ລິ້ງ ສຳຫລັບເຂົ້າຫາ

ເຈົ້າ​ຍິງ Kate ເຂົ້າໂຮງໝໍ ເພື່ອກຽມ​ຄອດລູກ (ວີດີໂອ/ສະໄລດ໌)


ເຈົ້າ​ໜ້າ​ທີ່​ພະລາດຊະວັງ​ອັງກິດ ກ່າວ​ວ່າ ເຈົ້າ​ຍິງ Kate ພະ​ຊາ​
ຍາຂອງເຈົ້າຟ້າຊາຍ William ໄດ້​ຊົງເຂົ້າໄປ​ຍັງ​ໂຮງພະຍາບານ
​ແລ້ວ ເພື່ອ​ຕຽມ​ພ້ອມ​ຈະ​ຄອດລູກ.​

​ເຈົ້າ​ໜ້າ​ທີ່​ກ່າວວ່າ ​ເຈົ້າ​ຍິງ Kate​ ແລະ​ເຈົ້າຊາຍ William ທີ່ໄດ້
​ຊົງປະ​ທັບ​ຢູ່​ພະລາດ​ຊະ​ວັງ Kensington ​ໃນ​ວັນ​ສຸດ​ສັບປະດາ
​ແລ້ວ​ນີ້ ໄດ້ຊົງດໍາເນີນ​ໄປ​ຍັງໂຮງພະຍາ​ບານ Saint Mary ​ໃນ
​ໃຈ​ກາງ ກຸງ​ລອນ​ດອນ ກ່ອນ 6 ​ໂມງ​ເຊົ້າ​ມືດ​ວັນ​ຈັນ​ມື້​ນີ້.

ອິງ​ຕາມ​ກົດ​ໝາຍ​ໃໝ່ສະບັບ​ນຶ່ງ ທີ່ສະພາ​ແຫ່ງ​ຊາດ​ອັງກິດຍັງ
ບໍ່ທັນໄດ້ຮັບ​ຜ່ານ​ເອົາ​ນັ້ນ​ພະ​ໂອລົດ ຫລື​ພະ​ທິດາ ທີ່​ຈະ​ປະສູດ
ອອກມາ​ນີ້ ແມ່ນຈະ​ໄດ້​ເປັນ​ເຈົ້າຊີວິດ​ອັງກິດໃນ​ອານາ​ຄົດ.

ພະ​ໂອລົດ ຫລື​ພະ​ທິດາອົງ​ນີ້ ​ແມ່ນ​ຈະແທນ​ທີ່ ​ເຈົ້າຊາຍ Harry ຊຶ່ງ​ເປັນ​ພະ​ອະນຸຊາ​ຫລື​
ນ້ອງ​ຊາຍ​ຂອງ​ເຈົ້າ​ຊາຍ William ​ໂດຍ​ຈະ​ເປັນ​ຜູ້​ມີ​ສິດ​ສືບ​ທອດ​ບັນລັງ​ອັນ​ດັບ 3 ຕາມຫຼັງ
ພະໂອລົດ ອົງໃຫຍ່​ຂອງ​ພະ​ລາ​ຊີ​ນີ Elizabeth ກໍ​ຄື​ເຈົ້າ​ຊາຍ​ Charles ​ແລະພະໂອລົດ
ຂອງ​ເຈົ້າ​ຊາຍ​ Charles ກໍ​ຄື ​ເຈົ້າຊາຍ William ພະ​ບິດາ​ຂອງເຈົ້າ​ຊາຍ ​ຫລື​ເຈົ້າ​ຍິງ ​ທີ່​ກໍາລັງ​ຈະ​ປະສູດອອກ​ມາ​ນັ້ນ.


XS
SM
MD
LG