ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ຝຣັ່ງມອບຫລຽນກຽດຕິຍົດ ໃຫ້ທ່ານນາງ ອອງຊານ ຊູຈີ


ລັດຖະມົນຕີຕ່າງປະເທດຝຣັ່ງ ທ່ານ Alain Juppe ກັບຜູ້ນໍາປະຊາທິປະໄຕມຽນມາ ທ່ານນາງ Aung San Suu Kyi ໃຫ້ສໍາພາດຂ່າວຮ່ວມກັນ ລຸນຫລັງການພົບປະສົນທະນາກັນ ຢູ່ເຮືອນຂອງທ່ານນາງ ທີ່ນະຄອນຢ່າງກຸ້ງ, ວັນທີ 15 ມັງກອນ 2012.
ລັດຖະມົນຕີຕ່າງປະເທດຝຣັ່ງ ທ່ານ Alain Juppe ກັບຜູ້ນໍາປະຊາທິປະໄຕມຽນມາ ທ່ານນາງ Aung San Suu Kyi ໃຫ້ສໍາພາດຂ່າວຮ່ວມກັນ ລຸນຫລັງການພົບປະສົນທະນາກັນ ຢູ່ເຮືອນຂອງທ່ານນາງ ທີ່ນະຄອນຢ່າງກຸ້ງ, ວັນທີ 15 ມັງກອນ 2012.

ລັດຖະມົນຕີ​ການ​ຕ່າງປະ​ເທດ​ຝຣັ່ງ​ ທ່ານ Alain Juppe ​ໄດ້​ມອບ​ຫລຽນ​ກາຄໍາ​ຊອບ
ກຽດ​ຕິ​ຍົດອັນ​ດັບສູງ​ສຸດ​ອັນ​ນຶ່ງຂອງປະ​ເທດຝຣັ່ງ ​ໃຫ້ແກ່​ທ່ານ​ນາງ Aung San Suu
Kyi ນັກ​ເຄື່ອນ​ໄຫວ​ຕໍ່ສູ້​ເພື່ອ​ປະຊາທິປະ​ໄຕໃນ​ມຽນມາ.

ໃນ​ພິທີ​ທີ່ຈັດ​ຂຶ້ນ​ຢູ່​ນະຄອນ​ຢາງ​ກຸ້ງ ​ໃນ​ວັນ​ອາທິດວານ​ນີ້ ທ່ານ Juppe ​ໄດ້​ມອບ​ຫລຽນ​
ກຽດຕິຍົດ the Legion of Honor ໃຫ້​ທ່ານ​ນາງ Aung San Suu Kyi ​ເພື່ອ​ເປັນ​
ການ​ຮັບ​ຮູ້​ໃນ​ການ​ຕໍ່ສູ້ເພື່ອ​ປະຊາທິປະ​ໄຕ ມາ​ເປັນ​ເວລາດົນ​ນານ​ຂອງ​ທ່ານ​ນາງ.

ທ່ານ Juppe ທີ່​ຢືນ​ຢູ່​ຄຽງ​ຂ້າງ​ທ່ານ​ນາງ​ຊູ​ຈີ ກ່າວວ່າ ຝຣັ່ງແລະສະຫະພາບຢູໂຣບ
ຈະໃຫ້ການຕອບສະໜອງ “ໃນ​ທາງ​ບວກ​ແລະ​ເປັນ​ຮູບ​ປະ​ທໍາ” ຕໍ່ການດໍາເນີນການ
ປະຕິຮູບຢ່າງ​ໄວ ຕໍ່​ເນື່ອງ​ກັນຫລາຍໆຢ່າງ ໂດຍລັດຖະບານມຽນມາ​ນັ້ນ ແລະ​ເອີ້ນ​
ການ​ປະຕິ​ຮູບ​ເຫລົ່າ​ນັ້ນວ່າ “​ເປັນ​ປະວັດ​ການ.” ທ່ານໄດ້ບອກ​ພວກ​ສື່ມວນຊົນວ່າ
ທ່ານໄດ້ພົບກັບນັກໂທດ ຈໍານວນ​ນຶ່ງ​ໃນຫລາຍກວ່າ 650 ຄົນທີ່ຖືກປ່ອຍຕົວໃນວັນ
ສຸກຜ່ານ​ມາ​ນັ້ນ ແລະຂໍ​ສະ​ແດງ​ຄວາມຄໍານັບຕໍ່​ຄວາມ ອົງອາດກ້າຫານ ແລະສັກ​ສີ
ຂອງເຂົາເຈົ້າ.

ສ່ວນທ່ານນາງ Aung San Suu Kyi ກ່າວວ່າ ທ່ານນາງຫວັງວ່າ ການປ່ອຍພວກ
ນັກໂທດ ຊື່ງຮວມທັງນັກໂທດການເມືອງຫລາຍໆຄົນນັ້ນ ຈະ​ເຮັດ​ໃຫ້ຂັ້ນຕອນ​ໃນ
​ການ​ກ້າວ​ໄປ​ສູ່ ປະຊາທິປະໄຕ ແລະ ການສ້າງຄວາມປອງດອງຊາດ ​ໃນ​ມຽນມາ​ນັ້ນ
ມີ​ຄວາມ​ໝັ້ນ​ຄົງໜັກ​ແໜ້ນ​ຍິ່ງ​ຂຶ້ນ.

ທ່ານ Juppe ຊຶ່ງເປັນລັດຖະມົນຕີກະຊວງການຕ່າງປະເທດຝຣັ່ງ ຄົນທໍາອິດທີ່ໄປ
ຢ້ຽມຢາມມຽນມາ ມີ​ກໍານົດຈະໄດ້ພົບປະກັບປະທານາທິບໍດີ Thein Sein ທີ່ນະ
ຄອນຫລວງ Naypyitaw ​ໃນ​ວັນ​ຈັນ​ມື້​ນີ້.

ການເດີນທາງໄປຢ້ຽມຢາມ​ມຽນມາຂອງທ່ານ​ໃນ​ຄັ້ງ​ນີ້ ​ແມ່ນ​ຕິດຕາມ​ມາ​ລຸນ​ຫລັງ
ການ​ຢ້ຽມຢາມ​ໃນ​ທໍານອງ​ດຽວ​ກັນຂອງ ທ່ານນາງ Hillary Clinton ໃນເດືອນ
ທັນວາຜ່ານ​ມາ ຊຶ່ງທ່ານ​ນາງ​ ໄດ້ເປັນລັດຖະມົນຕີການຕ່າງປະເທດສະຫະລັດ
ຄົນທໍາອິດ ທີ່ໄປຢ້ຽມຢາມມຽນມາ​ ໃນ​ຮອບດົນກວ່າ 50 ປີ. ໃນມື້ວັນສຸກຜ່ານ​ມາ
ວໍຊິງຕັນ ໄດ້ຈັດ​ຕັ້ງຄວາມສໍາພັນທາງການທູດ​ໂດຍເຕັມ ກັບມຽນມາ​ຄືນ​ໃໝ່ ຫລັງ
​ຈາກ​ທີ່​ມຽນມາ​ໄດ້ປ່ອຍນັກໂທດ.

XS
SM
MD
LG