ລິ້ງ ສຳຫລັບເຂົ້າຫາ

ອອງຊານຊູຈີກ່າວຕໍ່ພວກສະໜັບສະໜຸນ

  • ສິງ ບູຣົມມະວົງ

ທ່ານນາງອອງຊານຊູຈີ ຜູ້ນໍາສັນນິບາດແຫ່ງຊາດ ເພື່ອປະຊາທິປະໄຕໃນມຽນມາ ວັນທີ14 ພະຈິກ 2010

ຜູ້​ນໍາ​ປະຊາທິປະ​ໄຕ​ໃນ​ມຽນມາ ທ່ານ​ນາງ​ອອງຊານ​ຊູ​ຈີ
ຮຽກຮ້ອງ​ໃຫ້​ປະຊາ​ຊົນ​ ພາກັນລຸກ​ຂຶ້ນຢືນ​ຢັດ​ເພື່ອ​ສິດທ
ຂອງ​ເຂົາເຈົ້າ​ແລະ​ຊອກ​ສະ​ແຫວ​ງຫາ​ປະຊາທິປະ​ໄຕ​ໃນ​
ມຽນມາ ​ທີ່​ປົກຄອງ​ໂດຍ​ພວກ​ທະຫານ​ນັ້ນ ​ໃນ​ຄໍາປາ​ໄສ​
ທີ່​ບໍ່​ສູ້ໄດ້​ກ່າວ ຊຶ່ງມີຂຶ້ນຫລັງ​ຈາກ​ທີ່​ທ່ານ​ນາງໄດ້ຮັບ​ອິດ
ສະລະ​ພາບ​ ຈາກ​ການ​ຖືກກັກບໍລິ​ເວນ​ໃຫ້​ຢູ່​ແຕ່​ໃນ​ບ້ານ​
ເຮື​ອນນັ້ນ.

ພວກ​ສະໜັບສະໜຸນ​ທ່ານ​ນາງ​ຫລາຍ​ພັນ​ຄົນ​ພາກັນສົ່ງ​ສຽງ​
ຮ້ອງ​ໂຮຊົມ ເຊີຍ​ດ້ວຍ​ຄວາມ​ດີອົກ​ດີ​ໃຈ​ນໍາ​ທ່ານ​ນາງ​ໃນ​ວັນ​
ອາທິດ​ມື້​ນີ້ ​ເວລາ​ທ່ານ​ນາງ​ກ່າວ​ປາ​ໄສ​ຢູ່ທີ່​ສໍານັກງານ​ໃຫຍ່​
ຂອງພັກ​ສັນນິບາດ​ແຫ່ງ​ຊາດ​ເພື່ອ​ປະຊາທິປະ​ໄຕ​ຂອງທ່ານ​
ນາງ ທີ່​ນະຄອນ​ຢັ້ງ​ກຸ້ງ ຊຶ່ງ​ທ່ານ​ນາງ​ກ່າວ​ວ່າ ​ເສລີພາບ​ໃນ
ການ​ປາກ​ເວົ້າ​ແມ່ນ​ພື້ນຖານ​ຂອງ​ລະບອບ​ປະຊາທິປະ​ໄຕ.

