ນາຍພົນທີ່ຮັບຜິດຊອບໃນການເຮັດລັດຖະປະຫານທີ່ປະສົບ
ກັບຄວາມລົ້ມແຫຼວ ຢູ່ປະເທດ Burkina Faso ໃນເດືອນແລ້ວ
ນີ້ ໄດ້ຖືກຟ້ອງຢ່າງເປັນທາງການ ພ້ອມດ້ວຍເຈົ້າໜ້າທີ່ຂັ້ນສູງ
ອີກຄົນນຶ່ງທີ່ຖືກກ່າວຫາໃຫ້ການສະໜັບສະໜູນເພື່ອ ໂຄ່ນລົ້ມ
ລັດຖະບານ Burkina Faso.
ນາຍພົນ Gilbert Diendere ແລະທ່ານ Djibrill Bassole
ອະດີດລັດຖະ ມົນຕີຕ່າງປະເທດ ໄດ້ຖືກຟ້ອງໃນວັນອັງຄານ
ວານນີ້ໃນຂໍ້ຫາ “ໂຈມຕີໜ່ວຍຮັກສາຄວາມປອດໄພແຫ່ງຊາດ.”
ໃນລະຫວ່າງການເຮັດລັດຖະປະຫານທີ່ປະສົບກັບຄວາມລົ້ມ
ແຫຼວນັ້ນ ກຳລັງທະຫານຂອງທ່ານ Diendere ທີ່ຢູ່ໃນໜ່ວຍອາລັກຂາ ປະທານາທິບໍດີ
ໄດ້ກັກຂັງ ປະທານາທິບໍດີຊົ່ວຄາວ ນາຍົກລັດຖະມົນຕີ ແລະສະມາຊິກອີກຫລາຍທ່ານ
ໃນ ຄະນະລັດຖະບານ. ໜ່ວຍອາລັກຂາປະທານາທິບໍດີ ບໍ່ພໍໃຈກັບລັດຖະບານຊົ່ວຄາວ
ທີ່ໄດ້ຫ້າມ ບໍ່ໃຫ້ພວກສະໜັບສະໜູນ ອະດີດ ປະທານາທິບໍດີ Blaise Compaore ລົງສະໝັກແຂ່ງຂັນໃນ ເລືອກຕັ້ງທີ່ຈະມີຂື້ນ.
ທ່ານ Companoare ໄດ້ຖືກຂັບໄລ່ ອອກອຳນາດ ໃນການລຸກຮືຂື້ນຂອງປະຊາຊົນເມື່ອ
ເດືອນຕຸລາປີກາຍນີ້ ໃນຂະນະທີທ່ານພະຍາຍາມ ຈະຢູ່ໃນຕຳແໜ່ງຕໍ່ໄປ ຊຶ່ງທ່ານໄດ້ປົກ
ຄອງປະເທດມາແລ້ວເປັນເວລາ 27 ປີ.
ນາຍພົນ Diendere ໄດ້ກຳອຳນາດເກືອບນຶ່ງອາທິດ ແຕ່ໄດ້ຖືກບັງຄັບ ໃຫ້ລາອອກພາຍ
ໃຕ້ຄວາມກົດດັນ ຈາກກອງທັບ ພວກເດີນຂະບວນປະທ້ວງ ແລະກຸ່ມປະຊາຄົເສດຖະກິດ
ບັນດາລັດອາຟຣິກາຕາເວັນຕົກຫຼື ECOWAS.
ນາຍພົນ Diendere ໄດ້ເຂົ້າມອບໂຕໃນອາທິດແລ້ວນີ້ ຫລັງຈາກການເຈລະຈາກັບບັນ
ດາເຈົ້າໜ້າທີ່ ໃນນະຄອນຫລວງ Ouagadougou.
ທ່ານ Bassole ທີ່ໄດ້ຮັບໜ້າທີ່ເປັນລັດຖະມົນຕີຕ່າງປະເທດພາຍໃຕ້ທ່ານ Compoare
ໄດ້ປະຕິເສດວ່າ ທ່ານບໍ່ມີການພົວພັນໃດໆ ກັບການເຮັດລັດຖະປະຫານ.
ທັງສອງທ່ານຍັງສືບຕໍ່ຢູ່ພາຍໃຕ້ການຄວບຄຸມໂຕຂອງເຈົ້າໜ້າທີ່.
ປະເທດ Burkina Faso ມີແຜນການ ທີ່ຈະເລືອກຕັ້ງປະທານາທິບໍດີ ແລະສະມາຊິກສະ
ພາ ໃນວັນທີ 11 ຕຸລານີ້. ແຕ່ຍັງບໍ່ເປັນທີ່ແຈ້ງຂາວເທື່ອວ່າ ເວລາໃດການປ່ອນບັດລົງຄະ
ແນນສຽງຈຶ່ງຈະຂື້ນ.
