ຫົວໜ້ານະໂຍບາຍການຕ່າງປະເທດຂອງສະຫະພາບຢູໂຣບ ທ່ານນາງ Catherine Ash-
ton ໄດ້ພົບປະກັບທ່ານນາງອອງຊານ ຊູຈີ ຜູ້ນຳພັກຝ່າຍຄ້ານຂອງມຽນມາທີ່ນະຄອນຢ່າງ
ກຸ້ງໃນວັນເສົາມື້ນີ້.
ທ່ານນາງ Ashton ທີ່ຢືນຄຽງຂ້າງທ່ານນາງອອງຊານ ຊູຈີ ຜູ້ທີ່ໄດ້ຮັບລາງວັນໂນແບລຂະ
ແໜງສັນຕິພາບ ໃນການຖະແຫຼງຂ່າວທີ່ນະຄອນຢ່າງກຸ້ງ ໄດ້ຮຽກຮ້ອງໃຫ້ລັດຖະບານມຽນ
ມາ ສືບຕໍ່ສ້າງຄວາມກ້າວໜ້າໃນການປະຕິຮູບໄປສູ່ປະຊາທິປະໄຕ.
ທ່ານນາງ Ashton ມີກຳນົດທີ່ຈະໄຂສຳນັກງານໃໝ່ຂອງສະຫະພາບຢູໂຣບທີ່ນະຄອນຢ່າງ
ກຸ້ງ ເພື່ອກຳກັບໃນການຈັດແຈງກ່ຽວກັບໂຄງການໃຫ້ຄວາມຊ່ອຍເຫຼືອຕ່າງໆແລະຮັບມືກ່ຽວ
ກັບເລື່ອງການເມືອງ.
ໃນການຖະແຫຼງທີ່ບຣູນາຍໃນມື້ວັນສຸກວານນີ້ລຸນຫຼັງທີ່ໄດ້ພົບປະກັບບັນດາລັດຖະມົນຕີການ
ຕ່າງປະເທດແລະພວກນັກການທູດ ຂອງບັນດາປະເທດໃນເຂດເອເຊຍຕາເວັນອອກສຽງໃຕ້
ແລ້ວທ່ານນາງ Ashton ກ່າວວ່າ ສຳນັກງານທີ່ວ່ານີ້ຈະເປັນບາດກ້າວອັນທຳອິດໄປສູ່ການ
ສ້າງຕັ້ງຄະນະຜູ້ແທນໂດຍເຕັມທາງດ້ານການທູດ.
ການເດີນທາງໄປຢ້ຽມຢາມຂອງທ່ານນາງ Ashton ມີຂຶ້ນພຽງບໍ່ເທົ່າໃດມື້ຫຼັງຈາກສະຫະພາບ
ຢູໂຣບໄດ້ໂຈະການລົງໂທດໃນຂອບເຂດທີ່ກວ້າງຂວາງ ທາງດ້ານການຄ້າ ເສດຖະກິດແລະ
ສ່ວນບຸກຄົນ ຕໍ່ປະເທດມຽນມາ ທີ່ໄດ້ຖືກໂດດດ່ຽວມາເປັນເວລາດົນນານແລ້ວນັ້ນ.
ໃນມື້ວັນຈັນຈະມານີ້ ທ່ານນາງ Ashton ຈະໄດ້ພົບປະກັບປະທານາທິບໍດີ Thein Sein
ແລະເຈົ້າໜ້າທີ່ຄົນອື່ນໆຂອງມຽນມາ ຢູ່ທີ່ນະຄອນຫຼວງການປົກຄອງເນປີດໍ.