ລິ້ງ ສຳຫລັບເຂົ້າຫາ

ເຈົ້າຊາຍ William ແຫ່ງອັງກິດ ສະເດັດປະພາດ ສະຫະລັດ ພ້ອມພະຊາຍາ


ເຈົ້າຊາຍ William ແລະພະຊາຍາ Catherine ຫລື Kate ເດີນທາງໄປຮອດໂຮງແຮມ Carlyle ທີ່ນະຄອນນີວຢອກ, ວັນທີ 7 ທັນວາ 2014.

ເຈົ້າ​ຊາຍ William ​ແຫ່ງ​ອັງກິດ ກັບ​ພະຊາຍາ ສະ​ເ​ດັດ​ປະພາດ
​ສະຫະ​ລັດ​ ​ໃນ​ອາທິດ​ນີ້ ​ໂດຍ​ຊົງ​ມີ​ໝາຍກຳນົດ​ ​ພົບ​ປະ​ກັບ​ປະ
ທານາທິບໍດີ​ບາຣັກ ​ໂອ​ບາ​ມາ ທີ່​ທຳນຽບຂາວ ​ໃນ​ວັນ​ຈັນ​ມື້​ນີ້.
ຄາດ​ກັນ​ວ່າ ກະສັດ​ອັງກິດໃນ​ອະນາຄົດ ຈະ​ຊົງໂອ້​ລົມ​ກັນ​ກັບ​ປະ
ທານາທິບໍດີ​ ກ່ຽວ​ກັບ​ເລື້ອງການ​ຄ້າຂາຍ​ສັດປ່າ​ ທີ່​ຜິດ​ກົດ​ໝາຍ.

ຫຼັງ​ຈາກ​ການ​ພົບ​ປະກັບທ່ານ​ໂອ​ບາ​ມາ​ແລ້ວ ​ເຈົ້າ​ຊາຍຈະຊົງ​
ກ່າວ​ຄຳ​ປາ​ໄສ​ທີ່​ສຳຄັນ​ ຕໍ່​ກອງ​ປະຊຸມ​ຂອງ​ອົງການ​ພັນທະ​ມິດ
​ນັກ​ລ່າ​ສັດ​ຕໍ່ຕ້ານ ການ​ທຸ​ຈະລິດນາໆ​ຊາດ ​ຂອງ​ທະນາຄານ​
ໂລກ ໃນ​ນະຄອນຫຼວງ​ວໍ​ຊິງ​ຕັນ.

ຄາດ​ວ່າ ​ພະ​ອົງ​ຊົງ​ຈະ​ກ່າວວ່າ ​ການ​ຄ້າຂາຍເຖື່ອນ ພວກ​ງາ​ຊ້າງ ນໍ​ແຮດ​ແລະ​ຊິ້ນ​ສ່ວນ
ອື່ນໆ​ຂອງ​ສັດ ​ແມ່ນ“​ເປັນນຶ່ງ​ຂອງ​ຮູບ​ແບບ​ທີ່​ຮ້າຍ​ກາດ​ທີ່​ສຸດ​ຂອງ​ການ​ສໍ້​ລາດ​ບັງ​ຫຼວງ
ແລະ​ການ​ກໍ່ອາຊະຍາ​ກຳ ​ໃນ​ໂລກ​ທຸກ​ມື້​ນີ້” ແລະວ່າ ພວກ​ບຸກຄົນທີ່
“ອວ່າຍ​ໜ້າ​ໜີ ຫລື
ເຮັດຫູໜວກ​ຕາບອດ ຫຼື​ໃຊ້​ຈ່າຍ​ຜົນ​ກຳ​ໄລ​ທີ່​ໄດ້ມາ​ຢ່າງ​ຜິດ​ກົດໝາຍ ​ຈາກ​ອາຊະ​ຍາກຳ
ເຫຼົ່າ​ນີ້ ຈະຕ້ອງ​ເປັນຜູ້​ຮັບຜິດຊອບ.”

​ເຈົ້າ​ຊາຍ William ພ້ອມ​ທັງ​ພະ​ຊາຍາ ຄື​ເຈົ້າ​ຍິງ Kate ​ແລະ​ພະ​ອະນຸຊາ​ ເຈົ້າ​ຊາຍ Harry ​ເປັນ​ຜູ້​ກໍ່​ຕັ້ງອົງການ​ກຸສົນ ທີ່​ຊື່ ສາມັກຄີກັນ​ເພື່ອ​ສັດປ່າ​ ຂອງ​ອັງກິດ.

​ເຈົ້າ​ຊາຍຂອງ​ອັງກິດ ​ແລະ​ພະ​ຊາຍາ ທີ່ໄດ້ຄວາມ​ນິຍົມ​ສູງຄູ່​ນີ້ ຊົງ​ເດີນທາງ​ໄປ​ຮອດນະ
ຄອນນີວຢອກ ​ໃນ​ວັນ​ອາທິດ​ວານ​ນີ້ ​ເພື່ອ​ທຳ​ການປະພາດ​ສະຫະລັດ ​ເປັນ​ເວລາ 3 ມື້.
ແລະ​ເປັນ​ເທື່ອ​ທຳ​ອິດທີ່ເຈົ້າ​ຊາຍ William ​ແລະ​ພະ​ຊາຍາ ​ໄດ້​ສະ​ເດັດ​ປະພາດນະຄອນ
ນິວຢອກ.

XS
SM
MD
LG