ລິ້ງ ສຳຫລັບເຂົ້າຫາ

ຜູ້ຕາງໜ້າ ສະຫະພາບຢູໂຣບ ພົບປະກັບ ທ່ານນາງອອງຊານ ຊູຈີ

  • ສິງ ບູຣົມມະວົງ

ທ່ານນາງອອງຊານຊູຈີ ຜູ້ນໍາພັກສັນນິບາດແຫ່ງຊາດເພື່ອ ປະຊາທິປະໄຕໃນມຽນມ້າ ອຸ້ມຂອງຂວັນວັນເກີດ ທີ່ນະຄອນ ຢ້າງກຸ້ງ ວັນທີ 19 ມິຖຸນາ 2011

ຄະນະ​ຜູ້ຕາງໜ້າ​ຂອງ​ສະຫະພາບ​ຢູ​ໂຣບຈຸ​ນຶ່ງ​ຄາດ​ວ່າ​ຈະ​ມີໜ້າ​ຢູ່​ນະ ຄອນ​ຢ້າງ​ກຸ້ງ​ໃນ​ວັນ​ອັງ
ຄານ​ມື້ນີ້​ເພື່ອ​ທໍາ​ການ​ໂອ້​ລົມ​ສົນທະນາ​ກັນ​ກັບ​ທ່ານ​ນາງ​ອອງຊານ​ຊູ​ຈີ ນັກ​ເຄື່ອນ​ໄຫວ​ເພື່ອ​
ປະຊາທິປະ​ໄຕ​ໃນ​ມຽນມາ.

ຄະນະ​ຜູ້ຕາງໜ້າ​ດັ່ງກ່າວ​ພາຍ​ໃຕ້​ການ​ນໍາພາ​ຂອງ​ທ່ານ Robert Cooper ທີ່​ປຶກສາ​ພິ​ເສດ​
ປະ​ຈໍາ​ທ່ານ​ນາງ Catherine Ashton ຫົວໜ້າ​ງວາງ​ນະ​ໂຍບາຍ​ການ​ຕ່າງປະ​ເທດ​ຂອງ​ສະ
ຫະພາບ​ຢູ​ໂຣບ​ໄດ້​ຢູ່​ໃນນະຄອນຫລວງ​ດ້ານ​ການ​ປົກຄອງ Naypyitaw ຂອງ​ມຽນມາ​ໃນ​
ວັນ​ຈັນ​ວານ​ນີ້ ​ເພື່ອ​ພົບ​ປະ​ກັບ​ທ່ານ Wunna Maung Lwin ລັດຖະມົນຕີ​ຕ່າງປະ​ເທດ
ແລະ​ພວກ​ເຈົ້າ​ໜ້າ​ທີ່​ຂັ້ນ​ສູງ​ຄົນ​ອື່ນໆ​ອີກ​ຂອງ​ມຽນມາ.

ກ່ອນຈະ​ເດີນທາງ​ໄປ​ຍັງ​ມຽນມາ ຄະນະ​ຜູ້ຕາງໜ້າ​ເຫລົ່າ​ນີ້​ເວົ້າ​ວ່າ ​ເຂົາ​ເຈົ້າ​ຢາກ​ເຫັນ​ວ່າ​ລັດ
ຖະບານ​ໃໝ່​ຂອງ​ມຽນມາ​ແມ່ນ​ມີ​ຄວາມ​ຈິງ​ຈັງ​ແທ້​ຫລື​ບໍ​ກ່ຽວ​ກັບ​ການ​ປະຕິ​ຮູບ​ໄປ​ສູ່​ລະບອບ
ປະຊາທິປະ​ໄຕ​ນັ້ນ. ຄະນະນໍາພາ​ທະຫານ​ ໄດ້​ມອບອໍານາ​ດໃນ​ທ້າຍ​ເດືອນ​ມີນາ​ຜ່ານ​ມາໃຫ້
ລັດຖະບານໃໝ່ທີ່​ປະກອບ​ດ້ວຍ​ພວກ​ສະມາຊິກ​ສ່ວນ​ຫລາຍ​ທີ່​ເປັນ​ພວກ​ສະໜັບສະ​ໜຸນ​ຄະ
ນະ​ນໍາພາ​ທະຫານ​ເອງ​ນັ້ນ.

ໃນ​ນະຄອນ​ຢ້າງ​ກຸ້ງ ຄະນະ​ຜູ້​ແທນ​ສະຫະພາບ​ຢູ​ໂຣບ ກໍ​ຄາດ​ໄວ້​ວ່າ ຈະ​ພົບ​ປະ​ກັບ​ບັນດາ​ສະ
ມາຊິກ​ຂອງ​ສັນ​ນິບາດແຫ່ງ​ຊາດ​ເພື່ອ​ປະຊາທິປະ​ໄຕ ຊຶ່ງ​ເປັນ​ພັກ​ຝ່າຍ​ຄ້ານ​ທີ່​ມີ​ອິດ​ທິພົນ​ພາຍ
ໃຕ້​ການ​ນໍາພາ​ຂອງ​ທ່ານ​ນາງ​ອອງຊານ​ຊູ​ຈີ​ນັ້ນ.

ໂຄສົກ​ປະ​ຈໍາ​ພັກ​ສັນນິບາດ ​ກ່າວ​ຕໍ່ວາລະສານ Irrawaddy ຂອງ​ມຽນມາ​ທີ່ມີສຳນັກງານໃນ
ຕ່າງປະ​ເທດ​ວ່າ ທາງພັກ​ຂອງ​ຕົນ​ຢາກ​ເວົ້າ​ກັບ​ພວກ​ຜູ້ຕາງໜ້າຢູ​ໂຣບກ່ຽວ​ກັບ​ການ​ສູ້​ລົບ​ກັນ
ຄັ້ງ​ໃໝ່​ລະຫວ່າງ​ກໍາລັງ​ລັດຖະບານ​ແລະ​ພວກ​ກອງທັບ​ຂອງ​ຊົນ​ເຜົ່າ​ໃນ​ພາກ​ເໜືອ​ຂອງ​ປະ​ເທດ​
ນັ້ນ.

XS
SM
MD
LG