ພວກນັກເຄື່ອນໄຫວແລະພວກນັກການເມືອງທີ່ນິຍົມປະຊາ
ທິປະໄຕໃນມຽນມາ ໄດ້ພາກັນທໍາພິທີທາງສາສະໜາທີ່ ເຄັ່ງຂຶມໃນວັນອາທິດມື້ນີ້ ເພື່ອເປັນຂີດໝາຍຄົບຮອບການ ລຸກຮືຂຶ້ນຂອງປະຊາຊົນ ໃນປີ 1988 ທີ່ໄດ້ຖືກກອງທັບ ມຽນມາທັບມ້າງຢ່າງໂຫດຮ້າຍທາລຸນນັ້ນ.
ປະຊາຊົນຫລາຍກວ່ານຶ່ງລ້ານຄົນໄດ້ພາກັນລົງສູ່ຖະໜົນ ຫົນທາງ ເດີນຂະບວນໃນວັນທີ 8 ເດືອນສິງຫາຂອງປີ 1988 ນັ້ນ ເພື່ອປະທ້ວງລັດຖະບານ ທີ່ໜຸນຫລັງໂດຍ ຝ່າຍທະຫານ ທີ່ນາຍພົນເນວິນເປັນຫົວໜ້າໃນເວລານັ້ນ ທີ່ໄດ້ກຳຈັດທໍາລາຍເງິນອອມສິນ ຂອງຫລາຍໆຄົນ ໄປຢ່າງສິ້ນເຊີງ ຍ້ອນການລົບລ້າງ ແລະປ່ຽນເງິນຕາຂອງປະເທດ ຢ່າງກະທັນຫັນ.
ປະເມີນວ່າມີຊາວມຽນມາ 3,000 ຄົນ ຖືກຂ້າຕາຍ ກ່ອນການປະທ້ວງຫລາຍໆບັ້ນໄດ້ ຖືກທັບມ້າງປາບປາມໃນເດືອນກັນຍາຕໍ່ມາ. ທ່ານ ນາງ ອອງຊານ ຊູຈີ ຜູ້ນໍາປະຊາທິ ປະໄຕຂອງມຽນມາ ທີ່ຖືກກັກບໍລິເວນຢູ່ໃນປັດຈຸບັນນີ້ ໄດ້ກາຍເປັນຜູ້ມີຊື່ສຽງຂອງການ ລຸກຮືຂຶ້ນໃນເວລານັ້ນ.
ພິທີທາງສາສະໜາໃນມື້ນີ້ ໄດ້ຈັດຂື້ນໃນເຂດຊານເມືອງກໍ້າຕາເວັນອອກຂອງນະຄອນ
ຢ່າງກຸ້ງ ໂດຍມີຜູ້ເຂົ້າຮ່ວມຈໍານວນຫລວງຫລາຍ ອັນໂຮມທັງພວກນັກການເມືອງ ແລະ
ພວກນັກເຄຶ່ອນໄຫວເພື່ອປະຊາທິປະໄຕ ຕະຫລອດທັງພະສົງຫລາຍອົງ ທີ່ໄດ້ຖືກປ່ອຍ
ໂຕອອກຈາກຄຸກ ເມື່ອໝໍ່ໆມານີ້ນໍາ.