ໃນການ​ໃຫ້​ຄວາມ​ເຫັນ​ຕໍ່​ວີ​ໂອ​ເອ ຜູ້​ສື່​ຂ່າວ​ຄົນ​ນຶ່ງຢູ່​ສະຖານ​ທີ່​ແຫ່ງ​ນັ້ນ ​ບັນ​ລະ​ຍາຍ​ວ່າ
ພວກ​ຝູງ​ຊົນ​ພາກັນໂຫ່​ຮ້ອງ​ດີ​ອົກດີ​ໃຈ​ຫລາຍ​ທີ່​ສຸດ​ນໍາ​ການ​ປ່ອຍ​ໂຕ​ທ່ານ​ນາງ. ທ່ານ​ນາງ
ອອງຊານ​ຊູ​ຈີ​ກ່າວ​ຕໍ່​ຝູງ​ຊົນ​ວ່າ ທ່ານ​ນາງ​ຈະ​ດໍາ​ເນີນງານ​ຮ່ວມ​ກັບ​ກຳລັງປະຊາທິປະ​ໄຕ​
ທຸກໆກຸ່ມ ​ແລະ​ທ່ານ​ນາງ​ຊຸກຍູ້ໃຫ້​ປະຊາ​ຊົນ​ພາກັນ​ໄປ​ຍັງ​ພັກ​ການ​ເມືອງ​ຂອງ​ທ່ານ​ນາງ​
ແລະ​ບອກເລົ່າ​ໃຫ້​ຮູ້ກ່ຽວ​ກັບ​ຄວາມ​ເປັນ​ຫ່ວງ​ຂອງ​ເຂົາ​ເຈົ້າ.

ທ່ານ​ນາງ​ອອງຊານ​ຊູ​ຈີ​ໄດ້​ຍ່າງ​ອອກ​ໄປ​ນອກເດີ່ນບ້ານຂອງ​ທ່ານ​ນາງ​ແຄມບຶງ​ໃນ​ນະຄອນ​ຢັ້ງ​
ກຸ້ງ​ຢ່າງ​ເສລີໃນ​ວັນ​ເສົາ​ວານ​ນີ້​ ທ່າມກາງ​ສຽງຕົບມື​ຂອງ​ພວກ​ສະໜັບສະ​ໜຸນ​ທ່ານ​ນາງ​ຫລາຍ​
ພັນ​ຄົນ​ ທີ່​ໄປ​ລໍຖ້າ​ຢູ່ ແລະ​ການກ່າວຊົມ​ເຊີຍຂອງ​ພວກ​ຜູ້​ນໍາ​ໂລກທີ່​ສັນລະ​ເສິນ​ການ​ຕໍ່ສູ້​ຂອງ
ທ່ານ​ນາງ​ມາ​ເປັນ​ເວລາຫລາຍທົດ​ສະ​ວັດ​ ຕ້ານອໍານາດ​ປົກຄອງ​ທະຫານ​ມຽນມາ​ນັ້ນ.

ໃນ​ການ​ກ່າວ​ສັ້ນໆ​ເປັນ​ພາສາ​ມຽນມາ ທ່ານ​ນາງເວົ້າ​ວ່າ “ຖ້າ​ພວກ​ເຮົາດໍາ​ເນີນ​ງານ​ຢ່າງ​ພ້ອມ
ພຽງ​ເປັນ​ເອກະ​ພາບກັນ ພວກ​ເຮົາກໍ​ຈະ​ບັນລຸ​ເປົ້າ​ໝາຍ​ຂອງ​ພວກເຮົາ.”

ການ​ກັກບໍລິ​ເວນ​ທ່ານ​ນາງ​ໃຫ້ຢູ່​ໃນ​ແຕ່ບ້ານ​ເຮືອນ​ ​ໃນ​ໄລຍະ 7 ປີ​ຜ່ານ​ມາ​ນີ້ ​ແມ່ນ​ເປັນ​ຄັ້ງ​
ຫລ້າ​ສຸດ​ໃນ​ການ​ຄວບ​ຄຸມ​ໂຕ​ທ່ານ​ນາງ​ ຕິດຕໍ່​ກັນ​ມາ​ຫລາຍ​ຄັ້ງ ​ທີ່​ໄດ້ເຮັດຜູ້​ທີ່​ໄດ້​ຮັບ​ລາງ
ວັນ​ໂນ​ແບນ​ຂະ​ແໜງ​ສັນຕິພາບ ທ່ານ​ນີ້ ຕ້ອງ​ຕົກ​ຢູ່​ໃນ​ສະພາບ​ຖືກ​ຄວບ​ຄຸມໂຕ ເປັນເວລາ 15 ປີ​ໃນໄລຍະ​ເວລາ 21 ປີຜ່ານມາ​.

XS
SM
MD
LG