ລິ້ງ ສຳຫລັບເຂົ້າຫາ

logo-print

ການສ້າງ ບຸກຄະລາກອນ ດ້ານວິທະຍາສາດ ຄອມພິວເຕີ້ ສຳລັບແມ່ຍິງ ໃນອະນາຄົດ


ວິທະຍາສາດດ້ານຄອມພິວເຕີ ແມ່ນລວມຢູ່ໃນອຸດສາຫະກຳ ທີ່ກຳລັງຂະຫຍາຍຕົວໄວ ທີ່ສຸດ ຢູ່ໃນສະຫະລັດ. ມີການກະປະມານກັນວ່າ ວຽກງານຫຼາຍກວ່າ 4 ລ້ານ ໜ້າວຽກ ຈະໄຂຂຶ້ນ ໃນທົດສະວັດໜ້ານີ້. ແຕ່ເບິ່ງຄືວ່າ ພວກແມ່ຍິງ ຈະເຂົ້າຮັບວຽກງານດັ່ງກ່າວ ພຽງພາກສ່ວນໜ້ອຍໆສ່ວນນຶ່ງເທົ່ານັ້ນ. ນັກຂ່າວຂອງວີໂອເອ June Soh ມີລາຍລະ ອຽດຕື່ມ ກ່ຽວກັບ ຄວາມພະຍາຍາມ ໂດຍສະເພາະ ທີ່ໄດ້ອອກແບບມາ ເພື່ອເຮັດໃຫ້ ການແຕກໂຕນກັນລະຫວ່າງເພດນີ້ ຫຍັບໃກ້ເຂົ້າກັນ. Carol Pearson ຈະເປັນຜູ້ ບັນລະຍາຍ ຊຶ່ງໄຊຈະເລີນສຸກ ຈະນຳມາສະເໜີທ່ານ ໃນອັນດັບຕໍ່ໄປ.

ນາງ Nidhi Allani ນັກຮຽນມັດທະຍົມສົມບູນທີ່ກຳລັງກ້າວຂຶ້ນ ປີທີ 4 ຢູ່ໃນວໍຊິງຕັນ ໄດ້ສ້າງເວັບໄຊຂຶ້ນມາ ທີ່ເອີ້ນວ່າ PoliTeens ກັບເພື່ອນຮ່ວມທີມນ້ອຍໆຂອງນາງ.

ນາງ Allani ເວົ້າວ່າ “ບັນຫາທີ່ພວກເຮົາຢາກແກ້ໄຂ ແມ່ນເລື່ອງການມີຜູ້ເປັນຕົວ ແທນໜ້ອຍຫຼາຍຂອງພວກໄວລຸ້ນ ໃນດ້ານການເມືອງ. ສະນັ້ນ ພວກເຮົາຈຶ່ງໄດ້ຕັດ ສິນໃຈ ສ້າງເວັບໄຊອັນໜຶ່ງຂຶ້ນມາ ເພື່ອເປັນບ່ອນພົບປະຫາລືກັນ ເຊິ່ງສະໜອງເວທີ ໃຫ້ແກ່ພວກໄວລຸ້ນທີ່ຢາກອອກຄວາມຄິດຄວາມເຫັນຂອງພວກເຂົາເຈົ້າ ກ່ຽວກັບ ເລື່ອງບັນຫາການເມືອງ ທີ່ພວມມີຢູ່ ໃນປະເທດຂອງພວກເຮົາ.”

ເວັບໄຊອີກອັນໜຶ່ງ ຈາກນັກຮຽນທີ່ກຳລັງຂຶ້ນຊັ້ນ ມັດທະຍົມປີທີ 3 ນາງ Phoebe Suh ແລະທີມຂອງນາງເອີ້ນວ່າ reboot.

ນາງ Suh ເວົ້າວ່າ “ເວັບໄຊ reboot ເປັນແບບທຳອິດອັນໜຶ່ງອັນດຽວ ທີ່ເປັນຖານ ຂໍ້ມູນ ຂອງແຫລ່ງຕ່າງໆ ທີ່ໃຫ້ການຊ່ອຍເຫຼືອ ໃນທ້ອງຖິ່ນ ອັນເປັນລະບົບອອນລາຍນ໌ ທີ່ສົມບູນແບບ.”

