ລິ້ງ ສຳຫລັບເຂົ້າຫາ

ຢ່າງນ້ອຍ 22 ຄົນ ເສຍຊີວິດ ໃນເຫດລະເບີດ ຢູ່ງານສະແດງດົນຕີ ທີ່ເມືອງ Manchester


ຕຳຫຼວດ​ອັງກິດ ກ່າວ​ວ່າ ມີ​ຢ່າງ​ນ້ອຍ 22 ຄົນ ​ໄດ້​ເສຍ​ຊີວິດແລະ​ອີກ 59 ຄົນ ບາດ​ເຈັບ ​
ໃນ​ການ ວາງ​ລະ​ເບີດ ​ເມື່ອວັນ​ຈັນ​ວານ​ນີ້ ທີ່​ງານ​ສະ​ແດງ​ຄອນ​ເຊີດ ຕອນ​ກາງຄືນ ທີ່​ເມືອງ Manchester ປະ​ເທດ​ອັງກິດ.

“ພວກ​ເຮົາ ຖື​ເຫດການ​ນີ້​ວ່າ ແມ່ນ​ການ​ໂຈມ​ຕີ​ກໍ່​ການ​ຮ້າຍ ​ແລະ​ພວກ​ເຮົາ​ເຊື່ອວ່າ
ຈົນ​ມາ​ຮອດ​ດຽວ​ນີ້ ການ​ໂຈມ​ຕີ​ໃນຄ່ຳ​ຄືນ​ວານ​ນີ້ ​ແມ່ນ​ເຮັດໂດຍ​ຄົ​ນຜູ້​ດຽວກັນ,”

ນັ້ນຄືຄຳ​ເວົ້າຂອງ​ທ່ານ Ian Hopkins ຜູ້​ບັນຊາ​ການ​ຕຳຫຼວດ​ເມືອງ Manchester ​
ໄດ້​ກ່າວ​ໄວ້ໃນ​ວັນ​ອັງຄານ​ມື້​ນີ້.

ທ່ານ Hopkins ໄດ້​ກ່າວວ່າ ​ເຈົ້າໜ້າ​ທີ່ສືບສວນ​ເຊື່ອ​ວ່າ ການ​ໂຈມ​ຕີດ້ວຍ​ການວາງ
ລະ​ເບີດ​ຢ່າງ​ກະທັນຫັນ ຊຶ່ງ​ລາວຈະ​ໄດ້​ບີບ​ຄະ​ນວນ ​ແລະ​ລາວກໍ​ໄດ້​ຕາຍ​ໃນ​ສະຖານ​ທີ່
​ເກີດ​ເຫດ​ນຳ.

ຕຳຫຼວດ ໄດ້​ປະສານ​ງານ​ກັບ​ເຈົ້າ​ໜ້າ​ທີ່​ ຂອງໜ່ວຍ​ງານຕໍ່​ຕ້ານ​ການ​ກໍ່​ການ​ຮ້າຍ​ແຫ່ງ​ຊາດ
​ເພື່ອ​ຈະໄດ້​ລາຍ​ລະອຽດ​ອື່ນໆ ກ່ຽວ​ກັບ​ຜູ້​ໂຈມ​ຕີ​ດັ່ງກ່າ​ວ ດ້ວຍ​ການ​ຖື​ເອົາ​ເປັນ​ບູລິມມະ​ສິດ
ທີ່​ຈະ​ພິຈາລະນາ​ວ່າ ລາວ​ໄດ້​ເຮັດ​ວຽກ​ຕາມ​ລຳພັງ ຫຼືເປັນ​ສ່ວນ​ນຶ່ງ​ຂອງ​ຕາງ​ໜ່າງ ​ນັ້ນຄື​
ຄວາມ ​ເຫັນ​ຂອງທ່ານ Hopkins ທີ່ໄດ້​ກ່າວ​ໄວ້.

​ເຫດລະ​ເບີດ​ດັ່ງກ່າວ ໄດ້​ແຕກ​ຂຶ້ນ ຢູ່​ບໍລິ​ເວນ​ທາງ​ນອກ​ຂອງ​ບ່ອນສະ​ແດງ ຊຶ່ງ​ມີ​ບ່ອນ​ນັ່ງ
21 ພັນ​ຄົນ ​ໃນ​ສະໜາມກິລາ​ເມືອງ Manchester ​ໃນ​ຕອນ​ທ້າຍ​ຂອງການສະ​ແດງຂອງ
​ນັກ​ຮ້ອງ​ປ໊ອປອາ​ເມຣິກັນ Ariana Grande.

ສະຖານທີ່ຂອງເຫດລະເບີດ Manchester, ອັງກິດ
ສະຖານທີ່ຂອງເຫດລະເບີດ Manchester, ອັງກິດ

“​ຫົວ​ໃຈ​ສະ​ຫລາຍ ຈາກ​ສ່ວນ​ເລິກ​ຂອງ​ຫົວ​ໃຈ​ຂອງ​ຂ້ອຍ. ຂ້ອຍ​ເສຍ​ໃຈ ຂ້ອຍ​ຂໍ​ໂທດນຳ​ຫຼາຍໆ,” ນັ້ນ​ແມ່ນ​ຄຳ​ເວົ້າ​ຂອງນັກ​ຮ້ອງ Grande ທີ່​ໄດ້​ຂຽນ​ລົງ​ໃນ Twitter ຫຼັງ​ຈາກ
ເກີດ​ເຫດລະ​ເບີດ​ແລ້ວ​ນັ້ນ.”
ນາງ​ຍັງ​ກ່າວ​ເພີ່ມ​ຕື່ມ​ວ່າ “ຂ້ອຍ​ບໍ່​ມີ​ຄຳເວົ້າ​ໃດໆ ​ອີກ​ແລ້ວ.”

