ພັກການເມືອງທີ່ໜຸນຫລັງໂດຍລັດຖະບານທະຫານມຽນມາ ໃຫ້ຄໍາໝັ້ນສັນຍາທີ່ຈະປະຕິບັດລະບອບປະຊາທິປະໄຕ ທີ່ ມີຫລາຍພັກການເມືອງ ແລະ ລະບົບເສດຖະກິດທີ່ອິງໃສ່ ຕະຫລາດ.
ທ່ານ Htay Oo ຫົວໜ້າພັກເອກກະພາບແລະການພັດ ທະນາຂອງສະຫະພາບ ທີ່ສະໜັບສະໜຸນໂດຍຝ່າຍທະ ຫານ ໄດ້ປາກົດຕົວອອກລາຍການ ວິທະຍຸແລະໂທລະ ພາບຂອງລັດ ເປັນເວລາ 15 ນາທີ ໃນແລງວັນສຸກຜ່ານ ມານີ້ ລ້ວງໜ້າການເລືອກຕັ້ງໃນວັນທີ່ 7 ເດືອນພະຈິກທີ່ ຈະເຖິງນີ້ ຊຶ່ງທ່ານໄດ້ກ່າວວ່າ ພັກຂອງທ່ານຈະຮັບປະກັນ ໃຫ້ຊາວມຽນມາມີເສລີພາບໃນການເຊື່ອຖືສາສະໜາ ແລະ ຈະປະຕິບັດນະໂຍບາຍການຕ່າງປະເທດ ທີ່ເປັນ ອິດສະ ລະແລະແຂງຂັນ.
ການເລືອກຕັ້ງຂອງມຽນມາທີ່ຈະມາເຖິງນີ້ ແມ່ນເປັນຄັ້ງ ທໍາອິດ ນັບແຕ່ ປີ 1990 ເປັນຕົ້ນມາ. ພັກສັນ ນິບາດແຫ່ງຊາດເພື່ອປະຊາທິປະໄຕ ຊຶ່ງບັດນີ້ໄດ້ຖືກລົບລ້າງໄປແລ້ວນັ້ນ ໄດ້ຮັບໄຊຊະນະດ້ວຍຄະແນນສຽງຖ້ວມລົ້ນ ໃນການ ເລືອກຕັ້ງປີ 1990 ນັ້ນ ແຕ່ລັດຖະບານທະຫານມຽນມາບໍ່ຍອມໃຫ້ເຂົ້າບໍລິຫານ ປະເທດ.
ພວກນັກວິຈານກ່າວວ່າ ການເລືອກຕັ້ງໃນເດືອນໜ້ານີ້ ເປັນການເລືອກຕັ້ງຈອມປອມ ເພື່ອເຮັດໃຫ້ການສືບຕໍ່ຄອງອໍານາດຂອງຝ່າຍທະຫານ ມີໂສມໜ້າເປັນພົນລະເຮືອນ. ທ່ານ ອູ ບໍ່ໄດ້ກ່າວເຖິງທ່ານນາງ ອອງຊານ ຊູຈີ ຜູູ້ນໍາພັກສັນນິບາດແຫ່ງຊາດເພື່ອປະຊາທິປະໄຕ ທີ່ຖືກຝ່າຍທະຫານກັກບໍລິເວນ ມາເປັນເວລາ 15 ປີຂອງໄລຍະ 21 ປີທີ່ຜ່ານມາ. ທ່ານ ອູ ກ່າວຕໍ່ໄປວ່າ ພັກເອກກະພາບຂອງສະຫະພາບຖືວ່າ “ພັກການເມືອງຕ່າງໆແລະສ່ວນບຸກ ຄົນທັງຫລາຍ ທີ່ໄດ້ຈົດທະບຽນເຂົ້າແຂ່ງຂັນເລືອກຕັ້ງຢ່າງເປັນທາງການນັ້ນ ເປັນເພື່ອນຮ່ວມ ງານ.”