວ່າລັດຖະບານຈະເລີ້ມປ່ອຍພວກນັກໂທດຈໍານວນຫລາຍກວ່າ 6 ພັນຄົນໃນວັນພຸດມື້ອື່ນນີ້.
ຄໍາປະກາດສັ້ນໆ ທີ່ວິທະຍຸວີໂອເອພາກພາສາມຽນມາຕິດຕາມນັ້ນ ກ່າວວ່າ ພວກນັກໂທດເຫລົ່ານີ້ຈະຖືກປ່ອຍໂຕຍ້ອນຄວາມປະພຶດດີ ແຕ່ບໍ່ໄດ້ບອກໃຫ້ຮູ້ວ່າ ມີນັກໂທດຈັກຄົນຈະຖືກປ່ອຍໃນຈຸທໍາອິດ ຫລືພວກນັກໂທດຈະຖືກປ່ອຍເຫລົ່ານີ້ ແມ່ນຮວມທັງພວກນັກໂທດການເມືອງຈໍານວນຫລາຍກວ່າ 2 ພັນຄົ້ນນັ້ນຫລືບໍ. ມຽນມາບໍ່ຍອມຮັບຮູ້ວ່າ ພວກນັກໂທດທີ່ຖືກກັກຂັງໄວ້ນີ້ ແມ່ນຖືກກັກຂັງໄວ້ດ້ວຍສາເຫດດ້ານການເມືອງ.
ເຖິງຢ່າງໃດກໍດີ ພວກເຈົ້າໜ້າທີ່ລັດຖະບານໄດ້ບອກພວກນັກການທູດ ຢ່າງເປັນທາງສ່ວນໂຕວ່າ ພວກນັກໂທດການເມືອງຈໍານວນຫລາຍຄົນຈະຖືກປ່ອຍໂຕໃນສັບປະດານີ້.
ໃນຕອນເຊົ້າວັນອັງຄານມື້ນີ້ ຄະນະກໍາມາທິການໃໝ່ວ່າດ້ວຍສິດທິມະນຸດມຽນມ້າ ຮຽກຮ້ອງໃຫ້ປະທານາທິບໍດີ Thein Sein ປ່ອຍໂຕພວກນັກໂທດການເມືອງຫລາຍຮ້ອຍຄົນນັ້ນ ໂດຍໃຫ້ນໍ້າໜັກເພີ່ມຕື່ມຕໍ່ ການຄາດມາຍວ່າການປ່ອຍໂຕນີ້ຈະມີຂຶ້ນໃນໄວໆນີ້.
