ລິ້ງ ສຳຫລັບເຂົ້າຫາ

ວັນພະຫັດ, 01 ທັນວາ 2022

ສະຫະລັດ ຈະແລກປ່ຽນ ເອກອັກຄະລັດຖະທູດ ກັບມຽນມາ (ເບິ່ງວີດີໂອ)


Krasnaya Polana, or ‘beautiful meadow’, is the gateway to the Caucasus Mountain ski and snowboard venues for the 2014 Sochi Winter Olympics. (V. Undritz for VOA)

ປະທານາທິບໍດີສະຫະ​ລັດ ທ່ານ​ບາຣັກ ​ໂອ​ບາ​ມາ ​ເອີ້ນການ​ຕັດ​ສິນ​ໃຈ​ຂອງມຽນມາທີ່ໄດ້
ປ່ອຍ​ບັນ​ດາ​ນັກ​ໂທດ​ການ​ເມືອງ​ຫລາຍ​ໆຮ້ອຍ​ຄົນ​ນັ້ນວ່າ ແມ່ນ​ບາດ​ກ້າວອັນ​ສໍາ​ຄັນ​ໄປ​ສູ່​
ການ​ປະຕິ​ຮູ​ບ​ໃຫ້​ມີປະຊາທິປະ​ໄຕ.

ທ່ານພັນ​ກີ​ມູນ ​ເລຂາທິການ​ໃຫຍ່ຂອງ​ອົງການ​ສະຫະ​ປະຊາ​ຊາດ ກ່າວ​ເຖິງການ​ປ່ອຍ​ພວກ
ນັກ​ໂທດ ໃນ​ວັນ​ສຸກວານ​ນີ້​ວ່າ ​ແມ່ນ​ບາດກ້າວ​ອັນສໍາຄັນ​ທີ​ສຸດມາ​ເຖິງ​ປັດ​ຈຸ​ບັນ​ນີ້ ​ເພາະວ່າ
ມີ​ຮວມທັງພວກນັກ​ໂທດ​ການ​ເມືອງ​ຄົນສໍາຄັນຈຳນວນ​ນຶ່ງທີ່​ຈະສາ ມາດປະກອບສ່ວນ​ເຂົ້າ​
ໃນ​ການ​ສ້າງ​ຄວາມ​ປອງ​ດອງຊາດ.

ລັດຖະບານມຽນມາ ​ແລະພວກ​ນັກ​ເຄື່ອນ​ໄຫ​ວປະ​ຊາ​ທິປະ​ໄຕກ່າວວ່າ ​ໃນ​ວັນ​ສຸກວານ​ນີ້
ບັນດານັກ​ໂທດ​ການ​ເມືອງຈໍາ​ນວນ 651 ຄົນ​ໄດ້​ຖືກ​ປ່ອຍ​ໃຫ້​ເປັນ​ອິດສະຫຼະ​ຊຶ່ງເປັນພາກ
ສ່ວນ​ນຶ່ງ​ ຂອງ​ການ​ໃຫ້​ອະ​ໄພ​ໂທດຂະໜາດ​ໃຫຍ່ ທີ​ທ່ານ​ນາງຮິນ​ລາ​ລີຄລິນ​ຕັນ ລັດຖະ
ມົນຕີ​ການ​ຕ່າງປະ​ເທດ​ສະຫະລັດ​ໄດ້​ຮຽກຮ້ອງ​ໄວ້ຢ່າ​ງຈະ​ແຈ້ງໃນເວລາທີ່ທ່ານໄດ້ໄປຢ້ຽມ
ຢາມມຽນມາ ຫວ່າງ​ເດືອນ​ແລ້ວ​ນີ້.

ເພື່ອ​ເປັນ​ການ​ສະໜອງ​ຕອບຕໍ່​ການ​ເຄື່ອນ​ໄຫວ​ດັ່ງກ່າວ ທ່ານ​ນາງຄລີ​ນຕັນ ​ໄດ້​ປະກາດ​ວ່າ
ສະຫະຣັດຈະ​ເລີ້ມ​ດໍາ​ເນີນຂັ້ນຕອນ​ໃນ​ການແລກ​ປ່ຽນເອກ​ອັກຄະ​ລັດຖະທູດ​ກັບ​ມຽນມາ.

