ມຽນມາກ່າວວ່າ ຕົນມີຄວາມກະຕືລືລົ້ນທີ່ຈະເລີ່ມວາງແຜນເພື່ອເຂົ້າຮັບໜ້າທີ່ເປັນປະທານ
ວຽນຂອງສະມາຄົມປະຊາຊາດໃນເຂດເອເຊຍຕາເວັນອອກສຽງໃຕ້ຫລືອາຊ່ຽນໃນປີ
2014 ນັ້ນ.
ສະມາຄົມອາຊ່ຽນກ່າວວ່າທ່ານ ມອງ ລວິນ ລັດຖະມົນຕີຕ່າງປະເທດມຽນມາ ອະທິບາຍ
ເຖິງການຈັດຕຽມເປັນປະທານຄັ້ງນີ້ວ່າເປັນພາລະກິດທີ່ສໍາຄັນຢ່າງນຶ່ງສໍາລັບປະເທດຊາດ
ຂອງທ່ານ ໃນລະຫວ່າງການພົບປະ ເມື່ອວັນພຸດມື້ນີ້ ກັບທ່ານສຸຣິນ ພິດສຸວັນ ເລຂາທິ
ການໃຫຍ່ສະມາຄົມອາຊ່ຽນ ທີ່ນະຄອນຫຼວງເນປິດໍຂອງມຽນມາ.
ທ່ານລັດຖະມົນຕີ ມອງ ລວິນ ບອກທ່ານສຸຣິນວ່າ ທ່ານຈະສົ່ງຕົວແທນໄປຍັງກອງເລຂາ
ຂອງສະມາຄົມອາຊ່ຽນ ແລະສົ່ງທີມງານໄປສຶກສາເບິ່ງກອງປະຊຸມຂອງອາຊ່ຽນປີນີ້ທີ່ກໍາ
ປູເຈຍ ອັນເປັນພາກສ່ວນຂອງການຈັດຕຽມຂອງມຽນມາ.
ພວກຜູ້ນໍາອາຊ່ຽນໄດ້ມອບໃຫ້ມຽນມາເປັນປະທານວຽນປະຈໍາປີ 2014 ໃນລະຫວ່າງ
ກອງປະຊຸມສຸດຍອດອາຊ່ຽນທີ່ເກາະບາຫຼີ ປະເທດອິນໂດເນເຊຍ ເມື່ອເດືອນພະຈິກປີ
ີກາຍ. ທ່ານສຸຣິນແຈ້ງໃຫ້ທ່ານມອງ ລວິນຊາບ ວ່າຕໍາແໜ່ງປະທານວຽນປະຈໍາປີຂອງ
ມຽນມານີ້ ຖືວ່າເປັນເຄື່ອງໝາຍທີ່ສໍາຄັນທີ່ສຸດປະການນຶ່ງ ໃນປະຫວັດຂອງສະມາຄົມ
ອາຊ່ຽນ ໃນຂະນະທີ່ສະມາຄົມດັ່ງກ່າວ ຫັນປ່ຽນໄປເປັນປະຊາຄົມອາຊ່ຽນໃນປີໜ້ານີ້.
ມຽນມາຖືກບັງຄັບບໍ່ໃຫ້ຮັບຜຽນເປັນປະທານວຽນຂອງສະມາຄົມອາຊ່ຽນໃນປີ 2006
ຫຼັງມີການໂຈມຕີຢ່າງໜັກກ່ຽວກັບປະຫວັດການຝ່າຝືນສິດທິມະນຸດນັ້ນ ແຕ່ພວກຜູ້ນໍາ
ສະມາຄົມອາຊ່ຽນ ຮັບຮູ້ບາດກ້າວສໍາຄັນຕ່າງໆ ຂອງການປະຕິຮູບໄປສູ່ການປະຕິຮູບ
ປະຊາທິປະໄຕຂອງມຽນມາພາຍໃຕ້ລັດຖະບານພົນລະເຮືອນທີ່ໜຸນຫຼັງໂດຍທະຫານ ທີ່
ຂຶ້ນມາກໍາອໍານາດບໍລິ ຫານປະເທດເມື່ອປີຜ່ານມາຈາກລັດຖະບານທະຫານທີ່ປົກຄອງປະ
ເທດມາໄດ້ຫຼາຍສິບປີແລ້ວນັ້ນ.
ທ່ານ ທຽນ ເຊນ ປະທານາທິບໍດີ ມຽນມາ ບອກທ່ານສຸຣິນເມືອວັນອັງ ຄານວ່າ ປະເທດ
ຊາດຂອງທ່ານຈະທໍາການພິດຈາລະນາຢ່າງເອົາຈິງເອົາ ຈັງເພື່ອອະນຸຍາດໃຫ້ພວກຜູ້ຕາງ
ໜ້າສະມາຄົມອາຊ່ຽນເຂົ້າໄປຍັງມຽນມາ ເພື່ອສັງເກດການການເລືອກຕັ້ງຄັ້ງພິເສດທີ່ມີກໍາ
ນົດໃນວັນທີ່ 1 ເມສາ ຕໍ່ໜ້ານີ້.
