ພວກຜູ້ນຳລັດຖະບານທະຫານມຽນມາ ໄດ້ອອກລະບຽບ
ການໃໝ່ທີ່ເຄັ່ງ ຄັດຈຳນວນນຶ່ງ ກ່ຽວກັບວ່າພັກການເມືອງ
ຕ່າງໆ ສາມາດໂຄສະນາຫາສຽງໄດ້ ແບບໃດ ໃນການ
ເລືອກຕັ້ງປີນີ້.
ລະບຽບການ ທີ່ຄະນະກຳມະການເລືອກຕັ້ງນຳອອກເຜີຍ
ແຜ່ແລະລົງພິມ ຢູ່ໃນໜັງສືພິມຂອງທາງການ ໃນວັນພຸດ
ມື້ນີ້ ຫ້າມບໍ່ໃຫ້ພັກການເມືອງຕ່າງໆ ເດີນຂະບວນໄປຍັງ
ຈຸດໂຮມຊຸມນຸມ ຫ້າມສະແດງທຸງຂອງພັກ ຫລືຮ້ອງໂຮ
ຄຳຂວັນ ບໍ່ວ່າ ກ່ອນ ໃນລະຫວ່າງ ຫລືຫຼັງການ
ໂຮມຊຸມນຸມ.
ນອກນັ້ນແລ້ວ ຄຳສັ່ງດັ່ງກ່າວຍັງໄດ້ບັງຄັບໃຫ້ພັກການເມືອງຕ່າງໆ ຂໍອະນຸຍາດ
ນຶ່ງອາທິດລ່ວງໜ້າ ສຳລັບການໂຮມຊຸມນຸມຢູ່ນອກສຳນັກງານຂອງຕົນ ແລະຫ້າມ
ບໍ່ໃຫ້ກ່າວຫຼືພິມສິ່ງໃດກໍຕາມ ທີ່ບໍ່ເປັນການເຄົາລົບຕໍ່ອຳນາດການປົກ ຄອງທະຫານ.
ຄະນະກຳມະການເລືອກຕັ້ງ ໄດ້ອະນຸມັດ ໃຫ້ພັກການເມືອງ 33 ພັກເຂົ້າ ຮ່ວມການເລືອກ
ຕັ້ງໃນທ້າຍປີນີ້ ແຕ່ບໍ່ມີພັກສັນນິບາດແຫ່ງຊາດເພື່ອປະຊາທິປະ ໄຕ ຊຶ່ງເປັນພັກຝ່າຍ
ຄ້ານທີ່ໃຫຍ່ສຸດຂອງມຽນມານັ້ນ.
ພັກສັນນິບາດແຫ່ງຊາດເພື່ອປະຊາທິປະໄຕ ໄດ້ປະຕິເສດບໍ່ຍອມໄປລົງ ທະບຽນ
ເນື່ອງຈາກຜູ້ນຳຂອງພັກ ທ່ານນາງອອງຊານ ຊູຈີ ຜູ້ທີ່ໄດ້ຮັບລາງວັນ ໂນແບລຂະແໜງ
ສັນຕິພາບນັ້ນ ໄດ້ຖືກຫ້າມບໍ່ໃຫ້ເຂົ້າຮ່ວມການເລືອກຕັ້ງ ຍ້ອນທ່ານນາງໄດ້ຖືກຕັດສິນ
ໂທດວ່າ ມີຄວາມຜິດໃນການລະເມີດເງື່ອນໄຂການກັກ ບໍລິເວນ ທ່ານນາງ.
