ບັນດາເຈົ້າໜ້າທີ່ກ່າວວ່າ ລະເບີດລູກນຶ່ງໄດ້ແຕກຂຶ້ນໃນຕະຫລາດແຫ່ງນຶ່ງ ທີ່ມີຜູ້ຄົນໜາແໜ້ນ ໃນເມືອງຊາຍແດນແຫ່ງນຶ່ງຂອງມຽນມ້າໃນແລງວັນສຸກວານນີ້ ເປັນເຫດໃຫ້ຜູ້ຄົນເສຍຊີວິດໄປ 2 ຄົນແລະບາດເຈັບຕື່ມອີກ ຢ່າງນ້ອຍ 8 ຄົນ.
ລູກລະເບີດດັ່ງກ່າວໄດ້ແຕກຂຶ້ນຢູ່ໃກ້ໆກັບຕະຫລາດແລງຂາຍຂອງຖືກແຫ່ງນຶ່ງ ໃນເມືອງ Myawaddy ຕັ້ງຢູ່ໃນຟາກແມ່ນໍ້າສາຍນຶ່ງ ກົງກັນຂ້າມ ກັບໄທ. ຍັງບໍ່ເປັນທີ່ຈະແຈ້ງເທື່ອວ່າ ການໂຈມຕີນີ້ມີສ່ວນພົວພັນກັບການກໍ່ອາຊະຍາກໍາ ຫລືການຕໍ່ສູ້ກັນລະຫວ່າງທະຫານ ຂອງມຽນມ້າ ແລະຊົນກຸ່ມນ້ອຍເຜົ່າກະຫລ່ຽງທີ່ພະຍາຍາມທໍາການຕໍ່ສູ້ເປັນປະເທດເອກ ກະລາດນັ້ນ ຫລືບໍ?
ລະເບີດນີ້ແຕກຂຶ້ນໃນມື້ກ່ອນວັນຄົບຮອບປີຂອງການລຸກຮືຂຶ້ນຂອງປະຊາຊົນໃນມຽນມາ ອັນທີ່ເອີ້ນກັນວ່າວັນທີ 8 ເດືອນ 8 ປີ 1988 ນັ້ນ ຊຶ່ງໄດ້ຍຸດຕິລົງຫລັງຈາກປະຊາຊົນຫລາຍຮ້ອຍຄົນເສຍຊີວິດ ແລະອີກຫລາຍພັນຄົນໄດ້ຮັບບາດເຈັບໃນການປາບປາມຢ່າງນອງເລືອດຂອງພວກທະຫານນັ້ນ.
