ການເຊື່ອມຕໍ່ທາງ Internet ໃນມຽນມາໄດ້ຖືກລົບກວນໃນອາທິດທີ່ຜ່ານມາ ໂດຍໄດ້ເຮັດໃຫ້ການສື່ສານກັບໂລກພາຍນອກນັ້ນຊ້າລົງ ໃນໄລຍະບໍ່ເທົ່າໃດວັນ ກ່ອນການເລືອກຕັ້ງຄັ້ງສຳຄັນໃນມຽນມາ.
ໜັງສືພິມທ້ອງຖິ່ນສະບັບນຶ່ງລາຍງານວ່າ ພວກຮ້ານໃຫ້ການບໍລິການທາງ ອິນເຕີເນ໊ຕ ໃນຢ້າງກຸ້ງ ເມືອງຫຼວງທາງດ້ານການຄ້າຂອງມຽນມານັ້ນ ຕ້ອງໄດ້ຖືກປິດລົງ ຊຶ່ງໄດ້ສົ່ງຜົນກະທົບຕໍ່ໂຮງແຮມ, ສາຍການບິນ, ໂຮງພະຍາບານ, ແລະບໍລິສັດສື່ຕ່າງໆດ້ວຍ.
ພວກຜູ້ນຳທາງທະຫານຂອງມຽນມາ ບໍ່ໄດ້ໃຫ້ຄຳອະທິບາຍໃດໆ ກ່ຽວກັບເຫດການດັ່ງກ່າວ ບໍ່ເໝືອນກັບທຸກໆຄັ້ງທີ່ຜ່ານມາ. ແລະນັ້ນກໍໄດ້ພາໃຫ້ພວກ ສົ່ງເສີມສິດທິມະນຸດ ພາກັນສັນນິຖານກັນວ່າ ທາງລັດຖະບານທະຫານໄດ້ເຈດຕະນາຕັດການເຊື່ອມຕໍ່ ເພື່ອເຮັດໃຫ້ການສົ່ງຂ່າວອອກນອກປະເທດທາງດ້ານອິນເທີເນ໊ຕນັ້ນ ຊັກຊ້າລົງ ລ່ວງໜ້າການເລືອກຕັ້ງທີ່ຈະມີຂຶ້ນໃນວັນທີ່ 7 ເດືອນພະຈິກນີ້.
ລັດຖະບານທະຫານໄດ້ງົດການອອກວີຊາຢູ່ກັບດ່ານ ໃຫ້ພວກທີ່ຈະເຂົ້າໄປຍັງມຽນມາ ແລະຫ້າມບໍ່ໃຫ້ນັກຂ່າວແລະນັກທານທູດຕ່າງປະເທດ ເຂົ້າໄປຢ້ຽມຢາມມຽນມາ ເພື່ອສັງເກດການເລືອກຕັ້ງຄັ້ງນີ້.