“ນີ້​ແມ່ນ​ການໂຈມ​ຕີ​ທີ່​ປ່າ​ເຖື່ອນ ດ້ວຍ​ຄວາມ​ຕັ້ງ​ໃຈ ແນ​ໃສ່​ພວກ​ທີ່​ຫຼໍ່​ແຫຼມ​ທີ່​ສຸດ ​
ໃນ​ສັງຄົມຂອງ​ພວກ​ເຮົາ ທີ່​ມີ​ທັງ​ພວກ​ໜຸ່ມ​ນ້ອຍ ລູກ​ຫຼານ​ຂອງ​ພວກ​ເຮົາ ທີ່​ອອກ​ມາ​
ຊົມ​ການສະ​ແດງ​ດົນຕີ​ປ໊ອປ,”
ຊຶ່ງ​ທ່ານ Amber Rudd ລັດຖະມົນຕີ​ກະຊວງ​ພາຍ​ໃນ​
ຂອງອັງກິດ ​ໄດ້​ກ່າວ​ໄວ້.

ນາຍົກລັດຖະມົນຕີອັງກິດ ທ່ານ​ນາງ Theresa May ​ໄດ້​ກ່າວ​ວ່າ ຄວາມ​ເປັນ​ຫວ່ງ
ຄິດ​ຮອດ​ຄິດ​ເຖິງ ​ແມ່ນ​ຢູ່​ກັບ​ພວກ​ເຄາະຮ້າຍ​ທັງຫຼາຍ ທີ່​ທ່ານ​ນາງ​ເອີ້ນການ​ກະທຳ​ນີ້ວ່າ
“​ເປັນ​ການ​ໂຈມ​ຕີ​ຂອງ​ການ​ກໍ່​ການ​ຮ້າຍ.” ທ່ານ​ນາງ May ​ແລະທ່ານ Jeremy Corbyn
ຜູ້ນຳ​ຝ່າຍ​ຄ້ານຂອງພັກ​ແຮງ​ງານ ​ໄດ້​ຕົກລົງ​ທີ່​ຈະໂຈະ​ການ​ໂຄສະນາ​ຫາສຽງ ກ່ອນ​ການ
​ເລືອກ​ຕັ້ງ​ທົ່ວ​ປະ​ເທດ​ໃນວັນ​ທີ 8 ​ມິຖຸນາ ຈະ​ມາ​ເຖິງ​ນີ້.

ລົດຂອງຕຳຫຼວດ ແລະລົດໂຮງໝໍ ຈອດຢູ່ໃນສະຖານທີ່ເກີດເຫດ ຂ້າງນອກ ສະຖານທີ່ສະແດງ Manchester, ບ່ອນທີ່ນັກຮ້ອງອາເມຣິກັນ Ariana Grande ໄດ້ໄປເປີດງານຄອນເຊີດ, Manchester, ພາກເໜືອອັງກິດ, 22 ພຶດສະພາ 2017.
ລົດຂອງຕຳຫຼວດ ແລະລົດໂຮງໝໍ ຈອດຢູ່ໃນສະຖານທີ່ເກີດເຫດ ຂ້າງນອກ ສະຖານທີ່ສະແດງ Manchester, ບ່ອນທີ່ນັກຮ້ອງອາເມຣິກັນ Ariana Grande ໄດ້ໄປເປີດງານຄອນເຊີດ, Manchester, ພາກເໜືອອັງກິດ, 22 ພຶດສະພາ 2017.

ກະຊວງ​ຮັກສາ​ຄວາມ​ສະ​ງົບ​ພາຍ​ໃນ​ຂອງ​ສະຫະລັດ​ໄດ້ກ່າວ​ວ່າ ຕົນໄດ້​ທຳ​ການ​ສິ້ງ​ຊອມ
​ເບິ່ງ​ສະຖານະ​ການ​ໃນ​ເມືອງ Manchester ​ແລະ​ວ່າ ຍັງ​ບໍ່​ທັນມີ​ຂໍ້​ມູນ​ໃດໆ ທີ່​ສະ​ແດງ
ໃຫ້​ເຫັນວ່າ ມີ “ການ​ຂົ່ມຂູ່ແບບ​ສະ​ເພາະ​ເຈາະ​ຈົງ” ຕໍ່​ການສະ​ແດງ​ດົນຕີ​ໃນ​ສະຫະລັດ.

ປະທານາທິບໍດີ​ດໍ​ໂນ​ລ ທຣຳ ກ່າວ​ວ່າ ພວກ​ເຄາະ​ຮ້າຍ​ໃນ​ການ​ໂຈມ​ຕີ​ໃນ​ວັນ​ພຸດ​ມື້ນີ້​ ມີ​ທ່າ
ທາງ​ວ່າ ​ໄດ້​ຖືກ​ຂ້າ​ຕາຍ​ໂດຍ “ພວກຜີ​ມານ​ທີ່ເສຍ​ໄຊ​ໃນ​ຊີວິດ.”

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

ຕຳຫຼວດຈັດສັນສະຖານທີ່ຂ້າງນອກ ສະໜາມ Manchester, ພາກເໜືອຂອງອັງກິດ, 22 ພຶດສະພາ, 2017.
ຕຳຫຼວດຈັດສັນສະຖານທີ່ຂ້າງນອກ ສະໜາມ Manchester, ພາກເໜືອຂອງອັງກິດ, 22 ພຶດສະພາ, 2017.

XS
SM
MD
LG