ລິ້ງ ສຳຫລັບເຂົ້າຫາ

ວັນສຸກ, ໒໔ ພຶດສະພາ ໒໐໒໔

ທ່ານນາງອອງຊານຊູຈີ ຈົດທະບຽນພັກ NLD ແລະໄປຢ້ຽມສະພາ


ຜູ້ນຳປະຊາທິປະໄຕມຽນມາ ທ່ານນາງອອງຊານຊູຈີ ຖ່າຍຮູບຮ່ວມກັນກັບທ່ານ Shwe Man ປະທານສະພາ ມຽນມາ ທີ່ນະຄອນຫຼວງເນປີດໍ ລະຫວ່າງທີ່ທ່ານນາງໄປຢ້ຽມ (23 ທັນວາ 2011)
ຜູ້ນຳປະຊາທິປະໄຕມຽນມາ ທ່ານນາງອອງຊານຊູຈີ ຖ່າຍຮູບຮ່ວມກັນກັບທ່ານ Shwe Man ປະທານສະພາ ມຽນມາ ທີ່ນະຄອນຫຼວງເນປີດໍ ລະຫວ່າງທີ່ທ່ານນາງໄປຢ້ຽມ (23 ທັນວາ 2011)

ຜູ້ນຳ​ປະຊາທິປະ​ໄຕ​ມຽນມາ​ທ່ານ​ນາ​ງອອງຊານ​ຊູ​ຈີ ​ໄດ້​ຈົດ​ທະບຽນ​ພັກ​ສັນນິບາດແຫ່ງຊາດ
ເພື່ອ​ປະຊາທິປະ​ໄຕ​ຂອງ​ທ່ານ​ນາງ​ເປັນ​ພັກ​ການ​ເມືອງ​ຢ່າງ​ເປັນທາງ​ການ​ໃນ​ມື້ວັນ​ສຸກ​ວານ​ນີ້
ເພື່ອ​ແຜ້ວ​ທາງ​ໄປ​ສູ່​ການ​ສະມັກ​ເຂົ້າ​ແຂ່ງຂັ​ນ​ເອົາ​ບ່ອນ​ນັ່ງຢູ່​ໃນ​ສະພາ​ແຫ່ງ​ຊາດ.

ພວກ​ເຈົ້າໜ້າ​ທີ່​ກ່າວ​ວ່າ​ເຂົາ​ເຈົ້າຈະ​ສະມັກ​ເຂົ້າ​ແຂ່ງຂັນ​ໃນ​ການ​ເລືອກ​ຕັ້ງສ້ອມ​ຈຳນວນ​ນຶ່ງ​ຊຶ່ງ​
ຈະ​ມີ​ຂຶ້ນ​ໃນ​ໄວໆ​ນີ້ ​ເວລາ​ໃດ​ການ​ຈົດ​ທະບຽນ​ຫາກ​ໄດ້​ຮັບ​ການ​ອະນຸມັດ​ ຢ່າງ​ເປັນ​ທາງ​ການ
ແລ້ວທີ່​ຄາດ​ວ່າ​ຈະ​ມີ​ຂຶ້ນ​ໃນ​ພາຍ​ນຶ່ງ​ອາທິດ. ທ່ານ​ນາງອອງຊານ​ຊູ​ຈີ​ຍັງ​ບໍ່​ທັນ​ປະກາດໃຫ້​ຊາບ
ເທື່ອ​ກ່ຽວ​ກັບ​ເຂດ​ເລືອກ​ຕັ້ງທີ່​ທ່ານ​ນາງຄາດ​ວ່າ​ຈະ​ສະມັກ​ເຂົ້າ​ແຂ່ງຂັນ.

ນອກ​ນັ້ນ​ແລ້ວ​ທ່ານ​ນາງ​ອອງຊານ​ຊູ​ຈີ ຜູ້ທີ່​ເຄີຍ​ໄດ້​ຮັບ​ລາງວັນ​ໂນ​ແບ​ລຂະ​ແໜງສັນຕິພາບ​ຍັງ​
ໄດ້​ໄປ​ຢ້ຽມ​ສະພາ​ແຫ່ງ​ຊາດ​ເປັນ​ເທື່ອ​ທຳ​ອິດ ນັບ​ແຕ່​ທ່ານ​ນາງ​ໄດ້ຖືກ​ປ່ອຍ​ ຈາກ​ການ​ກັກ​ບໍລິ
ເວນ​ໃນ​ປີ​ກາຍ​ນີ້. ທ່ານ​ນາງ​ໄດ້​ພົບ​ປະ​ກັບ​ທ່ານ Shwe Mann ​ເຈົ້າໜ້າ​ທີ່​ອະ​ວຸ​ໂສຂອງ​ລັດຖະ
ບານ​ທີ່​ໄດ້​ຮັບ​ການ​ໜຸນ​ຫຼັງຈາກທະຫານ​ຂອງ​ມຽນມາແລະ​ພວກ​ທະຫານ​ທີ່​ປົກຄອງ​ປະ​ເທດ​
ກ່ອນ​ໜ້ານັ້ນ.

ພັກ​ສັນນິບາດ​ແຫ່ງ​ຊາດ​ເພື່ອ​ປະຊາທິປະ​ໄຕ​ໄດ້​ຖືກ​ຖອນ​ຖານະ​ຈາກ​ການ​ເປັນພັກການ​ເມືອງ
ໃນ​ປີ​ກາຍ​ນີ້ ຍ້ອນ​ພັກ​ດັ່ງກ່າວ​ປະຕິ​ເສດ​ບໍ່​ຍອມ​ເຂົ້າຮ່ວມ​ໃນ​ການ​ເລືອກຕັ້ງ​ແຫ່ງ​ຊາດ​ທີ່​ເປັນ
ບັນຫາ​ຖົກ​ຖຽງ​ໂຕ້ແຍ້​ງຍ້ອນ​ຜູ້​ສະໜັບສະໜຸນ​ປະຊາທິປະ​ໄຕ ທີ່​ໄດ້​ຮັບ​ຄວາມ​ນິຍົມ​ຈາກ​ມະ
ຫາຊົນ ບໍ່​ໄດ້​ຮັບ​ອະນຸຍາດ​ໃຫ້​ລົງ​ສະມັກ​ແຂ່ງຂັນ.

ການ​ເລືອກ​ຕັ້ງຊຶ່ງ​ໄດ້​ຍັງ​ຜົນ​ໃຫ້​ມີ​ການ​ຕັ້ງລັດຖະບານ​ຊຸດ​ໃໝ່ ​ເຖິງ​ແມ່ນ​ຍັງ​ສືບ​ຕໍ່​ຄອບ​ງຳໂດຍ
ພວກ​ນາຍ​ທະຫານ​ໃນ​ອະດີດ​ແລະ​ປັດຈຸບັນ​ກໍ​ຕາມແຕ່​ໄດ້​ຈັດຕັ້ງປະຕິ​ບັດ​ການ​ປະຕິ​ຮູບ​ຈຳນວນ
ນຶ່ງຮວມທັງຫຼຸດຢ່ອນ​ຜ່ອນຜັນ​ໃນ​ການ​ຈຳກັດ​ຮັດ​ແຄບ ​ໃນ​ດ້ານ​ການ​ຂ່າວ ​ແລະ​ເລີ່​ມ​ເປີດ​ການ
ເຈລະຈາ​ຫາລື​ກັບ​ພວກ​ທີ່​ຕຳ​ໜິຕິຕຽນ.

XS
SM
MD
LG