ຫົວເມືອງຕ່າງໆ ແຄມແມ່ນໍ້າ Thames ຂອງອັງກິດ ທີ່ຖືກນໍ້າ
ຖ້ວມນັ້ນ ໄດ້ພາກັນກະກຽມ ໃນວັນຈັນວານນີ້ ເພື່ອຮັບມືກັບ
ໄພນໍ້າຖ້ວມຄັ້ງໃໝ່ ໃນອີກໄລຍະຫລາຍມື້ຕໍ່ໜ້າ ໂດຍທີ່ທາງ
ເຈົ້າໜ້າທີ່ໄດ້ອອກຕໍາເຕືອນຕື່ມອີກ 14 ຄັ້ງ ໃນຂະນະທີ່ແມ່ນໍ້າ
ໄດ້ລົ້ນຝັ່ງຂຶ້ນຖ້ວມ ປະມານ 30 ກິໂລແມັດ ຢູ່ທາງເໜືອຂອງ
ກຸງລອນດອນ.
ຄໍາເຕືອນຄັ້ງໃໝ່ ໄດ້ປະກາດໃຫ້ຊາບ ໃນຂະນະທີ່ນາຍົກລັດຖະ
ມົນຕີ David Cameron ໄດ້ອອກໄປຢ້ຽມຢາມບາງເຂດ ທີ່ໄດ້
ຮັບຜົນກະທົບຈາກໄພນໍ້າຖ້ວມເປັນຄັ້ງທີ 2 ພາຍໃນເວລາ 3 ມື້.
ພວກນັກພະຍາກອນອາກາດກ່າວວ່າ ຝົນຕົກຮອບໃໝ່ໃນສັບປະດານີ້ຄາດວ່າ ຈະເຮັດໃຫ້
ບ້ານເຮືອນອີກພັນຫຼັງຕົກຢູ່ໃນຄວາມສ່ຽງ ໃນຂະນະທີ່ລະດັບຂອງນໍ້າໄດ້ສູງຂຶ້ນກາຍລະດັບ
ນໍ້າຖ້ວມທີ່ຮ້າຍແຮງເປັນປະຫວັດການໃນປີ 2003 ຢູ່ໃນບໍລິເວນສ່ວນໃຫຍ່ຂອງ ຂົງເຂດ.
ລົມພາຍຸແລະຄື້ນຟອງທະເລ ໄດ້ສ້າງຄວາມເສຍຫາຍຕໍ່ອັງກິດນັບຕັ້ງແຕ່ເດືອນທັນວາ
ແລ້ວນີ້ເປັນຕົ້ນມາ ຊຶ່ງໄດ້ພາໃຫ້ເກີດນໍ້າຖ້ວມຕໍ່ປະຊາຄົມຕ່າງໆ ທໍາລາຍຖະໜົນຫົນທາງ
ແລະໂຄງລ່າງພື້ນຖານ ພ້ອມນີ້ຍັງໄດ້ຕັດຂາດ ການເຊື່ອມຕໍ່ໂດຍທາງລົດໄຟ ລະຫວ່າງ
ເມືອງ Plymouth ໃນພາກຕາເວັນຕົກສຽງໃຕ້ຂອງປະເທດ ກັບເຂດອື່ນໆຂອງອັງກິດ.
ພວກນັກພະຍາກອນອາກາດ ໄດ້ເອີ້ນລະດູໜາວຂອງອັງກິດນີ້ວ່າ ເປັນປີທີ່ປຽກຊຸ່ມທີ່ສຸດ
ໃນຮອບ 250 ປີ.
ລາຍງານຂ່າວທາງໂທລະພາບ ໃນວັນຈັນວານນີ້ ໄດ້ສະແດງໃຫ້ເຫັນວ່າ ພວກທະຫານ
ຂອງອັງກິດແລະພົນລະເຮືອນ ໄດ້ພາກັນເອົາກະສອບຊາຍຈໍານວນຫຼວງຫຼາຍ ສ້າງຄູກັ້ນ
ນໍ້າຂຶ້ນທີ່ Datchet ກ່ອນທີ່ນໍ້າຈະລົ້ນຝັ່ງຂຶ້ນມາຖ້ວມ ປະຊາຄົມຂອງພວກເຂົາເຈົ້ານັ້ນ.
