ຫົວໜ້າທູດພິເສດ ຂອງອົງການສະຫະປະຊາຊາດ ກ່ຽວກັບມຽນມາ ໄດ້ຮຽກຮ້ອງໃຫ້ປະຊາ
ຄົມນາໆຊາດຈົ່ງພາກັນຍົກເລີກການລົງໂທດຕໍ່ລັດຖະບານທະຫານຊຸດກ່ອນຂອງມຽນມາ.
ທ່ານ Vijay Nambiar ຜູ້ທີ່ໄດ້ໄປຢ້ຽມຢາມມຽນມາໃນຕົ້ນເດືອນນີ້ກ່າວວ່າ “ການປ່ຽນແປງ
ຢ່າງໃຫຍ່ຫຼວງ” ກໍາລັງເກີດຂື້ນຢູ່ໃນປະເທດດັ່ງກ່າວຂະນະທີ່ມຽນມາພວມກ້າວໄປສູ່ປະຊາທິ
ປະໄຕ ແຕ່ທ່ານເວົ້າວ່າ ການເລືອກຕັ້ງສະມາຊິກສະພາແຫ່ງຊາດ ໃນວັນທີ 1 ເມສານີ້ຈະ
ເປັນການທົດສອບອັນສໍາຄັນຂອງລັດຖະບານພົນລະເຮືອນ ທີ່ໄດ້ເຂົ້າກໍາອໍານາດ ມາເປັນເວ
ລາບໍ່ຮອດນຶ່ງປີ.
ທ່ານ Nambia ໄດ້ກ່າວອ້າງເຖິງຄວາມກ້າວໜ້າຂອງມຽນມາໃນການຫັນປ່ຽນຈາກລະບອບ
ຜະເດັດການທະຫານໄປສູ່ປະຊາທິປະໄຕ ຮວມທັງການລົງທະບຽນຂອງພັກສັນນິບາດແຫ່ງ
ຊາດເພື່ອປະຊາທິປະໄຕຊຶ່ງເປັນພັກຝ່າຍຄ້ານ ແລະການລົງທະບຽນຂອງຜູ້ນໍາພັກທ່ານນາງ
ອອງຊານ ຊູຈີທີ່ຈະເປັນຜູ້ສະມັກໃນການເລືອກຕັ້ງໃນວັນທີ່ 1 ເດືອນເມສາຈະມານີ້. ນອກ
ນັ້ນທ່ານຍັງໄດ້ສັນລະເສີນລັດຖະບານ ທີ່ໄດ້ປ່ອຍບັນດານັກໂທດການເມືອງໃນຈຳນວນທີ່ສຳ
ຄັນແຕ່ວ່າ ທ່ານໄດ້ກ່າວເຕືອນບັນດາຜູ້ນໍາຊຸດໃໝ່ຂອງມຽນມາຕ້ອງໄດ້ເສີມຂະຫຍາຍຄວາມ
ກ້າວໜ້າ ເພື່ອນໍາໄປສູ່ການປະຕິຮູບອັນແທ້ຈິງ.
ທ່ານ Nambia ກ່າວອີກວ່າ ລັດຖະບານໃໝ່ຂອງມຽນມາ ຈຳເປັນຕ້ອງໄດ້ສະໜອງຕອບຕໍ່
ຄວາມຕ້ອງການທາງດ້ານສັງຄົມເສດຖະກິດຂອງປະຊາຊົນ ເພາະສະນັ້ນ ທ່ານຈຶ່ງຮຽກຮ້ອງ
ໃຫ້ປະຊາຄົມນາໆຊາດ ຈົ່ງຍົກເລີກການລົງໂທດທາງດ້ານເສດຖະກິດ ແລະດ້ານການເງິນທີ່
ໄດ້ມີຜົນບັງຄັບຕໍ່ຜູ້ນໍາຄົນກ່ອນຂອງມຽນມາ ຍ້ອນການລ່ວງລະເມີດສິດທິມະນຸດແລະມາດ
ຕະກົດຂີ່ອື່ນໆ.
ທ່ານ Nambia ໄດ້ຊົມເຊີຍການພົວພັນຂອງລັດຖະບານມຽນມາ ກັບອົງການສະຫະປະຊາ
ຊາດໃນຫຼາຍໆດ້ານຮວມທັງຈັດຕັ້ງການສຳຫຼວດສຳມະໂນຄົວເທື່ອທຳອິດຂອງປະເທດ ນັບ
ແຕ່ປີ 1983 ເປັນຕົ້ນມາ.
