ລິ້ງ ສຳຫລັບເຂົ້າຫາ

ວັນເສົາ, ໑໓ ກໍລະກົດ ໒໐໒໔

ມຽນມາອາດຈະອະນຸຍາດໃຫ້ ພວກສັງເກດການອາຊ່ຽນ ເຂົ້າໄປໃນປະເທດໄດ້


ທ່ານ Nyan Win ໂຄສົກພັກສັນນິບາດແຫ່ງຊາດ ເພື່ອປະຊາທິປະ ໄຕໃນມຽນມາ ກ່າວຕໍ່ບັນດານັກຂ່າວ
ກ່ຽວກັບການເລືອກຕັ້ງຮອບພິ ເສດໃນມຽມາ ທີ່ນະຄອນຢັ້ງກຸ້ງ, ມຽນມາ
ວັນທີ 20 ກຸມພາ 2012.
ທ່ານ Nyan Win ໂຄສົກພັກສັນນິບາດແຫ່ງຊາດ ເພື່ອປະຊາທິປະ ໄຕໃນມຽນມາ ກ່າວຕໍ່ບັນດານັກຂ່າວ ກ່ຽວກັບການເລືອກຕັ້ງຮອບພິ ເສດໃນມຽມາ ທີ່ນະຄອນຢັ້ງກຸ້ງ, ມຽນມາ ວັນທີ 20 ກຸມພາ 2012.




















ສະມາຄົມ​ອາ​ຊຽນກ່າວ​ວ່າ ຕົນ​ໄດ້​ຮັບ​ຄໍາ​ໝັ້ນ​ສັນຍາ​ຈາກ​ບັນດາ​ເຈົ້າ​ໜ້າ​ທີ່ມຽນມາທີ່​ຈະ​ຮັບ​ພິຈາລະນາ​ຢ່າງ​ເອົາ​ຈິງ​ເອົາ​ຈັງ​ອະນຸມັດ​ໃຫ້​ສະມາຄົມ​ອາ​ຊຽນ ສົ່ງ​ພວກນັກ​ສັງ​ເກດ​ການ​ຈຸນຶ່ງ​ເຂົ້າ​ໄປ​ສັງ​ເກດ​ການ​ເບິ່ງການເລືອກ​ຕັ້ງ​ຂອງ​ຕົນ​ໄດ້.

ກຸ່ມ​ອາ​ຊຽນກ່າວ​ໃນ​ວັນ​ອັງຄານ​ມື້​ນີ້​ວ່າ ປະທານາທິບໍດີ Thein Sein ​ແຫ່ງ​ມຽນມາ​ ໄດ້​ໃຫ້​
ຄໍາໝັ້ນ​ສັນຍາ​ດັ່ງກ່າວ ​ໃນ​ການ​ພົບ​ປະກັນ​ທີ່​ນະຄອນຫລວງ​ດ້ານ​ການ​ປົກຄອງ​ເນ​ປີ​ດໍຂອງ
ປະ​ເທດກັບ​ຄະນະຜູ້ຕາງໜ້າ​ຈຸ​ນຶ່ງ​ພາຍ​ໃຕ້​ການ​ນໍາພາ​ຂອງ​ ດຣ. ​ສຸຣິນ ພິດ​ສຸວັນ ​ເລຂາທິ
ການໃຫຍ່​ສະມາຄົມ​ອາ​ຊຽນ.

ກຸ່ມ​ອາ​ຊຽນກ່າວ​ຕື່ມ​ວ່າ​ ຜູ້​ນໍາ​ທັງ​ສອງ​ໄດ້ເຫັນ​ດີ​ນໍາ​ກັນ​ວ່າ ການ​ເຄື່ອນ​ໄຫວ​ດັ່ງກ່າວ​ນີ້​ຈະ​ສົ່ງ
ເສີມ​ເຈດ​ຕະນາ​ດີ​ຂອງ​ນາໆ​ຊາດ​ທີ່​ວ່າ​ມຽນມາ​ໄດ້ດໍາ​ເນີນ​ການ​ປະຕິ​ຮູບ​ໄປ​ສູ່​ລະບອບ​ປະຊາ
ທິປະ​ໄຕ​ຫລາຍ​ຢ່າງ.

