ລັດຖະບານມຽນມາແລະພວກກະບົດເຜົ່າກະຈິ່ນ ໄດ້ບັນລຸການ
ຕົກລົງຢຸດຍິງຊົ່ວຄາວ ທີ່ແນໃສ່ເພື່ອຍຸດຕິການສູ້ລົບ ທີ່ດຳເນີນ ມາເປັນເວລາສອງປີຊຶ່ງເຮັດໃຫ້ປະຊາຊົນເກືອບ 100,000 ພັນ
ຄົນ ຕ້ອງໄດ້ອົບພະຍົບຫຼົບໄພ.
ພາຍໃຕ້ຂໍ້ຕົກລົງດັ່ງກ່າວ ຊຶ່ງໄດ້ບັນລຸກັນ ໃນວັນພະຫັດວານນີ້ ຫລັງຈາກການເຈລະຈາເປັນເວລາ 3 ມື້ນັ້ນ ການສູ້ລົບຈະຕ້ອງ
ຢຸດເຊົາແລະຈະມີການເຈລະຈາກັນເພີ້ມຕື່ມກ່ຽວກັບຂໍ້ຮຽກຮ້ອງ
ຂອງພວກກະຈິ່ນທີ່ຢາກໄດ້ສິດທິທາງດ້ານການເມືອງແລະການ
ປົກຄອງຕົນເອງຫຼາຍຂຶ້ນ.
ການເຈລະຈາ ຊຶ່ງມີຂຶ້ນຢູ່ໃນພາກເໜືອຂອງມຽນມາ ແມ່ນໄດ້ມີການຕິດຕາມ ໂດຍພວກຜູ້
ຕາງໜ້າຂອງອົງການສະຫະປະຊາຊາດ ລັດຖະບານຈີນແລະພວກຊົນກຸ່ມນ້ອຍເຜົ່າອື່ນໆ ຂອງມຽນມາ. ທ່ານ Lu Zhi ນັກການທູດຈີນກ່າວຕໍ່ວີໂອເອພະແນກພາສາມຽນມາວ່າ ຈີນ ໄດ້ຊ່ອຍຈັດໃຫ້ມີການເຈລະຈາກັນ ຕາມຄຳຂໍຮ້ອງຂອງທັງສອງຝ່າຍ.
ຂໍ້ຕົກລົງທີ່ປະກອບດ້ວຍ 7 ຂໍ້ ແມ່ນຮຽກຮ້ອງໃຫ້ຍຸຕິຄວາມເປັນປໍລະປັກລະປັກຕໍ່ກັນແລະ ກັນ ເປີດການເຈລະຈາທາງດ້ານການເມືອງ ແລະສ້າງຕັ້ງຄະນະກຳມະການຮ່ວມເພື່ອຕິດ ຕາມເບິ່ງການຢຸດຍິງ. ນອກນັ້ນແລ້ວ ພັກຝ່າຍທັງສອງຍັງໄດ້ຕົກລົງທີ່ຈະເລີ້ມດຳເນີນງານ ກ່ຽວກັບການຕັ້ງຖິ່ນຖານໃໝ່ ໃຫ້ພວກອົບພະຍົບຫລົບໄພ.
ສະຖານທູດສະຫະລັດ ທີ່ນະຄອນຢ່າງກຸ້ງ ໄດ້ອອກຖະແຫຼງການສະບັບນຶ່ງ ໃນວັນສຸກມື້ນີ້ ສະແດງຄວາມຊົມເຊີຍ ກ່ຽວກັບການເຈລະຈາດັ່ງກ່າວ.
ພວກກະຈິ່ນ ແມ່ນເປັນຊົນກຸ່ມນ້ອຍທີ່ສຳຄັນພຽງກຸ່ມດຽວເທົ່ານັ້ນຂອງມຽນມາທີ່ບໍ່ໄດ້ເຊັນ ຂໍ້ຕົກລົງຢຸດຍິງ ນັບຕັ້ງແຕ່ລັດຖະບານຫົວປະຕິຮູບຂອງປະທານາທິບໍດີເທນ ເຊນໄດ້ເຂົ້າ ກຳອຳນາດ ໃນປີ 2011.
