ລິ້ງ ສຳຫລັບເຂົ້າຫາ

ມຽນມາຮ້ອງຂໍໃຫ້ ​IMF ຊ່ອຍຈັດ ລະບົບແລກປ່ຽນ ເງິນຕາຂອງຕົນໃໝ່

  • ວັນນະສອນ ແກ້ວດາຣາ

ປ້າຍ IMF ຫຼື ອົງການກອງທຶນສາກົນ ຢູ່ຕະຫລາດແຫ່ງນຶ່ງ

ສື່ຂອງມຽນມາລາຍງານວ່າ ລັດຖະບານໄດ້ຮ້ອງຂໍ​ໄປ​ຍັງທາງອົງການ ກອງທຶນສາກົນ
ໃຫ້​ຊ່ວຍປະຕິ​ຮູບ​ລະບົບເງິນຕາຕ່າງປະເທດທີ່ສະ​ລັບ​ຊັບຊ້ອນ ທີ່​ໄດ້​ກາຍມາເປັນອຸບ
ປະສັກຂັດຂວາງການຈະເລີນເຕີບໂຕຂອງເສດຖະກິດນັ້ນ.

ເຈົ້າໜ້າທີ່ IMF ຫຼືທາງອົງການກອງທຶນສາກົນ ໄດ້ຍືຍຍັນຕໍ່ອົງການຂ່າວ Reuters
ໃນອາທິດນີ້ວ່າ ​ເຈົ້າ​ໜ້າ​ທີ່​ຂອງ​ຕົນ​ຄະນະ​ນຶ່ງຈະເດີນທາງໄປເຖິງມຽນມາ ໃນກາງ
ເດືອນຕຸລານີ້ ເພື່ອຊ່ອບເຫຼືອໃນການປະຕິຮູບດັ່ງກ່າວນີ້. ໂຄສົກຍິງ​ຄົນ​ນຶ່ງກ່າວວ່າ
ຄະນະ​ເຈົ້າ​ໜ້າ​ທີ່​ດັ່ງກ່າວ ຈະຊ່ອຍມຽນມາປ່ຽນແປງລະບົບໃຫ້ທັນສະໄໝຂຶ້ນ ແລະຍົກ
ເລີກຂໍ້​ຈໍາກັດຮັດ​ແຄບຕ່າງໆຕໍ່ການຊໍາ​ລະ ​ເງິນແລະ​ໂອນເງິນ ໃນການຊຶ້ຂາຍ​ກັບ
ຕ່າງປະ​ເທດນັ້ນ.

ມຽນມາຍັງຮັກສາອັດຕາແລກປ່ຽນທາງການຂອງ​ຕົນ​ຢູ່ໃນລະດັບ 6 kyates ຕໍ່ 1
ໂດລ່າສະຫະລັດ ສົມທຽບກັບ​ອັດຕາສະເລ່ຍ 800 ຕໍ່ 1 ໃນຕະຫຼາດຂອງ ປະຊາຊົນ.
ນອກ​ນີ້​ແລ້ວ ມຽນມາຍັງມີອັດຕາແລກປ່ຽນທີ່ແຕກຕ່າງກັນສໍາລັບ​ ການ​ຊື້​ຂາຍປະ​ເພດ
ຕ່າງໆ.

ການຈັດ​ຕັ້ງ​ລະບົບແລກປ່ຽນເງິນຕາ​ໃໝ່​ທີ່​ມຽນມາສະ​ເໜີ​ຂຶ້ນ​ມາ​ນີ້ ​ແມ່ນຈະເປັນນຶ່ງ​
ໃນການປະຕິຮູບທາງເສດຖິກິດ ຢ່າງ​ເປັນ​ຮູບ​ປະ​ທໍາຂອງລັດຖະບານໃໝ່ ຂອງມຽນມາ
ຊຶ່ງໄດ້ເຂົ້າກໍາອໍານາດໃນທ້າຍເດືອນມີນາ​ຜ່ານມາ ​ໂດຍ​ໄດ້​ໃຫ້​ຄໍາ​ໝັ້ນ​ສັນຍາ​ວ່າ ຈະປັບ
ປຸງເສດຖະກິດໃຫ້ ທັນສະໄໝຂຶ້ນ.

ເຖິງແມ່ນວ່າ ຈະ​ມີ​ລັກສະນະ​ເປັນພົນລະເຮືອນກໍ​ຕາມ ແຕ່ລັດຖະບານ​ໃໝ່​ຂອງ​ມຽນມາ
ກໍຍັງຄົງຢູ່​ໃຕ້​ການ​ຄອບ​ງໍາ​ຂອງນາຍທະຫານທັງໃນປະຈຸບັນແລະອະດີດ ທີ່​ມີ​ການ​ກ່ຽວ
ຂ້ອງ​ພົວພັນ​ຢ່າງໃກ້ຊິດກັບອະດີດລັດຖະບານທະຫານນັ້ນຢູ່.

XS
SM
MD
LG