ລາຍງານ: ອາກາດຮ້າຍແຮງກະທົບ ຫຼາຍໆເຂດຂອງຢູໂຣບ ແລະເອເຊຍ
ເມື່ອຕົ້ນເດືອນກຸມພາ:
ຖ້ວມນັ້ນ ໄດ້ພາກັນກະກຽມ ໃນວັນຈັນວານນີ້ ເພື່ອຮັບມືກັບ
ໄພນໍ້າຖ້ວມຄັ້ງໃໝ່ ໃນອີກໄລຍະຫລາຍມື້ຕໍ່ໜ້າ ໂດຍທີ່ທາງ
ເຈົ້າໜ້າທີ່ໄດ້ອອກຕໍາເຕືອນຕື່ມອີກ 14 ຄັ້ງ ໃນຂະນະທີ່ແມ່ນໍ້າ
ໄດ້ລົ້ນຝັ່ງຂຶ້ນຖ້ວມ ປະມານ 30 ກິໂລແມັດ ຢູ່ທາງເໜືອຂອງ
ກຸງລອນດອນ.
ຄໍາເຕືອນຄັ້ງໃໝ່ ໄດ້ປະກາດໃຫ້ຊາບ ໃນຂະນະທີ່ນາຍົກລັດຖະ
ມົນຕີ David Cameron ໄດ້ອອກໄປຢ້ຽມຢາມບາງເຂດ ທີ່ໄດ້
ຮັບຜົນກະທົບຈາກໄພນໍ້າຖ້ວມເປັນຄັ້ງທີ 2 ພາຍໃນເວລາ 3 ມື້.
ພວກນັກພະຍາກອນອາກາດກ່າວວ່າ ຝົນຕົກຮອບໃໝ່ໃນສັບປະດານີ້ຄາດວ່າ ຈະເຮັດໃຫ້
ບ້ານເຮືອນອີກພັນຫຼັງຕົກຢູ່ໃນຄວາມສ່ຽງ ໃນຂະນະທີ່ລະດັບຂອງນໍ້າໄດ້ສູງຂຶ້ນກາຍລະດັບ
ນໍ້າຖ້ວມທີ່ຮ້າຍແຮງເປັນປະຫວັດການໃນປີ 2003 ຢູ່ໃນບໍລິເວນສ່ວນໃຫຍ່ຂອງ ຂົງເຂດ.
ລົມພາຍຸແລະຄື້ນຟອງທະເລ ໄດ້ສ້າງຄວາມເສຍຫາຍຕໍ່ອັງກິດນັບຕັ້ງແຕ່ເດືອນທັນວາ
ແລ້ວນີ້ເປັນຕົ້ນມາ ຊຶ່ງໄດ້ພາໃຫ້ເກີດນໍ້າຖ້ວມຕໍ່ປະຊາຄົມຕ່າງໆ ທໍາລາຍຖະໜົນຫົນທາງ
ແລະໂຄງລ່າງພື້ນຖານ ພ້ອມນີ້ຍັງໄດ້ຕັດຂາດ ການເຊື່ອມຕໍ່ໂດຍທາງລົດໄຟ ລະຫວ່າງ
ເມືອງ Plymouth ໃນພາກຕາເວັນຕົກສຽງໃຕ້ຂອງປະເທດ ກັບເຂດອື່ນໆຂອງອັງກິດ.
ພວກນັກພະຍາກອນອາກາດ ໄດ້ເອີ້ນລະດູໜາວຂອງອັງກິດນີ້ວ່າ ເປັນປີທີ່ປຽກຊຸ່ມທີ່ສຸດ
ໃນຮອບ 250 ປີ.
ລາຍງານຂ່າວທາງໂທລະພາບ ໃນວັນຈັນວານນີ້ ໄດ້ສະແດງໃຫ້ເຫັນວ່າ ພວກທະຫານ
ຂອງອັງກິດແລະພົນລະເຮືອນ ໄດ້ພາກັນເອົາກະສອບຊາຍຈໍານວນຫຼວງຫຼາຍ ສ້າງຄູກັ້ນ
ນໍ້າຂຶ້ນທີ່ Datchet ກ່ອນທີ່ນໍ້າຈະລົ້ນຝັ່ງຂຶ້ນມາຖ້ວມ ປະຊາຄົມຂອງພວກເຂົາເຈົ້ານັ້ນ.
ລາຍງານ: ອາກາດຮ້າຍແຮງກະທົບ ຫຼາຍໆເຂດຂອງຢູໂຣບ ແລະເອເຊຍ
ເມື່ອຕົ້ນເດືອນກຸມພາ:
