ຄະນະກຳມາທິການທີ່ສຳຄັນໃນສະພາອັງກິດຄະນະນ່ຶງ ໄດ້
ອອກລາຍງານໃນວັນອັງຄານມື້ນີ້ ໂດຍກ່າວວ່າ ບັນດາສະມາ
ຊິກສະພາ ຈະບໍ່ໃຫ້ການຊຸກຍູ້ການໂຈມຕີທາງອາກາດຢູ່ໃນຊີ
ເຣຍ ນອກຈາກວ່າ ລັດຖະບານ ນາຍຍົກລັດຖະມົນຕີ ທ່ານ
David Cameron ຈະຕອບຄຳຖາມຫລາຍໆຂໍ້ກ່ຽວກັບດ້ານ
ກົດໝາຍ ການເມືອງ ແລະຄວາມສ່ຽງທາງທະຫານເສຍກ່ອນ.
ອັງກິດໄດ້ເປັນພາກສ່ວນນຶ່ງຂອງແນວໂຮມທີ່ສະຫະລັດນຳພາ
ໃນການປະຕິບັດງານໂຈມຕີທາງອາກາດຕ້ານ ພວກຫົວຮຸນ
ແຮງລັດອິສລາມ ໃນອີຣັກ ແຕ່ວ່າ ທ່ານ Cameron ບໍ່ໄດ້ຮັບ
ການສະໜັບສະໜູນຢ່າງພຽງພໍ ເພື່ອສົ່ງກຳລັງໄປປະຕິບັດ
ງານແບບດຽວກັນຢູ່ໃນຊີເຣຍ.
ຄະນະກຳມາທິການພົວພັນຕ່າງປະເທດອັງກິດ ໄດ້ກ່າວເຖິງຫົວເລື້ອງທີ່ເນັ້ນໜັກເຖິງ
ຄວາມຕ້ອງການແກ້ໄຂດ້ານການເມືອງແກ່ວິກິດການໃນຊີເຣຍ ແລະກ່າວວ່າ ການໂຈມ
ຕີທາງອາກາດ ຂອງອັງກິດອາດເຮັດໃຫ້ໄດ້ຣັບຄວາມເສຍຫາຍທັງສອງຢ່າງຂອງຄວາມ
ພະຍາຍາມ ແລະທ່າທີຂອງປະເທດ ທີ່ອາດມີການເຈລະຈາກັນ.
ຄະນະກຳມາທິການສະພາດັ່ງກ່າວເວົ້າວ່າ “ພວກເຮົາພິຈາລະນາວ່າ ການເນັ້ນໜັກໃສ່
ການໂຈມຕີທາງອາກາດຕ້ານ ISIL (ລັດອິສລາມ) ໃນຊີເຣຍ ແມ່ນເປັນການລົບກວນ
ຕໍ່ສິ່ງທີ່ໃຫຍ່ກວ່າ ແລະມີຄວາມສຳຄັນກວ່າໃນການຊອກຫາທາງແກ້ໄຂ ຄວາມຂັດແຍ້ງ
ກັນໃນຊີເຣຍ ແລະເພາະສະນັ້ນຈຶ່ງຄວນຍົກເອົາເລື້ອງISILອອກໄປຈາກເລື້ອຕອບງຳ
ຄັນອື່ນໆ.
ນອກນັ້ນລາຍງານຍັງໄດ້ເນັ້ນໜັກເຖິງຄວາມຈຳເປັນແກ່ “ການປະຕິບັດງານນາໆຊາດ
ດ້ານຍຸດທະສາດຮ່ວມກັນ ທີ່ຈະມີໂອກາດເປັນຈິງ" ໃນການເອົາຊະນະພວກຫົວຮຸນແຮງ
ແລະສີີ້ນສຸດສົງຄາມກາງເມືອງ ທີ່ຍັງຄົງຄ້າງມາໃນຊີເຣຍ ແຕ່ປີ 2011ນັ້ນ.
ໃນດ້ານການປະຕິບັດງານທາງກົດໝາຍທີ່ຖືກຕ້ອງໃນຊີເຣຍ ຄະນະສະມາຊິກສະພາ
ອ້າງອີງວ່າ ໃນຂະນະທີ່ ອີຣັກໄດ້ເຊື້ອເຊີນກຳລັງແນວໂຮມໂຈມຕີທາງອາກາດ ເພື່ອໜູນ
ຫລັງກຳລັງຮວມປະຕິບັດງານ ຊີເຣຍໄດ້ພຽງແຕ່ອະນຸຍາດໃຫ້ຣັດເຊຍ ບິນຜ່ານຢູ່ໃນເຂດ
ນານຟ້າຂອງຕົນ. ຣັດເຊຍ ໄດ້ເລີ້ມປະຕິບັດງານຢູ່ໃນຊີເຣຍ ໃນທ້າຍເດືອນກັນຍາ ຊຶ່ງບາງລາຍງານກ່າວວ່າ ເຮັດໃຫ້ມີການສັບສົນຄັດແຍ້ງເພີ້ມໄປອີກ ພ້ອມກັບມີການບໍ່ຂາດ
ເຂີນບັນດາຜູ້ເຂົ້າຮວມ ແລະ “ປາກົດວ່າຈຳກັດທາງເລືອກໃຫ້ແກ່ຄົນອຶ່ນໆ.”
ໃນປີ 2013 ຄະນະສະມາຊິກຜູ້ແທນອັງກິດ ໄດ້ປະຕິເສດຂໍ້ສະເໜີຂອງລັດຖະບານ ເພື່ອ
ເລີ້ມທຳການໂຈມຕີທາງອາກາດຢູ່ໃນຊີເຣຍ ແລະລາຍງານໃນວັນອັງຄານມືນີ້ ສະເໜີບໍ່
ໃຫ້ພະຍາຍາມອີກທີ່ປາດສະຈາກການຕອບຄຳຖາມທັງໝົດເຈັດຂໍ້. ທັງໝົດຮວມທັງການ
ບອກເຖິງຈຳນວນທະຫານທາງພາກພື້ນດິນ ແລະການຍຶດເອົາເນື້ອທີ່ໃດໆຈາກ ພວກຫົວ
ຮຸນແຮງລັດອິສລາມ.
