ບັນດາຜູ້ນຳຝ່າຍຄ້ານຂອງ Burkina Faso ບໍ່ຍອມຮັບເອົາ
ການຍຶດ ອຳນາດຂອງກອງທັບ ຫຼັງຈາກການລາອອກຈາກ
ຕຳແໜ່ງຂອງປະທາ ນາທິບໍດີທີ່ປົກຄອງປະເທດມາເປັນເວ
ລາດົນນານນັ້ນ.
ພວກຜູ້ນຳເຫຼົ່ານີ້ ເອີ້ນການລຸກຮືຂຶ້ນຂອງປະຊາຊົນ ທີ່ບັງຄັບ
ໃຫ້ປະທານາທິບໍດີ Blaise Compaore ລາອອກນັ້ນ “ເປັນ
ໄຊຊະນະ” ທີ່ “ເປັນຂອງປະຊາຊົນ.”
ບັນດາຜູ້ນຳຝ່າຍຄ້າຍ ກ່າວວ່າ ການໂອນອຳນາດຄວນຈະ
“ເປັນໄປໃນທາງປະຊາທິປະໄຕ ແລະເປັນຂອງພົນລະ
ເຮືອນ” ບໍ່ແມ່ນຍຶດອຳນາດໂດຍກອງທັບ.
ນາຍພົນ Burkina Faso ຍຶດອຳນາດ
ສະຫະລັດປະນາມອັນທີ່ຕົນເອີ້ນວ່າ ຄວາມພະຍາຍາມຂອງທະຫານເພື່ອວາງຂໍ້ບັງຄັບຕໍ່ປະຊາຊົນຂອງ Burkina Faso. ກະຊວງການຕ່າງປະເທດສະຫະລັດ ຮຽກຮ້ອງໃຫ້ພວກທະຫານໂອນອຳນາດ ໃນທັນທີໃຫ້ເຈົ້າໜ້າທີ່ພົນລະເຮືອນ. ນອກນັ້ນຍັງກ່າວເຊັ່ນກັນວ່າ ພວກເຈົ້າໜ້າທີ່ພົນລະເຮືອນຈະຕ້ອງປະຕິບັດຕາມລັດຖະທຳມະນູນ ແລະວາງແຜນການເລືອກຕັ້ງປະທານາທິບໍດີຢ່າງເສລີ ແລະຍຸຕິທຳຂຶ້ນໂດຍທັນທີ.
ທ່ານ Yacouba Isaac Zida ຮອງຜູ້ບັນຊາການໜ່ວຍອາລັກຂາປະທານາທິບໍດີ ຂອງກອງທັບ ປະກາດໃນວັນເສົາວານນີ້ວ່າ ທ່ານ ກຳລັງເປັນຜູ້ນຳພາປະເທດ. ທ່ານໄດ້ຮັບການໜຸນຫຼັງຈາກນາຍພົນ Honore Traore ຜູ້ນຳກອງທັບ ທີ່ໄດ້ອ້າງ ເປັນຜູ້ນຳພາປະເທດເຊັ່ນກັນ.
ປະທານາທິບໍດີ Compaore ໄດ້ລາອອກຈາກຕຳແໜ່ງ ແລະມີລາຍງານໄດ້ຫຼົບໜີຈາກ
ປະເທດໄປຍັງ Ivory Coast ຫຼັງຈາກພວກເດີນຂະບວນປະທ້ວງບຸກລຸກເຂົ້າໄປໃນຕຶກລັດຖະສະພາ ແລະເອົາໄຟຈູດເຜົາອາຄານນັ້ນ. ພວກເດີນຂະບວນພາກັນປະທ້ວງຕໍ່ການດັດແປງແກ້ໄຂກົດໝາຍລັດຖະທຳມະນູນ ທີ່ຈະອະນຸຍາດໃຫ້ທ່ານ Compaore ສະໝັກຮັບເລືອກຕັ້ງ ເປັນປະທານາທິບໍດີໄດ້ອີກສະໄໝນຶ່ງ.
