ຫ້ອງການນາຍົກລັດຖະມົນຕີອັງກິດ ທ່ານ David Caneron
ໄດ້ປະກາດວ່າ ລັດຖະມົນຕີປ້ອງກັນປະເທດ ທ່ານ Philip
Hammond ຈະໄປຮັບໜ້າທີ່ແທນ ລັດຖະມົນຕີຕ່າງປະເທດ
ທ່ານ WilliamHague ຜູ້ທີ່ໄດ້ລາອອກ ໂດຍບໍ່ໄດ້ມີການປະ
ກາດລ່ວງໜ້າໃນວັນຈັນທີ່ຜ່ານມາ ໃນຂະນະທີ່ທ່ານ Came-
ron ກຳລັງສັບຊ້ອນຄະນະລັດຖະບານຂອງທ່ານຢູ່ນັ້ນ.
ທ່ານ Hammond ໄດ້ຖະແຫຼງ ໂດຍເຫັນດີໃຫ້ອັງກິດ ອອກ
ຈາກສະຫະພາບຢູໂຣບ ຖ້າວ່າຢູໂຣບບໍ່ທຳການປະຕິຮູບ.
ທ່ານ Michael Fallon ໄດ້ຖືກແຕ່ງຕັ້ງໃຫ້ເປັນ ລັດຖະມົນຕີປ້ອງກັນປະເທດ ແທນທ່ານ Hammond Fallon ທີ່ເປັນອະດີດຮອງ ລັດຖະມົນຕີພະລັງງານ ແລະຜູ້ສະໜັບສະໜູນ
ອີກຄົນນຶ່ງ ໃຫ້ຖອນຕົວອອກຈາກສະຫະພາບຢູໂຣບ ຖ້າ ຫາກການປະຕິຮູບບໍ່ເກີດຂື້ນ.
ລັດຖະມົນຕີກະຊວງສຶກສາ ທີ່ເປັນບັນຫາໂຕ້ແຍ້ງຂອງ ທ່ານ Cameron ຄືທ່ານ Micheal
Grove ແມ່ນຮວມຢູ່ບັນດາລັດຖະມົນຕີລະດັບກາງ ທີ່ໄດ້ຖືກປົດອອກຈາກໜ້າທີ່.
ນອກນັ້ນ ຍັງເປັນທີ່ຄາດກັນວ່າ ທ່ານ Cameron ຈະປະກາດ ກ່ຽວກັບການ ປ່ຽນແປງອື່ນໆ
ໃນຄະນະລັດຖະບານຂອງທ່ານ ໃນວັນອັງຄານໜ້າ ໂດຍຈະເພີ້ມຈຳນວນຜູ້ຍິງເຂົ້າມາຮັບ
ໜ້າ ເພື່ອເປັນການຕອບຮັບຕໍ່ການຖືກຕິຕຽນວ່າ ລັດຖະບານຂອງທ່ານແມ່ນຄອບງຳໂດຍ
ພວກຜູ້ຊາຍ. ເປັນທີ່ຄາດກັນວ່າ ຜູ້ຍິງ ຈະເຂົ້າ 6 ຕຳແໜ່ງໃນຄະນະລັດຖະບານອັງກິດ ທີ່
ມີທັງໝົດ 23 ຕຳແໜ່ງນັ້ນ ຫລັງຈາກໄດ້ມີການສັບຊ້ອນໜ້າທີ່ແລ້ວ.
ທ່ານ Hague ຄາດວ່າ ຍັງຈະຢູ່ໃນສະພາ ຈົນຮອດປີໜ້າ ເວລາທ່ານໄດ້ກ່າວ ວ່າ ຈະລາ
ອອກຈາກວົງການເມືອງຂອງປະເທດ.
ວີດີໂອ: ທ່ານ William Hague ປະກາດລາອອກ:
