ການດຳເນີນຄະດີທຳລາຍຊື່ສຽງໄດ້ເລີ້ມຂື້ນໃນວັນອັງຄານມື້ນີ້
ຕໍ່ນັກເຄື່ອນໄຫວອັງກິດ ຜູ້ຂຽນລາຍງານທີ່ກ່າວຫາວ່າມີການ
ລ່ວງລະເມີດທາງດ້ານແຮງງານຢ່າງ ແຜ່ກວ້າງ ໃນບໍລິສັດໝາກ
ໄມ້ໃຫຍ່ທີ່ສຸດແຫ່ງນຶ່ງຂອງປະເທດໄທ.
ທ່ານ Andy Hall ຜູ້ຮ່ວມຂຽນລາຍງານ ກ່າວວ່າ ພວກແຮງງານ
ຕ່າງດ້າວໄດ້ ຖືກບັງຄັບໃຊ້ແຮງງານ ມີການໃຊ້ແຮງງານເດັກ
ນ້ອຍ ໃຫ້ເງິນເດືອນຕໍ່າ ແລະເຮັດວຽກຫລາຍຊົ່ວໂມງດົນກວ່າປົກ
ກະຕິ ຢູ່ທີ່ໂຮງງານແຫ່ງນຶ່ງ ທີ່ເປັນຂອງບໍ ລິສັດ Natural Fruit.
ທ່ານ Hall ຕໍ່ມາໄດ້ໃຫ້ການສຳພາດ ອະພິບາຍການກ່າວຫາໃນ
ການລ່ວງລະເມີດ ຕໍ່ໂທລະພາບ Al-Jareera ທີ່ໄດ້ກາຍມາເປັນພື້ນຖານ ໃນການຟ້ອງຮ້ອງທາງອາຍາ ທີ່ບໍລິສັດ Natural Fruit ໄດ້ຍື່ນຟ້ອງຜູ້ກ່ຽວນັ້ນ.
ໃນຂະນະທີ່ທ່ານຍ່າງເຂົ້າໄປໃນສານທີ່ບາງກອກ ໃນວັນອັງຄານມື້ນີ້ ທ່ານ Hall ໄດ້
ກ່າວຕໍ່ບັນດານັກຂ່າວວ່າ ຄະດີນີ້ ໝາຍຄວາມວ່າເພື່ີອປິດປາກທ່ານ ແລະຫັນຄວາມ
ສົນໃຈໄປຈາກ ສະພາບເຮັດວຽກອອກແຮງງານທີ່ບໍ່ໄດ້ມາດຕະຖານ.
ນອກຈາກ ການຟ້ອງຮ້ອງທໍາລາຍຊື່ສຽງແລ້ວ ທ່ານ Hall ຍັງປະເຊີນໜ້າກັບການກ່າວ
ຫາໃນຄວາມຜິດຢ່າງອຶ່ນອີກ ທີ່ອາດຈະເຮັດໃຫ້ທ່ານຕິດຄຸກເຖິງເຈັດປີ. ບໍລິສັດ
Natural Fruit ຍັງຢາກໄດ້ຄ່າເສຍຫາຍ 10 ລ້ານໂດລາ ໃນການຟ້ອງຮ້ອງທາງແພ່ງ
ນັ້ນ.
ບໍລິສັດ Natural Fruit ທີ່ໄດ້ປະຕິເສດຄຊ້ການກ່າວຫາວ່າລ່ວງລະເມີດດ້ານ ແຮງງານ
ນັ້ນ ເປັນບໍລິສັດທີ່ສຳຄັນບໍລິສັດນຶ່ງໃນການຜະລິດໝາກນັດ ໃຫ້ແກ່ ບັນດາປະເທດຕາ
ເວັນຕົກ. ເຈົ້າຂອງບໍລິສັດ ເປັນອ້າຍຂອງເລຂາທິການໃຫຍ່ ໄປຂອງພັກປະຊາທິປັດທີ່
ນິຍົມກະສັດ.
ທ່ານ Phil Robertson ຈາກກຸ່ມປົກປ້ອງສິດທິມະນຸດ Human Rights Watch ໄດ້ຕຳໜິຕິຕຽນການດຳເນີນຄະດີຕໍ່ທ່ານ Hall ໂດຍກ່າວວ່າມັນອາດຈະມີຜົນກະທົບໃນ
ທາງທີ່ບໍ່ດີ ຕໍ່ຜູ້ທີ່ຢາກຂຽນລາຍງານກ່ຽວກັບການລະເມີດ ສິດທິໃນດ້ານແຮງງານ ຢູ່
ໃນປະເທດໄທ.
