ລັດຖະມົນຕີປ້ອງກັນປະເທດ ອັງກິດ ກ່າວໃນວັນອັງຄານມື້ນີ້
ວ່າ ກອງທັບຈະພິຈາລະນາກ່ຽວກັບເພີ້ມການໂຈມຕີທາງອາ
ກາດຕໍ່ພວກຫົວຮຸນແຮງໃນຊີເຣຍ ຖ້າຫາກວ່າມັນໝາຍເຖິງ
ເປັນການຢຸດຢັ້ງການກໍ່ການຮ້າຍຕ້ານຜົນປະໂຫຍດ ຂອງ
ອັງກິດທີ່ມີທ່າທາງວ່າຈະເກີດຂຶ້ນ.
ທ່ານ Michael Fallon ໃຫ້ຄວາມເຫັນດັ່ງກ່າວ ຕໍ່ວິທະຍຸ
BBC ນຶ່ງມື້ຫລັງຈາກນາຍົກລັດຖະມົນຕີ David Cameron
ເປີດເຜີຍວ່າ ກອງທັບອາກາດ ຂອງລາຊະອານາຈັກອັງກິດ
ໄດ້ສັງຫານພວກຫົວຮຸນແຮງລັດອິສລາມສາມຄົນ ຮວມທັງ
ຄົນອັງກິດສອງຄົນ ໃນການໂຈມຕີໂດຍເຮືອບິນບໍ່ມີຄົນຂັບ
ເມື່ອວັນທີ 21 ສິງຫາຜ່ານມາ.
ການໂຈມຕີນີ້ ແມ່ນເປັນເທຶຶ່ອທຳອິດ ທີ່ໃຊ້ເຮືອບິນບໍ່ມີຄົນຂັບໂດຍກອງທັບອັງ ກິດ ແລະ
ທ່ານ Fallon ກ່າວໃນວັນອັງຄານມື້ນີ້ວ່າ ອັງກິດ ຈະບໍ່ລັ່ງເລໃຈທີ່ຈະດຳເນີນການຕື່ມອີກ
ເພື່ອລົບກວນແຜນຂອງພວກກໍ່ການຮ້າຍ.
ທ່ານ Cameron ຮ້ອງການໂຈມຕີ ໂດຍເຮືອບິນບໍ່ມີຄົນຂັບວ່າ “ເປັນການປ້ອງກັນໂຕ”
ແລະກ່າວອີກວ່າ ໄດ້ມີ “ຫລັກຖານຢ່າງແຈ້ງຂາວທີ່ບັນດາສ່ວນບຸກຄົນ ໄດ້ມີຄຳຖາມກ່ຽວ
ກັບການວາງແຜນ ແລະສັ່ງການໂຈມຕີດ້ວຍອາວຸດຕໍ່ອັງກິດ.”
ທ່ານໄດ້ກ່າວຕໍ່ສະພາວ່າ ທ້າວ Reyard Khan ຊຶ່ງເປັນຄົນອັງກິດ ແລະພວກຫົວຮຸນແຮງ
ອີກສອງຄົນ ໄດ້ຖືກສັງຫານໃນຂະນະທີເດີນທາງຢູ່ໃນລົດ ໃກ້ກັບເມືອງ Raqqa ຊຶ່ງເປັນ
ຫລວງຂອງກຸ່ມລັດອິສລາມ.
ໃນຂະນະທີ່ ອັງກິດ ເຂົ້າຮ່ວມການໂຈມຕີຕ້ານກຸ່ມລັດອິສລາມ ຢູ່ໃນອີຣັກ ແລະໃຊ້ເຮືອບິນ
ບໍ່ມີຄົນຂັບເພື່ອສອດແນມໃນຊີເຣຍ ແຕ່ກອງທັບອາກາດ ລາຊະອາ ນາຈັກອັງກິດ ຍັງບໍ່
ເຄີຍທຳການໂຈມຕີກຸ່ມລັດອິສລາມຢູ່ໃນຊີເຣຍ ມາຈົນຮອດ ການໂຈມຕີໃນເດືອນສິງຫາ
ນີ້.
ເປັນທີ່ຄາດກັນວ່າ ມີຊາວອັງກິດ 500 ຫາ 600 ຄົນທີ່ ໄດ້ເດີນທາງໄປສູ້ລົບຮ່ວມກັບກຸ່ມ
ລັດອິສລາມ ຄຽງບ່າຄຽງໄລ່ກັບຊາວຕ່າງປະເທດອຶ່ນໆຫຼາຍພັນຄົນທີ່ກຸ່ມຫົວຮຸນແຮງດັ່ງ
ກ່າວ ຮ້ອງກັນວ່າ “ລັດອິສລາມ” ຢູ່ໃນທົ່ວເຂດຕ່າງໆ ໃນອີຣັກ ແລະ ຊີເຣຍ.
ຝຣັ່ງ ກໍໄດ້ເຂົ້າຮ່ວມການໂຈມຕີທາງອາກາດ ຂອງແນວໂຮມຕ້ານພວກຫົວຮຸນແຮງໃນ
ອີຣັກ ແລະເວລານີ້ ໄດ້ຂະຫຍາຍການປະຕິບັດງານຮວມທັງຊີເຣຍນຳດ້ວຍ. ປະທານາ
ທິບໍດີ Francois Hollande ກ່າວວ່າ ການບິນສັງເກດການ ຂອງຝຣັ່ງ ສາມາດເລີ້ມຂຶ້ນ
ໄດ້ໃນວັນອັງຄານມື້ນີ້ ກ່ອນໜ້າການປະຕິບັດງານໂຈມຕີຢູ່ທີ່ນັ້ນ.
