ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

10 ຄົນ ເສຍ​ຊີວິດ​ ໃນເຫດ​ລະ​ເບີດ​ ທີ່​ມຽນມາ


ແຜນທີ່ປະເທດມຽນມາ ບ່ອນທີ່ມີລະເບີດແຕກຢູ່ ແຄວ້ນ​ກາ​ຈິນ ທາງພາກເໜືອຂອງປະເທດ
ແຜນທີ່ປະເທດມຽນມາ ບ່ອນທີ່ມີລະເບີດແຕກຢູ່ ແຄວ້ນ​ກາ​ຈິນ ທາງພາກເໜືອຂອງປະເທດ

ແຫ​ລ່ງຂ່າວໃນ​ມຽນມາ ​ເວົ້າວ່າ ​ໄດ້​ເກີດເຫດ​ລະ​ເບີດ​ໃນ​ເມືອງ​ຫລວງ ຂອງ​ແຄວ້ນ​ກາ​ຈິນ
ໃນພາກ​ເໜືອຂອງ​ປະ​ເທດ ສົ່ງ​ຜົນ​ໃຫ້ 10 ຄົນເສຍ​ຊີວິດ​ ຊຶ່ງ​ມີ​ເດັກນ້ອຍລວມຢູ່ນໍາ ​ຈໍາ
ນວນ​ນຶ່ງ​.

ແຫ​ລ່ງຂ່າວ​ດັ່ງກ່າວ​ທີ່​ບໍ່ປະສົງ​ຈະ​ບອກ​ຊື່ ກ່າວ​ໃນ​ວັນ​ຈັນວານ​ນີ້ວ່າ ລະ​ເບີດ​ ທີ່​ແຕກ​ຂຶ້ນ
ໃນແລງວັນ​ອາທິດ​ຜ່ານ​ມາ​ນັ້ນ ໄດ້​ເຮັດ​ໃຫ້​ໄຟໄໝ້ເຮືອນ 3 ຫລັງ​ ​ແລະເຮັດ​ໃຫ້​ຢ່າງໜ້ອຍ
23 ຄົນ​ໄດ້ຮັບບາດ​ເຈັບຢູ່​ໃນ​ເມືອງ ມິ​ອິດ​ຕະ​ເກ​ຍນາ (Myitkyinar). ຫລາຍ​ຄົນ​ທີ່ຢູ່​ໃນ
ເຮືອນທີ່ຖືກ​ໄໝ້ນັ້ນ ​ແມ່ນ​ເດັກ​ກໍາພ້າ.

ຍັງ​ບໍ່​ມີ​ການ​ຮ່ອງຮອຍ​ບົ່ງ​ບອກໃຫ້ຮູ້​ໃນ​ທັນທີ​ນີ້​ເທື່ອວ່າ ​ແມ່ນ​ໃຜ​ເປັນ​ຜູ້​ວາງ​ລະ​ເບີດ ​ແລະ
ດ້ວຍເຫດ​ໃດ. ​ ຢ່າງ​ໃດ​ກໍ​ຕາມ ໜັງສື​ພິມ New Light of Myanmar ທີ່​ຖືກຄວບ​ຄຸມໂດຍ
ລັດຖະບານເວົ້າວ່າ ມີ​ລະ​ເບີດ​ອີກສອງ​ລູກ ​ໄດ້​ແຕກ​ຂຶ້ນ​ຢູ່​ໃນ​ເມືອງ​ດຽວກັນ ແຕ່​ບໍ່ໄດ້​ເຮັດ​ໃຫ້
ໃຜ​ໄດ້ຮັບບາດ​ເຈັບແຕ່​ຢ່າງ​ໃດ ​ໃນ​ວັນ​ເສົາ​ທີ່​ຜ່ານ​ມາ.

ລັດຖະບານມຽນມາ ​ແມ່ນ​ໄດ້​ທໍາ​ການ​ປະຕິບັດງານ​ທາງ​ທະ​ຫານ ຕໍ່ຕ້ານກໍາລັງ​ຂອງ​ພວກ​
ກະບົດກຸ່ມນຶ່ງ ​ໃນ​ແຄວ້ນ​ກະ​ຈິນ ມາ​ເປັນ​ເວລາ​ຫລາຍເດືອນ​ແລ້ວ.

XS
SM
MD
LG