ໜ່ວຍປ່ອນບັດໄດ້ອັດລົງແລ້ວໃນມຽນມາ ໃນການເລືອກຕັ້ງ
ທີ່ປະທານາທິບໍດີບາຣັກໂອບາມາກ່າວວ່າ ຈະດໍາເນີນໄປ
ຢ່າງບໍ່ເສລີແລະບໍ່ຍຸຕິທໍາ.
ທ່ານໂອບາມາກ່າວຕໍ່ບັນດານັກສຶກສາມະຫາວິທະຍາໄລ
ອິນເດຍແຫ່ງນຶ່ງ ໃນນະຄອນມອມໄບ ໃນວັນອາທິດມື້ນີ້ວ່າ
ປະຊາຊົນມຽນມາໄດ້ຖືກປະຕິເສດສິດທິໃນການກໍານົດຊະ
ຕາກໍາຂອງຕົນເອງ ມາເປັນເວລາດົນນານໂພດແລ້ວ.
ບັນດາຜູ້ຕໍາໜິຕິຕຽນກ່າວວ່າ ການເລືອກຕັ້ງຄັ້ງທໍາອິດໃນ
ຮອບສອງທົດສະວັດໃນມຽນມາຄັ້ງນີ້ ແມ່ນມີວັດຖຸປະສົງ
ເພື່ອໃຫ້ພວກທະຫານທີ່ປົກ ຄອງມຽນມາຢູ່ນັ້ນໄດ້ກໍາອໍາ ນາດຢ ູ່ຕໍ່ໄປ.
ໃນຂະນະທີ່ການປ່ອນບັດເລີ້ມຂຶ້ນ ໃນຕອນເຊົ້າວັນອາທິດ
ມື້ນີ້ ລັດຖະມົນຕີການຕ່າງປະເທດສະຫະລັດ ທ່ານນາງ
Hillary Clinton ກ່າວກັບພວກນັກສຶກສາມະຫາວິທະຍາ
ໄລທີ່ເມືອງ Melbourne ຂອງອອສເຕຣເລຍວ່າ ການເລືອກຕັ້ງທີ່ມີຂໍ້ຂາດຕົກບົກຜ່ອງ
ທີ່ວ່ານີ້ ສະແດງໃຫ້ເຫັນການໃຊ້ອໍານາດໄປໃນທາງຜິດຂອງຄະນະນໍາພາທະຫານມຽນມາ.
ພັກຝ່າຍຄ້ານກຸ່ມໃຫຍ່ສຸດໄດ້ຂວໍ້າບາດ ບໍ່ເຂົ້າຮ່ວມໃນການເລືອກຕັ້ງໃນວັນອາທິດມື້ນີ້
ຍ້ອນອັນທີ່ເຂົາເຈົ້າເວົ້າວ່າ ກົດລະບຽບທີ່ບໍ່ຍຸຕິທໍາ ແຕ່ພັກການເມືອງພັກນຶ່ງທີ່ແຍກອອກ
ໄປ ແລະພັກຝ່າຍນ້ອຍໆຈໍານວນນຶ່ງໄດ້ເຂົ້າຮ່ວມໃນການເລືອກຕັ້ງ ແລະຍັງຕັ້ງຄວາມຫວັງ ໄວ້ວ່າ ຈະມີການປ່ຽນແປງໃນມຽນມານັ້ນ.