ຜູ້ນຳລັດຖະບານທະຫານມຽນມານາຍພົນ Than Shwe
ໄດ້ສະເຫຼີມສະຫຼອງວັນເອກກະລາດຄົບຮອບ 63 ປີຂອງ
ມຽນມາໃນວັນອັງຄານມື້ນີ້ ດ້ວຍການຮຽກຮ້ອງໃຫ້ມີການ
ເຝົ້າລະວັງ ຕໍ່ຕ້ານທຸກໆຮູບແບບຂອງການລົບກວນຈາກ
ຕ່າງປະເທດ ທີ່ອາດເຮັດໃຫ້ມຽນມາ ຕົກຢູ່ພາຍໃຕ້ອິດທິ
ພົນຂອງຕ່າງປະເທດ.
ນາຍພົນ Than Shwe ກ່າວວ່າ ມີບາງປະເທດກຳລັງ
ຊອກຫາຊ່ອງທາງທັບມ້າງຄວາມເປັນນໍ້ານຶ່ງໃຈດຽວແຫ່ງ
ຊາດຂອງມຽນມາ ເພື່ອເຮັດໃຫ້ມຽນມາອ່ອນແອ ແລ້ວກໍ
ເຂົ້າຄວບຄຸມ.
ທ່ານບໍ່ໄດ້ລະບຸຊື່ປະເທດໃດ ແຕ່ການໃຫ້ທັດສະນະຄວາມເຫັນທີ່ວ່ານີ້ມີຂຶ້ນລຸນຫຼັງການຮຽກ
ຮ້ອງຂອງສະຫະລັດໃນສັບປະດາແລ້ວ ໃຫ້ມຽນມາໃຊ້ວັນຄົບຮອບວັນເອກກະລາດປີນີ້ເປັນ ໂອກາດສຳລັບປ່ອຍພວກນັກໂທດການເມືອງ 2,200 ຄົນແລະເລີ້ມເປີດການສົນທະນາຫາລື
ກັບພັກຝ່າຍຄ້ານ.
ທ່ານ Naing Aung ເລຂາທິການໃຫຍ່ຂອງແນວໂຮມກຸ່ມຊາວມຽນມາຝ່າຍຄ້ານທີ່ລີ້ໄພຢູ່
ໃນຕ່າງປະເທດ ກ່າວຕໍ່ VOA ໃນວັນອັງຄານມື້ນີ້ວ່າ ການປ່ອຍພວກນັກໂທດການເມືອງ
ແມ່ນເງື່ອນໄຂທີ່ຈໍາເປັນອັນທຳອິດກ່ອນທີ່ການເຈລະຈາຫາລືຈະເລີ້ມຂຶ້ນໄດ້.