ການ​ປ່ອຍ​ພວກນັກ​ໂທດ​ທີ່​ວ່າ​ນີ້ແມ່ນ​ເປັນ​ການ​ປະຕິບັດ​ຕາມ​ເງື່ອນ​ໄຂ​ຂອງ​ສະຫະຣັດສຳລັບ
ປົວແປງ​ຄວາມ​ສຳພັນ​ທາງ​ດ້ານ​ການ​ທູດ​ກັບ​ມຽນມາ.

ແຕ່​ວ່າ ທ່ານ​ໂອ​ບາ​ມາ ​ແລະທ່ານ​ນາງຄລີ​ນຕັນ ​ຕ່າງ​ກໍ​ໄດ້​ກ່າວ​ວ່າ ຍັງ​ມີ​ອີກ​ຫຼາຍສິ່ງ​ຫຼາຍ
ຢ່າງ​ທີ່ຈຳ​ເປັນຈະ​ຕ້ອງ​ໄດ້​ດຳ​ເນີນ​ການ​ເພີ່ມ​ຕື່ມຢູ່​ໃນ​ມຽນມາ. ລັດຖະບານທ່ານໂອ​ບາມາ ​
ໄດ້ຮຽກຮ້ອງ​ໃຫ້​ລັດ​ຖະບານ​ມຽນມາ ​ແຜ້ວ​ທາງ​ໄປ​ສູ່ການ​ເລືອກ​ຕັ້ງ​ທີ່​ເສຣີ ​ແລະຍຸຕິ​ທຳ​ໃນ​
ປີ​ນີ້ ​ພ້ອ​ມທັງປ່ອຍ​ພວກ​ນັກ​ໂທດ​ການ​ເມືອງ​ທີ​ຍັງເຫຼືອ​ຢູ່​ ​ໂດຍ​ບໍ່​ມີ​ເງື່ອນ​ໄຂ​ໄດໆທັງ​ໝົດ.

ລັດຖະບານ​ຊຸດ​ໃໝ່​ທີ່​ໄດ້​ຮັບ​ການ​ໜຸນ​ຫຼັງຈາກ​ພວກ​ທະຫານຂອງ​ມຽນມາ​ ໄດ້​ຍື່ນມື​ໄປ​ຫາ​
ປະ​ເທດຕາວັນ​ຕົກ ​ແລະ​ເມື່ອ​ໝໍ່ໆ​ມາ​ນີ້ ​ໄດ້​ເປັນ​ເຈົ້າພາບ​ຕ້ອນຮັບ ​ທ່ານ​ນາງຄລີ​ນຕັນ
ລັດ​ຖະ​ມົນ​ຕີ​ກະ​ຊວງ​ການ​ຕ່າງປະ​ເທດສະຫະລັດ ​ແລະທ່ານວິນ​ລ່ຽ​ມ ​ເຮັກ ​ລັດ​ຖະ​ມົນ​ຕີ
ກະ​ຊວງ​ການ​ຕ່າງປະ​ເທດອັງກິດ.

ທ່ານ ​ເຮັ​ກ ​ກ່າວ​ໃນ​ວັນ​ສຸກ​ວານ​ນີ້​ວ່າ ທ່ານ​ມີ​ຄວາ​ມຍິນ​ດີ ​ໃນ​ການ​ປ່ອຍ​ບັນດາ​ນັກ​ໂທດ
ແລະໄດ້​ຮຽກ​ຮ້ອງໃຫ້​ ລັດຖະ​ບານມຽນມາຈົ່ງສະ​ແດງ​ບົດບາດເພີ້​ມ ກ່ຽວ​ກັບ​ຄວາມ​ໝາຍ​
ໝັ້ນຕັ້ງ​ໃຈດຳ​ເນີນ​ການ​ປະຕິ​ຮູບ​ຂອງ​ລັດຖະບານ​ນັ້ນ.

ສື່​ມວນ​ຊົນຂອງ​ທາງ​ການ​ມຽນມາກ່າວ​ວ່າ ບັນດາ​ນັກ​ໂທດ​ທີ​ຖືກ​ປ່ອຍ​ຕົວ​ນັ້ນ ແມ່ນມີ​ຂຶ້ນ
ພາຍ​ໃຕ້​ຄຳ​ສັ່ງ​ຈາກປະທານາທິບໍດີ ​ເທນ​ເຊນ ​ເພື່ອຊຸກຍູ້​ໃຫ້​ມີ​ການສ້າງ​ຄວາມ​ປອງ​ດອງ​
ຊາດ.

XS
SM
MD
LG