ລິ້ງ ສຳຫລັບເຂົ້າຫາ

ປະຊາຊົນ​ໃນ​ເມືອງ​ນຶ່ງ ຢູ່ທາງ​ພາກ​ຕາ​ເວັນ​ຕົກ ​ຂອງ​ມຽນມາ
ກ່າວ​ວ່າ ກຸ່ມ​ອັນ​ທະພານ​ຊາວ​ພຸດໄດ້​ພາກັນ​ອາ​ລະວາ​ດຊາວ​
ມຸສລິ​ມ​ໃນ​ເຂດທ້ອງ​ຖິ່ນ ​ເຮັດ​ໃຫ້​ສອງຄົນ​ເສຍ​ຊີວິດ.

ປະຊາຊົນ​ກ່າວ​ຕໍ່ວີ​ໂອ​ເອ​ ພາກພາສາ​ມຽນມາວ່າ ​ຄວາມ​ຮຸນ​
ແຮງທາງ​ສາສະໜາດັ່ງກ່າວໄດ້​ເກີດ​ຂື້ນ​ໃນ​ວັນ​ອັງຄານ​ວານ​
ນີ້ ຢູ່​ໃນບໍລິ​ເວນ​ອ້ອມ​ແອ້ມແລະ​ໃນ​ຕົວ​ເມືອງ Thandwe ຢູ່​
ໃນ​ລັດ Rakhine.

​ເຂົາ​ເຈົ້າ ​ໄດ້​ກ່າວ​ຫາ​ພວກຕໍາຫລວດ ​ແລະ​ທະຫານ​ມຽນມາ ທີ່​ພາກັນ​ຢືນຕຽມ​ຢູ່ ​ໃນ​ຂະນະ​ທີ່​ຊາວ​ພຸດ​ຫລາຍ​ຮ້ອຍ​ຄົນພາກັນອາ​ລະວາ​ດຈູດຢ້າວ​ເຜົາ​ເຮືອນ​ຫລາຍ​ກວ່າ 17 ຫລັງ ປະ​ປ່ອຍ​ໃຫ້​ພວກ​ຊາວບ້ານ Kaman ​ມຸສລິ​ມ ທີ່​ເປັນ​ຊົນ​ກຸ່ມ ນ້ອຍ​ພາກັນຕົກຢູ່​ໃນ​ສະພາບ​ຢ້ານ​ກົວ.

ບັນດາ​ເຈົ້າ​ໜ້າ​ທີ່​ທ້ອງ​ຖິ່ນ ກ່າວ​ຕໍ່​ອົງການ​ຂ່າວ​ຕາ​ເວັນ​ຕົກວ່າ ນຶ່ງ​ໃນ​ຈໍາ​ນວນ ຂອງຜູ້ເສຍ​ຊີວິດ​ແມ່ນຜູ້ຍິງອາຍຸ 94 ປີ ​ທີ່​ຖືກ​ແທງ​ຕາຍ. ລັດຖະບານ​ມຽນມາ ບໍ່​ໄດ້ໃຫ້ການ​ຢືນຢັນ ກ່ຽວ​ກັບ​ພວກ​ບາດ​ເຈັບ​ລົ້ມຕາຍ ​ໃນຄວາມ​ບໍ່​ສະຫງົບຄັ້ງນີ້.

ປະ​ທາ​ນາ​ທິບໍດີມຽນມາ ທ່ານ Thein Sein ​ໄດ້ໄປ​ເຖິງ​ເມືອງ Sittwe ​ເມືອງ​ຫລວງ​ຂອງລັດ Rakhine ​ໃນ​ວັນ​ອັງຄານວານ​ນີ້ ຊຶ່ງ​ເປັນ​ການ​ຢ້ຽມຢາມ​ລັດດັ່ງ ກ່າວເທຶ່ອທໍາ​ອິດ ​ນັບ​ຕັ້ງ​ແຕ່ທ່ານ​ໄດ້ເຂົ້າ​ຮັບ​ຕໍາ​ແໜ່ງ​ໃນ​ປີ 2011.​
XS
SM
MD
LG