ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

EU ​​ຈະ​ໃຫ້​​ເງິນຊ່ອຍເຫຼືອ ເກືອບ $200 ລ້ານ ແກ່ມຽນມາ ໃນໄລຍະສອງປີຕໍ່ໜ້າ


A skytrain passes over vehicles on the road in Bangkok, Thailand..
A skytrain passes over vehicles on the road in Bangkok, Thailand..

ຫົວໜ້າ​ຝ່າ​ຍການ​ພັດທະນາ​ຂອງສະຫະພາບ​ຢູ​ໂຣບ​ ຫລື EU ທ່ານ Andris Piebalgs
ຫົວໜ້າ​ຝ່າ​ຍການ​ພັດທະນາ​ຂອງສະຫະພາບ​ຢູ​ໂຣບ​ ຫລື EU ທ່ານ Andris Piebalgs
ບັນດາ​ເຈົ້າ​ໜ້າສະຫະພາບ​ຢູ​ໂຣບ ທີ່​ກໍາລັງ​
ຢ້ຽມຢາມ​ມຽນມາ​ ​ໄດ້​ກ່າວ​ແນະ​ໃຫ້​ຮູ້​ວ່າ
ຈະມີການ​ຜ່ອນຜັນ​ການ​ລົງ​ໂທດຕໍ່​ມຽນມາ
ລົງ​ຕື່ມອີກ ​ໃນ​ລະຫວ່າງ​ການໂອ້​ລົມ​ສົນ
ທະ​ນາ​ກັບເຈົ້າ​ໜ້າ​ທີ່ລັດຖະບານ​ພົນລະ​
ເຮືອນຂອງ​ມຽນມາ ໃນ​ວັນ​ຈັນ​ມື້ນີ້.

ຫົວໜ້າ​ຝ່າ​ຍການ​ພັດທະນາ​ຂອງສະຫະ
ພາບ​ຢູ​ໂຣບ​ ຫລື EU ທ່ານ Andris
Piebalgs ​ໄດ້​ປະກາດ​ວ່າ ​ທາງ EU
ໄດ້​ຮັບປາກ​ທີ່​ຈະ​ໃຫ້ເງິນຊ່ອຍເຫຼືອ
ຈໍານວນເກືອບ 200 ລ້ານໂດລາ​ແກ່
​ມຽນມາໃນ​ຊ່ວງ​ເວລາ 2 ປີຕໍ່ໜ້ານີ້.

ທາງປະທານສະພາຕໍ່າຂອງມຽນມາ ທ່ານ Shwe Mann ກໍໄດ້​ໃຫ້ສັນຍາ​ຕໍ່ທ່ານ
Piebalgs ວ່າ ການເລືອກຕັ້ງຮອບ​ພິ​ເສດໃນເດືອນເມສາທີ່ຈະມາເຖິງນີ້ ຈະເປັນໄປ
ຢ່າງອິດສະລະ ເສລີແລະທ່ຽງທໍາ. EU ໄດ້ຜ່ອນຜັນ​ຂໍ້​ຫ້າມ​ຕໍ່ການເດີນທາງຂອງຜູ້ນໍາ
ມຽນມາຫລາຍ​ຄົນ ໃນເດືອນ​ມັງກອນ​ຜ່ານ​ມາ​ນີ້​ ແລະສັນຍາ​ວ່າ​ຈະ​ເອົາ​ບາດກ້າວ​ຜ່ອນຜັນ
ຕື່ມອີກ ຖ້າຫາກວ່າມຽນມາຈະຍັງສືບຕໍ່ໃນ ການປະຕິຮູບນັ້ນ.

ລັດຖະບານພົນລະເຮືອນຂອງມຽນມາທີ່ໜູນຫຼັງໂດຍທະຫານນັ້ນ ໄດ້ເຂົ້າກໍາອໍານາດ
ໂດຍການເລືອກຕັ້ງຂອງປີ 2010 ທີ່ໄດ້ມີການຕໍ່​ວ່າ​ຕໍ່ຂານວ່າເຕັມ​ໄປ​ດ້ວຍ​ການ​ສໍ້ໂກງ
ແລະນາບຂູ່​ໃຫ້​ຢ້ານ​ກົວ​ນັ້ນ. ແຕ່ເຖິງຢ່າງ​ໃດ​ກໍ​ຕາມ ນັບ​ແຕ່​ນັ້ນ​ມາ ລັດຖະບານກໍໄດ້
ປ່ອຍພວກນັກໂທດທາງການເມືອງ ແລະ​ເຈລະຈາ​ເຮັດ​ສັນຍາຢຸດ​ຍິງ​ກັນກັບພວກກະບົດ
ຊົນ​ເຜົ່າ ແລະຍັງໄດ້ອະນຸຍາດ ໃຫ້​ຜູ້ນໍາຝ່າຍຄ້ານ ທ່ານນາງ Aung San SuuKyi
ແລະພັກສັນນິບາດ ແຫ່ງຊາດເພື່ອປະຊາທິປະໄຕ ໄດ້ກັບຄືນສູ່ເວທີການເມືອງອີກຄັ້ງນຶ່ງ.

XS
SM
MD
LG