ໃນການຮ່ວມມືກັບລັດຖະບານມຽນມານັ້ນ ອົງການວັດທະນະທໍາຂອງສະຫະປະຊາຊາດ
ໄດ້ຈັດກອງປະຊຸມສຳມະນາເທື່ອທໍາອິດ ເພື່ອສຶກສາພິຈາລະນາເບິ່ງຄວາມສໍາພັນຂອງລັດ
ຖະບານມຽນມາກັບສື່ມວນຊົນ.
ທີ່ນະຄອນຢ້າງກຸ້ງ ກອງປະຊຸມສຳມະນາຮ່ວມ ທີ່ຈັດຂຶ້ນໂດຍອົງການການສຶກສາ ວິທະ
ຍາສາດ ແລະວັດທະນະທໍາຂອງສະຫະປະຊາຊາດຫລືຢູເນັສໂກ ແລະພວກເຈົ້າໜ້າທີ່
ຈາກກະຊວງຖະແຫຼງຂ່າວຂອງມຽນມາ ເລິ່ມຕົ້ນດ້ວຍການປຶກສາຫາລືກັນເປັນເວລາ
ສອງມື້ກ່ຽວກັບຮ່າງກົດໝາຍທີ່ຖືກສະເໜີຂຶ້ນມາເພື່ອກໍາກັບດູແລວົງການຂ່າວ ການພິມ
ເຜີຍແຜ່ ແລະການພິມ. ຮ່າງກົດໝາຍທີ່ກວມເອົາການອອກອາກາດ ຮູບວີດີໂອ ກໍໄດ້ມີ
ການປຶກສາຫາລືກັນໃນເວລາຕໍ່ມາທີ່ນະຄອນຫລວງເນປິດໍ.
ເນື້ອໃນຫລັກຂອງຮ່າງກົດໝາຍດັ່ງກ່າວນີ້ມີໂຮມທັງການຈັດຕັ້ງສະພາການຂ່າວ ແລະ
ສະພາອອກອາກາດອິດສະຫລະຂຶ້ນມາ ແລະພ້ອມກັບຮ່າງປະຕິບັດການສໍາລັບສື່ທາງອິນ
ເທີເນັດໃໝ່.
ອົງການຢູເນສໂກ ກ່າວວ່າ ການປຶກສາຫາລືກັນ ແມ່ນເພັ່ງເລັງໃສ່ການ ເຄົາລົບນັບຖື
ມາດຕະຖານລະດັບສາກົນວ່າດ້ວຍເສລີພາບໃນການສະແດງ ຄວາມຄິດຄວາມເຫັນ ດັ່ງ
ທີ່ໄດ້ບົ່ງໄວ້ຢູ່ໃນຄໍາປະກາດສາກົນວ່າດ້ວຍສິດທິມະນຸດນັ້ນ.
ທ່ານ Bambang Harymutri ນັກຊ່ຽວຊານສື່ມວນຊົນຊາວອິນໂດເນເຊຍຜູ້ຊ່ວຍອຳ
ນວຍຄວາມສະດວກໃຫ້ແກ່ກອງປະຊຸມສຳມະນາຂອງອົງ ການຢູເນສໂກຄັ້ງນີ້ກ່າວວ່າ
ມຽນມາມີຂໍ້ໄດ້ປຽບທີ່ຈະຖອດຖອນບົດຮຽນຈາກຄວາມຜິດພາດ ທີ່ພວກປະເທດອື່ນໆ
ໄດ້ປະຕິບັດມາ ກ່ຽວກັບເລຶ່ອງ
ກົດໝາຍສື່ມວນຊົນແລະການພັດທະນາໃນດ້ານນີ້.
ກົດໝາຍສື່ມວນຊົນຊຸດໃໝ່ນີ້ ເປັນພາກສ່ວນຂອງຄວາມພະຍາຍາມໃນ ການປະຕິຮູບ
ປະຊາທິປະໄຕ ທີ່ໄດ້ດໍາເນີນມາ ໂດຍລັດຖະບານຊຸດໃໝ່ ຂອງມຽນມາທີ່ໄດ້ຮັບການໜຸນ
ຫລັງຈາກພວກທະຫານ ນັບຕັ້ງແຕ່ເຂົ້າມາບໍລິຫານປະເທດແທນລັດຖະບານຜະເດັດການ
ທະຫານເມື່ອປີຜ່ານມາທີ່ປົກຄອງປະເທດມາເປັນເວລາຍາວນານນັ້ນ.