ບັນດາເຈົ້າໜ້າທີ່ກ່າວວ່າ ທະຫານມຽນມ້າຄວບຄຸມສະຖາ
ນະການຄືນໄດ້ແລ້ວ ຫລັງຈາກການປະທະກັນມາໄດ້ 3 ມື້
ໃນເມືອງຊາຍແດນແຫ່ງນຶ່ງທີ່ໄດ້ເຮັດໃຫ້ປະຊາຊົນໃນທ້ອງ
ຖິ່ນຫລາຍພັນຄົນອົບພະຍົບເຂົ້າໄປອາໄສຢູ່ໃນໄທ.
ມີລາຍງານວ່າໄດ້ຍິນສຽງປືນເປັນບາງຄັ້ງບາງຄາວໃນວັນ
ອັງຄານມື້ນີ້ຈາກເມືອງເມຍວະດີ ເມືອງຊາຍແດນ ບ່ອນທີ່
ພວກທະຫານບ້ານຊາວກະຫລ່ຽງຊົນກຸ່ມນ້ອຍຍຶດເອົາອາ
ຄານຫລາຍແຫ່ງໃນວັນອາທິດຜ່ານມານີ້ໃນລະຫວ່າງການ
ເລືອກຕັ້ງຄັ້ງທໍາອິດຂອງປະເທດໃນຮອບ20 ປີຜ່ານມາ.
ແຕ່ທາງການມຽນມາກ່າວຕໍ່ພວກອົງການຂ່າວຕ່າງໆວ່າ ພວກຕົນໄດ້ຄວບຄຸມຂົງເຂດ
ຕ່າງໆສ່ວນຫລາຍໄວ້ແລ້ວ ແລະບັນດາເຈົ້າໜ້າທີ່ໄທກ່າວວ່າ ພວກເຂົາເຈົ້າກໍາລັງລໍຖ້າ
ເວລາໃດທີ່ທາງການມຽນມາຈະໃຫ້ສົ່ງພວກອົບພະຍົບປະມານ 20 ພັນຄົນກັບຄືນສູ່ບ້ານ
ເຮືອນຂອງເຂົາເຈົ້າໄດ້ນັ້ນ.
ການຕໍ່ສູ້ກັນໄດ້ກໍ່ໃຫ້ເກີດຂຶ້ນໂດຍກອງທັບປະຊາທິປະໄຕສາດສະໜາພຸດຊາວກະຫລ່ຽງ
ຊຶ່ງເປັນກຸ່ມນຶ່ງທີ່ແຍກອອກຈາກກຸ່ມທະຫານບ້ານຊາວກະຫລ່ຽງທີ່ໃຫຍ່ກວ່າ. ພວກອົງ
ການຂ່າວຕ່າງໆແຈ້ງໃຫ້ຊາບວ່າມີປະຊາຊົນລະຫວ່າງ 3 ຫາ 10ຄົນເສຍຊີວິດຈາກການ
ປະທະກັນຄັ້ງນີ້.
ມີລາຍງານວ່າຍັງມີການສູ້ລົບກັນຢູ່ຕໍ່ມາໃນວັນຈັນແລະວັນອັງຄານມື້ນີ້ທິ່ທາງຜ່ານວັດສາມ
ແຫ່ງຫລື Three Pagodas Pass ລົງມາທາງໃຕ້ເລາະຕາມຊາຍແດນລະຫວ່າງໄທ-ມຽນມານັ້ນ.
