ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ປະທານາທິບໍດີ ມຽນມາ ໃຫ້ອະໄພຍະໂທດ ພະນັກງານ ສະຫະປະຊາຊາດ


ປະທານາທິບໍດີ Thien Sein ແຫ່ງມຽນມາ ໃຫ້
ອະໄພຍະ ໂທດແກ່ພະນັກງານ ອົງການສະຫະ ປະຊາຊາດ.
ປະທານາທິບໍດີ Thien Sein ແຫ່ງມຽນມາ ໃຫ້ ອະໄພຍະ ໂທດແກ່ພະນັກງານ ອົງການສະຫະ ປະຊາຊາດ.
ປະທານາທິ​ບໍດີມຽນມາ ທ່ານ Thein Sein ​ໄດ້ອ​ະ​ໄພ​ຍະໂທດ​ໃຫ້​ແກ່ພະນັກ ງານສອງ​ຄົນ ຂອງ​ອົງ​ການ​ສະຫະ​ປະຊາ​ຊາດ ​ແລະພະນັກງານ​ຊ່ວຍເຫລືອອີກ ນຶ່ງ​ຄົນ ທີ່​ໄດ້​ຖືກ​ຕັດສິນ​ໂທດ​ຈໍາ​ຄຸກ​ໃນ​ອາທິດ​ແລ້ວ​ນີ້ ​ໃນ​ຂໍ້ຫາມີ​ສ່ວນ​ພົວພັນ​ກັບການ​ກໍ່ຄວາມ​ຮຸນ​ແຮງ​ເຖິງ​ຕາຍ ລະ​ຫວ່າງຊາວ​ພຸດ​ແລະ​ຊາວ​ມຸສລິ​ມ ​ໃນ​ເດືອນ​ມິຖຸນາ ທີ່​ຜ່ານ​ມາ.

ສໍານັກງານ​ປະທານາທິບໍດີ​ມຽນມາ ກ່າວ​ໃນ​ວັນອັງຄານ​ວານ​ນີ້​ວ່າ ທ່ານ Thein Sein ​ໄດ້ອະ​ໄພ​ຍະ​ໂທດໃຫ້​ແກ່ບຸກຄົນ​ທັງສາມ​ ທີ່​ເປັນພະນັກງານຂອງ​ອົງການ ໂຄງການ​ອາຫານໂລກ​ແລະອົງການ​ຊ່ວຍ​ເຫລືອ​ອົບ​ພະ​ຍົບ ຂອງສະຫະ​ປະຊາ​ຊາດ ​ກັບ​ອົງການນຶ່ງ​ຂອງ​ມຽນມາ​ທີ່​ບໍ່​ຂື້ນ​ກັບ​ລັດຖະບານ ​ແຕ່​ເຮັດ​ວຽກຊ່ວຍ​ ເຫລື​ອຮ່ວມ​ກັບ​ອົງການອົບ​ພະ​ຍົບຂອງ​ສະຫະ​ປະຊາ​ຊາດ. ​ທັງ​ສາມຄົນເປັນ​ຊາວມຸສລິ​ມມຽນມາ. ​ເຈົ້າ​ໜ້າ​ທີ່​ອົງການ​ສະຫະ​ປະຊາ​ຊາດ​ຄົນ​ນຶ່ງ ທີ່​ນະຄອນ​ນິວຢອກ ກ່າວວ່າ ພະນັກງານ​ຢູ​ເອນສອງ​ຄົນ​ໄດ້​ຖືກ​ປ່ອຍ​ໂຕ​ແລ້ວ ​ແລະສະ​ແດງ​ຄວາມ​ຫວັງ​ວ່າ ພະນັກງານ​ເຮັດ​ວຽກຊ່ວຍ​ເຫລືອ​ອີກ​ຄົນ​ນຶ່ງ​ຈະ​ໄດ້​ຖືກ​ປ່ອຍ​ໂຕ​ເຊ່ນດຽວ​ກັນ.

ສານແຫ່ງ​ນຶ່ງ​ໃນ​ລັດຣາຄີນ ທາງພາກ​ຕາ​ເວັ​ນຕົກ​ຂອງ​ມຽນມາ ​ໄດ້​ຕັດສິນ​ໂທດ ​ພະນັກ​ງານ​ທັງ​ສາ​ມ ໃຫ້​ຈໍາຄຸກລະຫວ່າງ​ສອງ​ປີຫາຫົກ​ປີ ​ໃນ​ວັນ​ສຸກອາທິດ​ແລ້ວ​ນີ້ ຫລັງ​ຈາກໄດ້ຕັດສິນ​ວ່າ ​ເຂົາ​ເຈົ້າ​ມີ​ຄວາມ​ຜິດ​ໃນ​ຂໍ້​ຫາວາງ​ເພີງ ​ແລະ​ຍຸຍົງ​ໃຫ້​ເກີດ​ຄວາມ​ບໍ່​ສະຫງົບ ລະຫວ່າງຊາວ​ພຸດ​ທີ່​ເປັນຊົນ​ກຸ່ມ​ໃຫຍ່ ​ແລະ​ຊາວ​ມຸສລິມ ເຜົ່າ Rohingya ​ທີ່​ເປັນ​ກຸ່ມ​ນ້ອຍ​ໃນ​ມຽນມາ​ນັ້ນ​. ​ບັນດາ​ເຈົ້າ​ໜ້າ​ທີ່​ມຽນມາ ກ່າວ​ວ່າ ຢ່າງ​ໜ້ອຍ 80 ຄົນ​ໄດ້​ຖືກ​ຂ້າ​ຕາຍ ​ໃນ​ຄື້ນຟອງ​ຂອງ​ຄວາມ​ຮຸນ​ແຮງ​ລະຫວ່າງ ຊາວ​ພຸດ-ມຸສລິ​ມ ທີ່​ໄດ້​ເລີ້​ມ​ເກີດ ຂື້ນ​ຢູ່ລັດ Rakhine ​ໃນ​ເດືອນ​ມິຖຸນານັ້ນ.

ກ່ຽວຂ້ອງກັນ

XS
SM
MD
LG