ພວກນັກສຶກສາເຫຼົ່ານີ້ ພາກັນເຂົ້າຮ່ວມໃນສູນການສຶກສາພັກຮ້ອນ ທີ່ຈັດຂຶ້ນໃນທົ່ວ ປະເທດ ເຊິ່ງສະໜອງໂດຍໂຄງການ ພວກແມ່ຍິງຜູ້ຂຽນໂປແກຣມ ຫຼື Girls Who Code. ອົງການທີ່ບໍ່ຫວັງຜົນກຳໄລນີ້ ມີຫ້ອງການຕັ້ງຢູ່ໃນນະຄອນ New York ໄດ້ ຮ່ວມມືກັບ ບໍລິສັດເທັກໂນໂລຈີຕ່າງໆ ສ້າງໂຄງການອັນນີ້ຂຶ້ນມາ ທີ່ໄດ້ອອກແບບຂື້ນ ເພື່ອໃຫ້ພວກແມ່ຍິງໜຸ່ມນ້ອຍ ມີສ່ວນຮ່ວມ ໃນວິທະຍາສາດດ້ານຄອມພິວເຕີ້. BSA/ The Software Alliance ເປັນໜຶ່ງໃນບັນດາບໍລິສັດ ທີ່ຮ່ວມງານນຳ ຢູ່ໃນພື້ນທີ່ເຂດ ວໍຊິງຕັນ.

ທ່ານນາງ Tina Furuki ຈາກບໍລິສັດ BSA/The Software Alliance ເວົ້າວ່າ “ມັນ ຈະມີຄວາມຕ້ອງການສູງຢ່າງແນ່ນອນ ສຳລັບວຽກງານ ວິທະຍາສາດດ້ານຄອມພິວ ເຕີ້. ໃນຄວາມເປັນຈິງແລ້ວ ພວກເຂົາເຈົ້າ ຄາດໝາຍວ່າ ພາຍໃນປີ 2024 ຈະມີ ວຽກງານ ກ່ຽວກັບວິທະຍາສາດດ້ານຄອມພິວເຕີ້ 4 ລ້ານ 4 ແສນ ໜ້າວຽກ ທີ່ຈະຫາ ໄດ້ຢູ່ໃນ ສະຫະລັດ. ແລະ ຄາດກັນວ່າ ຫຼາຍກວ່າ 1 ລ້ານຕຳແໜ່ງຈະເປົ່າຫວ່າງ. ສະນັ້ນແລ້ວ ພວກເຮົາຈຶ່ງຫວັງວ່າ ດ້ວຍໂຄງການ Girls Who Code ພວກເຮົາຈະ ສາມາດຊ່ອຍ ໃນການເຮັດໃຫ້ຕຳແໜ່ງເຫຼົ່ານັ້ນ ມີຜູ້ປະຈຳການ ແລະ ເຮັດໃຫ້ການ ແຕກໂຕນກັນ ລະຫວ່າງເພດ ໃນດ້ານຄອມພິວເຕີ້ ຫຍັບໃກ້ເຂົ້າຫາກັນ.”

ພວກນັກຮຽນມັດທະຍົມ ທີ່ເປັນຜູ້ຍິງ ຫຼາຍກວ່າ 10,000 ຄົນ ໄດ້ສວຍໂອກາດອັນດີນີ້ ເຂົ້າຮ່ວມໃນສູນການສຶກສາຕ່າງໆ ແລະ ໂຄງການຫຼັງການຮຽນ ນັບຕັ້ງແຕ່ປີ 2012 ເປັນຕົ້ນມາ. ໂຄງການພັກຮ້ອນ ໄລຍະ 7 ສັບປະດາ ທີ່ບໍ່ໄດ້ເສຍຄ່າໃຊ້ຈ່າຍໃດໆ ມີຂຶ້ນ ສຳລັບພວກນັກຮຽນ ຜູ້ທີ່ບໍ່ມີປະສົບປະການດ້ານການຂຽນໂປແກຣມ.

ນາງ Allani ເວົ້າວ່າ “ແທ້ຈິງແລ້ວ ຂ້ອຍ ໄດ້ຮຽນຮູ້ເຖິງ ໂປແກຣມ ຫຼາຍພາສາ ທີ່ແຕກ ຕ່າງກັນ ໃນລະດູຮ້ອນນີ້. ພວກເຮົາສາມາດສ້າງເກມຄອມພິວເຕີ້ ຫຼາຍໆຢ່າງທີ່ແຕກ ຕ່າງກັນ ແລະ ອັນນັ້ນ ຂ້ອຍຮູ້ສຶກວ່າ ຄັກຫຼາຍ ເພາະວ່າມັນເຫັນຜົນໄດ້ ໃນທັນທີ ທັນໃດ. ຄັນເຈົ້າໄດ້ສ້າງມັນແລ້ວ ເຈົ້າໄດ້ເຫັນຜົນຂອງມັນ ແລະ ອັນນັ້ນ ມັນເຮັດໃຫ້ ພາກພູມໃຈຫຼາຍ.”

