ມີ 14 ຄົນເສຍຊີວິດ ແລະ ມີອີກປະມານ 100 ຄົນ ໄດ້ຮັບບາດເຈັບ ຍ້ອນເກີດໄຟໄໝ້ທໍ່ສົ່ງນໍ້າມັນດິບ ຢູ່ພາກກາງຂອງມຽນມາ.
ເຈົ້າໜ້າທີ່ລັດຖະບານມຽນມາຜູ້ນຶ່ງ ກ່າວໃນວັນຈັນມື້ນີ້ວ່າ ໄຟໄດ້ລຸກໄໝ້ຂຶ້ນໃນວັນອາທິດ
ວານນີ້ ຢູ່ໃກ້ເມືອງ ປາກົກກູ (Pakokku) ໃນເຂດແມັກເວ (Magway).
ເຈົ້າໜ້າທີ່ຄົນນີ້ ທີ່ບໍ່ປະສົງທີ່ຈະບອກຊື່ ເວົ້າວ່າອາດຈະມີກໍລະນີ ຄົນບາດເຈັບຫລາຍລາຍ
ກວ່ານັ້ນອີກ ກໍເປັນໄດ້.
ພວກທີ່ໄດ້ຮັບບາດເຈັບ ຊຶ່ງມີລວມທັງຫລາຍຄົນທີ່ໄປຊ່ວຍດັບໄຟ ໄດ້ຖືກນຳໄປປິ່ນປົວ
ບາດແຜຢູ່ໂຮງໝໍ ໃກ້ໆເຂດນັ້ນ.