ກຸ່ມ​ອາ​ຊຽນກ່າວ​ວ່າ ປະທານາທິບໍດີ​ຂອງ​ມຽນມາ​ຍັງ​ໄດ້​ກ່າວ​ຕໍ່​ຄະນະຜູ້ຕາງ​ໝ້າ​ຂອງ​ກຸ່ມ​ອາ
ຊຽນວ່າ ​ເລື້ອງ​ບູລິ​ມະ​ສິດ​ທີ່​ສຳຄັນ​ສຸດຂອງ​ມຽນມາ​ແມ່ນ​ການ​ສ້າງ​ວຽກ​ການ​ເຮັດ ​ເພື່ອ​ວ່າ
ພົນລະ​ເມືອງ​ຂອງ​ຕົນ​ໃນ​ຈຳນວນ​ເພີ່ມ​ຂຶ້ນ ​ຈະ​ສາມາດ​ກັບ​ຄື​ນປະ​ເທດ​ໄດ້​ຈາກ​ປະ​ເທດ​ຕ່າງໆ
ເຊ່ນ ​ໄທ​ແລະ​ມາ​ເລ​ເຊຍບ່ອນ​ທີ່ພວກ​ປະຊາຊົນ​ເຫລົ່າ​ນີ້​ພາກັນເດີນທາງໄປ​ຊອກ​ຫາ​ວຽກ​ຫາ​
ການ​ເຮັດນັ້ນ.

ໃນອັນ​ທີ່​ປະກົດ​ວ່າ​ເປັນການ​ຍິນ​ຍອມ​ຕໍ່​ກຸ່ມ​ອາ​ຊຽນແມ່ນ​ຮ່ອງຮອຍ​ຄັ້ງ​ຫລ້າ​ສຸດຕິດ​ຕໍ່​ກັນ​ມາ
ຫລາຍ​ຄັ້ງ​ທີ່​ວ່າ​ລັດຖະບານ​ມຽນມາ​ມີ​ຄວາມ​ກະຕື ລື​ລົ້ນ​ເພື່ອ​ສົ່ງ​ສັນຍານ​ໃນ​ທາງ​ບວກ​ໃຫ້
ໂລກ​ຮູ້ຈັກ​ໂດຍ​ຜ່ານ​ການ​ເລືອກຕັ້ງ​ຮອບ​ພິ​ເສດ ຊຶ່ງ​ທ່ານ​ນາງ​ອອງຊານ​ຊູ​ຈີຜູ້​ນໍາ​ຝ່າຍ​ຄ້ານ​
ຈະ​ເຂົ້າຮ່ວມ​ຊີງ​ເອົາ​ບ່ອນ​ນັ່ງ​ບ່ອນ​ນຶ່ງ​ໃນ​ຈໍານວນ​ 43 ບ່ອນ​ນັ່ງ​ທີ່​ຈະ​ມີ​ຂຶ້ນໃນໄວໆ​ນີ້.

ໃນ​ວັນ​ຈັນ​ວານ​ນີ້ ລັດຖະບານມຽນມາ​ ໄດ້​ຍົກ​ເລີກ​ຂໍ້​ຈໍາກັດ​ຮັດ​ແຄບ​ຈໍານວນ​ນຶ່ງໃນ​ການ​ຈັດ
ແຈງທາງ​ດ້ານ​ການ​ເມືອງ​ພາຍ​ໃນ​ບໍ່​ເທົ່າ​ໃດ​ຊົ່ວ​ໂມງ​ຫລັງ​ຈາກ​ພັກ​ສັນ​ນິບາດ​ແຫ່ງ​ຊາດ​ເພື່ອ
ປະຊາທິປະ​ໄຕ​ໃນ​ມຽນມ້າ​ຂອງ​ທ່ານນາງ​ອອງຊານ​ຊູ​ຈີ​ຈົ່ມ​ວ່າ ຂໍ້​ຈໍາກັດ​ຮັດ​ແຄບ​ດັ່ງກ່າວ​ເປັນ
ໄພ​ຂົ່ມຂູ່​ຕໍ່ ຄວາມ​ເປັນ​ທໍາ​ໃນ​ການ​ເລືອກ​ຕັ້ງ​ຮອບ​ພິ​ເສດ​ໃນ​ວັນ​ທີ 1 ​ເມສາ​ຕໍ່ໜ້ານີ້.

XS
SM
MD
LG