ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

7 ຄົນ ເສຍຊີວິດ ຍ້ອນການໂຈມຕີ ສະລະຊີບ ໃສ່ລົດເມ ນັກທ່ອງທ່ຽວ ອິສຣາແອລ


ລົດເມບັນທຸກພວກນັກທ່ອງທ່ຽວອິສຣາແອລ ໄດ້ຖືກໂຈມຕີ ໂດຍຜູ້ວາງລະເບີດສະລະຊີບຢູ່ໃນເມືອງ Burgas, ແຄມທະເລດໍາ ຢູ່ບູນກາເຣຍ ຊຶ່ງໄດ້ສັງຫານ 7 ຄົນ
ລົດເມບັນທຸກພວກນັກທ່ອງທ່ຽວອິສຣາແອລ ໄດ້ຖືກໂຈມຕີ ໂດຍຜູ້ວາງລະເບີດສະລະຊີບຢູ່ໃນເມືອງ Burgas, ແຄມທະເລດໍາ ຢູ່ບູນກາເຣຍ ຊຶ່ງໄດ້ສັງຫານ 7 ຄົນ

ພວກເຈົ້າໜ້າທີ່ບູນກາ​ເຣຍເວົ້າວ່າ ຜູ້ວາງລະເບີດສະລະຊີບໄດ້ທຳ​ການ ໂຈມຕີທີ່ຮ້າຍແຮງ
ໃສ່ລົດເມຄັນ​ນຶ່ງທີ່ບັນທຸກພວກນັກທ່ອງທ່ຽວອິສຣາແອລ ໃນວັນພຸດວານນີ້.

ລັດຖະມົນຕີກະຊວງພາຍໃນບູນກາ​ເຣຍ ທ່ານ Tsvetan Tsvetanov ເວົ້າໃນວັນພະຫັດ
ມື້ນີ້ວ່າ ການໂຈມຕີຢູ່ໃນເມືອງ Burgas ຊຶ່ງ​ເປັນ​ຫົວ​ເມືອງແຄມທະເລດໍານັ້ນ ໄດ້ສັງຫານ
ຊາວອິສຣາແອລ 6 ຄົນ ພ້ອມກັບ ຄົນຂັບລົດເມທີ່ເປັນຊາວບູນກາ​ເຣຍອີກດ້ວຍ.

ທ່ານກ່າວວ່າ ຍັງບໍ່ທັນຮູ້ໄດ້ເທື່ອວ່າຜູ້ວາງລະເບີດທີ່ຕ້ອງສົງ​ໄສແມ່ນໃຜ, ແຕ່ກໍຮູ້ວ່າຜູ້ກ່ຽວ ຖືໃບຂັບຂີ່ປອມຈາກລັດມິຊິແກນຂອງສະຫະລັດ.

ຍັງບໍ່ທັນມີກຸ່ມໃດອ້າງເອົາຄວາມຮັບຜິດຊອບຕໍ່ການ​ໂຈມ​ຕີ​ໃນຄັ້ງນີ້ເທື່ອ.

ເຈົ້າໜ້າທີ່ອິສຣາແອລ​ໄດ້ຖິ້ມໂທດໃສ່ອີຣ່ານ. ນາຍົກອິສຣາແອລ ທ່ານ Benjamin Netanyahu
ເວົ້າວ່າ ການໂຈມຕີທີ່ຄ້າຍຄືກັນຕໍ່ພວກນັກ ທ່ອງທ່ຽວອິສຣາແອລ ຢູ່ອິນເດຍ, ໄທ ແລະບ່ອນ
ອື່ນໆອີກ ກໍໄດ້ຊີ້ໃສ່ ອີຣ່ານເຊັ່ນກັນ. ແຕ່ຢ່າງໃດກໍຕາມ ທ່ານບໍ່ໄດ້ໃຫ້ລາຍລະອຽດກ່ຽວກັບ ເລື້ອງນີ້.

ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ກ່າວປະນາມການວາງລະເບີດດັ່ງກ່າວ
ວ່າເປັນ “ການໂຈມຕີກໍ່ການຮ້າຍທີ່ປ່າເຖື່ອນ.”

XS
SM
MD
LG