ລັດຖະສະພາຂອງມຽນມາ ໄດ້ໄຂຄືນອີກໃນວັນຈັນມື້ນີ້ ໂດຍມີຜູ້ນໍາພັກສັນນິບາດແຫ່ງ
ຊາດເພື່ອປະຊາທິປະໄຕ ທ່ານນາງ ອອງຊານ ຊຸ ຈີ ແລະສະມາຊິກສະພາຈາກພັກຂອງ
ທ່ານນາງ 42 ຄົນ ປະຕິເສດບໍ່ຍອມເຂົ້າປະຈໍາບ່ອນນັ່ງຂອງພວກເຂົາເຈົ້າຍ້ອນການຂັດ
ແຍ້ງກັນກ່ຽວກັບຄໍາສາບານຕົວ ເພື່ອເຂົ້າຮັບຕໍາແໜ່ງດັ່ງກ່າວ.
ການຜິດຖຽງກັນດ່ັງກ່າວມີຂຶ້ນ ພ້ອມໆກັບທີ່ສະຫະພາບຢູໂຣບປະກາດໂຈະການລົງໂທດ
ທາງການຄ້າແລະເສດຖະກິດ ທີ່ໄດ້ນໍາໃຊ້ມາເປັນເວລາດົນນານຕໍ່ມຽນມານັ້ນໄວ້ ເປັນເວລາ
ນຶ່ງປີໃນວັນຈັນມື້ນີ້ ເພື່ອຕອບສະໜອງຕໍ່ການປະຕິຮູບໄປສູ່ປະຊາທິປະໄຕ ຢູ່ໃນປະເທດ
ເອເຊຍຕາເວັນອອກສຽງໃຕ້ແຫ່ງນັ້ນ.
ເບິ່ງວີດີໂອ ລັດຖະມົນຕີຕ່າງປະເທດອັງກິດຖະແຫລງວ່າ ເປັນຫຍັງ ອີຢູ ຈຶ່ງພຽງ
ແຕ່ໂຈະການລົງໂທດ ໂດຍບໍ່ໄດ້ຍົກເລີກໄປເລີຍ ແລະບັນດາຜູ້ແທນສະພາມຽນມາ
ສາບານໂຕເຂົ້າຮັບຕໍາແໜ່ງ:
ບັນດາເຈົ້າໜ້າທີ່ຂອງພັກກ່າວວ່າ ບັນດາຜູ້ແທນຂອງພັກ NLD ຈະບໍ່ເຂົ້າກໍາບ່ອນນັ່ງ
ຈົນກ່ວາວ່າຈະມີການປ່ຽນແປງຄໍາສາບານ ເພື່ອບໍ່ໃຫ້ພວກເຂົາເຈົ້າຕ້ອງໄດ້ສາບານຕົວ
ວ່າ ຈະຄຸ້ມຄອງລັດຖະທໍາມະນູນທີ່ຂຽນຂຶ້ນມາໂດຍລັດຖະບານທະຫານຊຸດເກົ່າທີ່ກໍາ
ອໍານາດນັ້ນ.
ໂຄສົກຂອງພັກສັນນິບາດແຫ່ງຊາດເພື່ອປະຊາທິປະໄຕ ຫຼື NLD ທ່ານ Nyan Win
ໄດ້ກ່າວຕໍ່ພວກນັກຂ່າວໃນວັນຈັນມື້ນີ້ວ່າ ທ່ານເຊື່ອໝັ້ນວ່າບັນຫາດັ່ງກ່າວ ຈະແກ້ໄຂ
ໄດ້ໂດຍໄວໆ.
ທາງພັກ NLD ຢາກໃຫ້ປ່ຽນແປງຄໍາສາບານ ໃຫ້ມີເນື້ອໃນບັງຄັບໃຫ້ເຂົາເຈົ້າເຄົາລົບ
ນັບຖືລັດຖະທໍາມະນູນເທົ່ານັ້ນ ແທນທີ່ຈະບັງຄັບໃຫ້ປົກປ້ອງຄຸ້ມຄອງ ຊຶ່ງທາງພັກລັດຖະ
ບານໄດ້ປະຕິເສດ ມາຈົນເທົ່າເຖິງປະຈຸບັນນີ້.
ປະທານາທິບໍດີທ່ານ Thein Sein ທີກໍລັງຢ້ຽມຢາມກຸງ Tokyo ແລະໄດ້ກ່າວກັບບັນດາ
ນັກຂ່າວໃນວັນຈັນມື້ນີ້ວ່າ ທ່ານບໍ່ມີແຜນການທີ່ຈະປ່ຽນແປງຄໍາເວົ້າ ຂອງຄໍາສາບານ
ແຕ່ກໍຢືນຢັດວ່າ ທ່ານບໍ່ມີວັນຈະຕ່າວປີ້ນຂັ້ນຕອນຂອງປະຊາທິປະໄຕທີ່ກໍາລັງດໍາເນີນ
ໄປຢູ່ນັ້ນ.
