ລິ້ງ ສຳຫລັບເຂົ້າຫາ

ມຽນມາໄດ້ລົງນາມໃນຂໍ້ຕົກລົງສະບັບນຶ່ງກັບຈີນເພື່ອກູ້ຢືມເງິນໃນມູນຄ່າ 2 ພັນ 400 ລ້ານ
ໂດລາ ທີ່ຈະນຳໄປໃຊ້ ໃນການສ້າງທໍ່ສົ່ງແກັສທຳມະຊາດຂ້າມຊາຍແດນ.

ຂໍ້ຕົກລົງ ທີ່ພົວພັນກັບທະນາຄານການລົງທຶນຕ່າງປະເທດຂອງມຽນມາແລະທະນາຄານພັດ
ທະນາຂອງຈີນ ທີ່ວ່ານີ້ ໄດ້ມີການລົງນາມກັນທີ່ນະຄອນຫຼວງເນປີດໍຂອງມຽນມາ ໃນວັນທີ
30 ພະຈິກຜ່ານມາ ແຕ່ໄດ້ເປີດເຜີຍໃຫ້ຊາບ ໃນວັນພະຫັດມື້ນີ້. ໂຄງການຂະໜາດໃຫຍ່ດັ່ງ
ກ່າວ ແມ່ນຈະສົ່ງແກັສຈາກແຂວງ Rakhine ຂອງມຽນມາປຍັງແຂວງຢຸນນານໃນພາກໃຕ້
ຂອງຈີນ ເພື່ອຊ່ອຍສະໜອງຕອບຄວາມຕ້ອງການ ຂອງອຸສາຫະກຳແລະປະຊາຊົນທີ່ນັ້ນ.

ເຈົ້າໜ້າທີ່ທ່ານນຶ່ງຂອງສະຖານທູດຈີນ ທີ່ນະຄອນຢ່າງກຸ້ງກ່າວວ່າ ເກົາຫຼີໃຕ້ແລະອິນເດຍກໍ
ຈະມີບົດບາດ ຢູ່ໃນໂຄງການດັ່ງກ່າວ.

ພວກຜູ້ນຳທະຫານມຽຍມາ ມີລາຍໄດ້ຫຼາຍກວ່າ 2 ພັນລ້ານໂດລາຕໍ່ປີ ຈາກການສົ່ງແກັສ
ທຳມະຊາດອອກໄປຂາຍຢູ່ຕ່າງປະເທດ ​ໃນທົ່ວຂົງເຂດເອເຊຍປາຊີຟິກ.

XS
SM
MD
LG