ເປັນທີ່ປາກົດວ່າ ລາຍງານສັ້ນໆຢູ່ໃນໜັງສືພິມຂອງທາງການມຽນມາສະບັບທີ່ອອກ
ໃນວັນອັງຄານມື້ນີ້ ປະຕິເສດຕໍ່ຂ່າວລືທີ່ວ່າ ນາຍພົນອະວຸໂສ THAN SHWE
ໄດ້ລາອອກຈາກການເປັນຜູ້ນຳຂອງກອງທັບມຽນມາ ໃນການຊັບຊ້ອນຄັ້ງໃຫຍ່
ກ່ອນໜ້າການເລືອກຕັ້ງ.
ໃນສານທາງການທູດສະບັບນຶ່ງທີ່ສົ່ງໄປຍັງກະສັດຂອງມາເລເຊຍ ເນື່ອງໃນໂອກາດ
ວັນສະເຫຼີມສະຫຼອງວັນເອກກະລາດ ຄົບຮອບ 51 ປີ ຂອງມາເລເຊຍນັ້ນໄດ້ມີການ
ອ້າງເຖິງທ່ານ THAN SHWE ວ່ານາຍພົນອະວຸໂສແລະປະທານສະພາສັນຕິພາບ
ແລະການພັດທະນາແຫ່ງລັດຂອງມຽນມາ.
ໃນມື້ວັນສຸກແລ້ວນີ້ ລັດຖະມົນຕີກະຊວງປ້ອງກັນປະເທດມຽນມາ ນາຍພົນ THURA
SHWE MANN ຜູ້ນຳໝາຍເລກ 3 ຂອງກອງທັບມຽນມາແລະນາຍພົນຄົນສຳຄັນອື່ນໆ
ຂອງມຽນມາໄດ້ລາອອກເພື່ອເຂົ້າຮ່ວມພັກສະຫະພັນເອກກະພາບແລະການພັດທະນາ
ຂອງສະຫະພາບ ຊຶ່ງເປັນພັກການເມືອງຂອງ ອຳນາດການປົກຄອງທະຫານ ແລະຄາດວ່າ
ຈະໄດ້ຮັບບ່ອນນັ່ງເກືອບທັງໝົດ ໃນການເລືອກຕັ້ງສະພາແຫ່ງຊາດ ທີ່ຈະມີຂຶ້ນໃນວັນທີ
7 ພະຈິກຈະມານີ້. ການຊັບຊ້ອນກອງທັບດັ່ງກ່າວພາໃຫ້ມີຂ່າວລືວ່າຜູ້ນຳທະຫານມຽນມາ
ນາຍພົນ THAN SHWE ກໍໄດ້ລາອອກຈາກກອງທັບດວ້ຍ.