ໂຄງການດັ່ງກ່າວ ຍັງໄດ້ສະໜອງ ພວກຮັກຮຽນ ດ້ວຍປະສົບປະການຕ່າງໆ ຢູ່ພາຍນອກ ເຊັ່ນວ່າ ການໄປທ່ຽວທັດສະນະສຶກສາ ຢູ່ອົງການອາວະກາດແຫ່ງຊາດ ຂອງສະຫະລັດ ຫຼື NASA ແລະ ບໍລິສັດ ເທັກໂນໂລຈີຕ່າງໆ.

ທ່ານນາງ Furuki ກ່າວວ່າ “ພວກເຂົາເຈົ້າ ຈະສາມາດໄດ້ພົບກັບ ພວກຜູ້ບໍລິຫານ ທີ່ ເປັນແມ່ຍິງບາງຄົນ ປະຈຳການຢູ່ໃນຕຳແໜ່ງຂັ້ນຊີ້ນຳ ແທ້ໆ ເຊິ່ງເປັນບ່ອນທີ່ພວກ ເຂົາສາມາດເຫັນເຖິງ ຜົນຂອງຄວາມສຳເລັດ ທີ່ພວກເພິ່ນໄດ້ຮັບ ໃນບົດບາດເຫຼົ່ານັ້ນ ແລະ ມັນຈະສະໜອງແບບຢ່າງທີ່ດີ ໃຫ້ແກ່ພວກນັກຮຽນທັງຫຼາຍ.”

ປະສົບປະການດັ່ງກ່າວ ໄດ້ເປີດເສັ້ນທາງຂອງອາຊີບໃໝ່ໆ ສຳລັບພວກນັກຮຽນບາງຄົນ.

ນາງ Annie Gomez ນັກຮຽນອີກຄົນໜຶ່ງ ເວົ້າວ່າ “ແທ້ຈິງແລ້ວ ຂ້ອຍ ບໍ່ມັກເວົ້າວ່າ ຂ້ອຍ ຈະຮຽນໃນສາຍເທັກໂນໂລຈີ ເລີຍ. ແຕ່ຈິດໃຈຂອງຂ້ອຍໄດ້ປ່ຽນໄປໃນທາງທີ່ດີ ຄືວ່າ ຂ້ອຍໄດ້ພົບວ່າ ຂ້ອຍມີຄວາມມັກໃນດ້ານພວກຫຸ່ນຍົນ ແລະ ການຂຽນໂປແກຣມ ໃນພາສາ C++. ແລະ ຂ້ອຍ ຮູ້ສຶກວ່າ ມີແຕ່ແນວຄິດທີ່ດີໆ ຫຼາຍສິ່ງຫຼາຍຢ່າງ.”

ສ່ວນນາງ Allani ກໍເວົ້າວ່າ “ຂ້ອຍຮູ້ສຶກມ່ວນຫຼາຍໃນຊີວິດ. ຂ້ອຍໄດ້ມີຄວາມໝັ້ນໃຈ ຫຼາຍຂຶ້ນແທ້ໆ ໃນຖານະເປັນຄົນຜູ້ໜຶ່ງ ແລະ ໃນທັກຊະຂອງຂ້ອຍ ແລະ ໃນດ້ານ ວິທະຍາສາດຄອມພິວເຕີ້ ໂດຍສະເພາະ.”

ບັນດາຜູ້ຈັດແຈງໂຄງການ ຫວັງວ່າ ພວກນັກຮຽນທີ່ເຂົ້າຮ່ວມໃນໂຄງການນີ້ ຈະນຳເອົາ ອັນທີ່ ພວກເຂົາເຈົ້າໄດ້ຮຽນຮູ້ ຕິດຕາມໄປນຳພວກເຂົາເຈົ້າ ໃນມະຫາວິທະຍາໄລ ແລະ ຕໍ່ໄປເລື້ອຍໆ.

ອ່ານຂ່າວນີ້ຕື່ມ ເປັນພາສາອັງກິດ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG