ພວກຊາວເມືອງແລະບັນດາອົງການຊ່ອຍເຫລືອມຽນມາ
ກ່າວໃນວັນຈັນມື້ນີ້ວ່າ ລົມບ້າໝູຫລືລົມ cyclone ທີ່ປະ
ທະຝັ່ງຕາເວັນຕົກຂອງມຽນມາໃນຕອນທ້າຍສັບປະດາ
ຜ່ານມານີ້ ໄດ້ເຮັດໃຫ້ເຮືອນຊານຫລາຍຮ້ອຍຫລັງເສຍ
ຫາຍແລະຊາວເມືອງຫລາຍພັນຄົນຕ້ອງຍົກຍ້າຍອອກຈາກ ບ້ານເຮືອນຂອງເຂົາເຈົ້າ.
ພວກປະຊາຊົນໃນທ້ອງຖິ່ນກ່າວວ່າ ມີຄວາມຮຽກຮ້ອງຕ້ອງການຢ່າງຮີບດ່ວນ ເຂົ້າປາອາຫານ ນໍ້າດື່ມນໍ້າໃຊ້ແລະບ່ອນພັກພາອາໄສ ຫລັງຈາກທີ່ລົມລູກນີ້ທໍາລາຍບ້ານເຮືອນຫລາຍຮ້ອຍຫລັງ ແລະໂກ່ນຕົ້ນໄມ້ ທັງເຮັດໃຫ້ສາຍໄຟຟ້າຂາດໄປ.
ລົ້ມບ້າໝູ Giri ໄດ້ພັດເຂົ້າມາຈາກ່ອາວ Bengal ໃນແລງວັນສຸກຜ່ານມາໃກ້ໆກັບເມືອງ Kyaukphyu ໃນລັດ Rakhine ໂດຍມີຝົນຕົກໜັກແລະລົມພັດແຮງຫລາຍກວ່າ 150 ຫລັກກິໂລແມັດຕໍ່ຊົ່ວໂມງ.
ສະພາກາແດງມຽນມາ ໄດ້ຈັດຕັ້ງຄ້າຍອົບພະຍົບຊົ່ວຄາວຂຶ້ນ ໃນເມືອງKyaukphyu ສໍາລັບປະຊາຊົນຈໍານວນຫລາຍກວ່າ 5 ພັນຄົນ.
ໜັງສືພິມ New Light of Myanmar ທີ່ລັດເປັນຜູ້ຄວບຄຸມບໍ່ໄດ້ລາຍງານໃຫ້ຊາບກ່ຽວ
ກັບຜູ້ບາດເຈັບລົ້ມຕາຍແລະຄວາມເສຍຫາຍ ແຕ່ເວົ້າວ່າ ໄດ້ມີການສົ່ງພວກເຈົ້າໜ້າທີ່ໄປ
ຍັງຂົງເຂດດັ່ງກ່າວແລ້ວ ເພື່ອໄປກວດກາເບິ່ງຄວາມເສຍຫາຍແລະແຈກຢາຍເຄື່ອງບັນເທົາ ທຸກ.
