ບັນດາເຈົ້າໜ້າທີ່ກ່າວວ່າ ຄູບາເຖົ້າອົງນຶ່ງໄດ້ຖືກຟັນຈົນຕາຍ ຢູ່ໃນເຂດທີ່ສອກຫລີກຫ່າງ ໄກແຫ່ງນຶ່ງຂອງບັງກລາແດັສ.
ສົບຂອງຄູບາ Mong Shwe U Chak ອາຍຸ 75 ປີ ໄດ້ຖືກພົບເຫັນໃນວັນເສົາມື້ນີ້ ຢູ່ທີ່ວັດ ນບ້ານສອກຫລີກຫ່າງໄກແຫ່ງນຶ່ງ 350 ກິໂລແມັດ ຫ່າງຈາກນະຄອນຫລວງ Dhaka ໄປທາງພາກຕາເວັນອອກສຽງໃຕ້.
ຕຳຫລວດກ່າວວ່າ ເຂົາເຈົ້າບໍ່ຊາບເຖິງສາເຫດຂອງການຂ້າຄູບາອົງນີ້ ຊຶ່ງຢູ່ຄົນດຽວໃນ ວັດດັ່ງກ່າວ.
ໜັງສືພິມ Daily Star ຂອງບັງກລາແດັສ ລາຍງານວ່າ “ຄວາມຢ້ານກົວໄດ້ແຜ່ຂະຫຍາຍ ໄປທົ່ວຂົງເຂດຕ່າງໆ” ຫລັງຈາກໄດ້ມີຂ່າວ ກ່ຽວກັບການຂ້າຄູບາອົງນີ້.
ລູກຊາຍຂອງຄູບາກ່າວຕໍ່ໜັງສືພິມ Star ວ່າ ພໍ່ຂອງລາວ “ບໍ່ໄດ້ເປັນສັດຕູກັບຄົນໃດຄົນ ນຶ່ງຢູ່ໃນຂົງເຂດດັ່ງກ່າວ.”
ທ່ານ Jyotirmoy Barua ທະນາຍຄວາມດ້ານສິດທິມະນຸດ ກ່າວຕໍ່ອົງການຂ່າວຝຣັ່ງ AFP ວ່າ ຄູບາ U Chak ໄດ້ຮັບການຂົ່ມຂູ່ວ່າ ຈະມີການເອົາຊີວິດໂດຍກຸ່ມທີ່ບໍ່ບອກຊື່ “ ແຕ່ວ່າບໍ່ມີຜູ້ໃດຖືວ່າເປັນເລື້ອງຈິງຈັງ."
ການຂ້າຄູບາ U Chak ແມ່ນການສັງຫານທີ່ໂຫດຫ້ຽມເທື່ອຫລ້າສຸດທີ່ມີມາເປັນລຳດັບຕໍ່ ພວກຮັກຫອມເສລີພາບ ບັນດານັກວິຊາການ ນັກຂຽນຂ່າວລົງອິນເຕີແນັດ ຊາວຕ່າງປະ ເທດ ແລະຜູ້ນັບຖືສາສະໜາຊົນກຸ່ມນ້ອຍຢູ່ໃນບັງກລາແດັສ ທີ່ໄດ້ສ້າງຄວາມຢ້ານກົວຢ່າງໃຫຍ່ຢູ່ໃນທົ່ວປະເທດ ແລະພາໃຫ້ເກີດມີຄຳຖາມໃນຄວາມເປັນຫ່ວງກ່ຽວກັບວ່າ ປະເທດມຸສລິມທີ່ມີແນວທາງປານກາງ ທີ່ເຄີຍມີປະເພີນີບໍ່ຝັກໄຝ່ທາງສາສະໜານັ້ນ ໄດ້ຮັບການ ຂົ່ມຂູ່ຈາກພວກອິສລາມຫົວຮຸນແຮງຈັດຫລືບໍ່.
ບັນດາເຄືອຂ່າຍຂອງກຸ່ມລັດອິສລາມ ແລະກຸ່ມ al-Qaida ໄດ້ອ້າງເອົາຄວາມຮັບຜິດ ຊອບໃນການໂຈມຕີເກືອບທັງໝົດ ແຕ່ລັດຖະບານກ່າວວ່າ ບັນດາກຸ່ມເຫລົ່ານີ້ບໍ່ໄດ້ຢູ່ໃນ ປະເທດ ແລະຊີ້ໃສ່ກຸ່ມຫົວຮຸນແຮງທີ່ເກີດຂຶ້ນພາຍໃນປະເທດ.