ເບິ່ງວີດີໂອ ກ່ຽວກັບ ການລົງນາມ ໃນຂໍ້ຕົກລົງ ຢຸດຍິງຊົ່ວຄາວ:
ຕົກລົງຢຸດຍິງຊົ່ວຄາວ ທີ່ແນໃສ່ເພື່ອຍຸດຕິການສູ້ລົບ ທີ່ດຳເນີນ ມາເປັນເວລາສອງປີຊຶ່ງເຮັດໃຫ້ປະຊາຊົນເກືອບ 100,000 ພັນ
ຄົນ ຕ້ອງໄດ້ອົບພະຍົບຫຼົບໄພ.
ພາຍໃຕ້ຂໍ້ຕົກລົງດັ່ງກ່າວ ຊຶ່ງໄດ້ບັນລຸກັນ ໃນວັນພະຫັດວານນີ້ ຫລັງຈາກການເຈລະຈາເປັນເວລາ 3 ມື້ນັ້ນ ການສູ້ລົບຈະຕ້ອງ
ຢຸດເຊົາແລະຈະມີການເຈລະຈາກັນເພີ້ມຕື່ມກ່ຽວກັບຂໍ້ຮຽກຮ້ອງ
ຂອງພວກກະຈິ່ນທີ່ຢາກໄດ້ສິດທິທາງດ້ານການເມືອງແລະການ
ປົກຄອງຕົນເອງຫຼາຍຂຶ້ນ.
ການເຈລະຈາ ຊຶ່ງມີຂຶ້ນຢູ່ໃນພາກເໜືອຂອງມຽນມາ ແມ່ນໄດ້ມີການຕິດຕາມ ໂດຍພວກຜູ້
ຕາງໜ້າຂອງອົງການສະຫະປະຊາຊາດ ລັດຖະບານຈີນແລະພວກຊົນກຸ່ມນ້ອຍເຜົ່າອື່ນໆ ຂອງມຽນມາ. ທ່ານ Lu Zhi ນັກການທູດຈີນກ່າວຕໍ່ວີໂອເອພະແນກພາສາມຽນມາວ່າ ຈີນ ໄດ້ຊ່ອຍຈັດໃຫ້ມີການເຈລະຈາກັນ ຕາມຄຳຂໍຮ້ອງຂອງທັງສອງຝ່າຍ.
ຂໍ້ຕົກລົງທີ່ປະກອບດ້ວຍ 7 ຂໍ້ ແມ່ນຮຽກຮ້ອງໃຫ້ຍຸຕິຄວາມເປັນປໍລະປັກລະປັກຕໍ່ກັນແລະ ກັນ ເປີດການເຈລະຈາທາງດ້ານການເມືອງ ແລະສ້າງຕັ້ງຄະນະກຳມະການຮ່ວມເພື່ອຕິດ ຕາມເບິ່ງການຢຸດຍິງ. ນອກນັ້ນແລ້ວ ພັກຝ່າຍທັງສອງຍັງໄດ້ຕົກລົງທີ່ຈະເລີ້ມດຳເນີນງານ ກ່ຽວກັບການຕັ້ງຖິ່ນຖານໃໝ່ ໃຫ້ພວກອົບພະຍົບຫລົບໄພ.
ສະຖານທູດສະຫະລັດ ທີ່ນະຄອນຢ່າງກຸ້ງ ໄດ້ອອກຖະແຫຼງການສະບັບນຶ່ງ ໃນວັນສຸກມື້ນີ້ ສະແດງຄວາມຊົມເຊີຍ ກ່ຽວກັບການເຈລະຈາດັ່ງກ່າວ.
ພວກກະຈິ່ນ ແມ່ນເປັນຊົນກຸ່ມນ້ອຍທີ່ສຳຄັນພຽງກຸ່ມດຽວເທົ່ານັ້ນຂອງມຽນມາທີ່ບໍ່ໄດ້ເຊັນ ຂໍ້ຕົກລົງຢຸດຍິງ ນັບຕັ້ງແຕ່ລັດຖະບານຫົວປະຕິຮູບຂອງປະທານາທິບໍດີເທນ ເຊນໄດ້ເຂົ້າ ກຳອຳນາດ ໃນປີ 2011.
ເບິ່ງວີດີໂອ ກ່ຽວກັບ ການລົງນາມ ໃນຂໍ້ຕົກລົງ ຢຸດຍິງຊົ່ວຄາວ:
