ພັກນິຍົມແນວທາງເດີມອັງກິດທີ່ນຳໂດຍ ນາຍົກລັດຖະມົນຕີ
David Cameron ໄດ້ຊົມຊື່ນກັບບັນຍາກາດ ໄຊຊະນະ
ຂອງການລົງຄະແນນສຽງ ທົ່ວປະເທດ ໃນວັນພະຫັດວານນີ້.
ໃນຕອນເຊົ້າວັນສຸກມື້ນີ້ ສື່ມວນຊົນອັງກິດ ໄດ້ທຳນາຍວ່າ ພັກ
ນິຍົມແນວທາງ ເດີມ ຈະໄດ້ໄຊຊະນະບ່ອນນັ່ງສ່ວນໃຫຍ່ຢູ່ໃນ
ສະພາ ແຕ່ວ່າ ການນັບຄະແນນສຽງຍັງບໍ່ທັນສີ້ນສຸດເທຶ່ອ.
ພັກ Scottish ແຫ່ງຊາດ ໄດ້ເປັນພັກນຶ່ງທີ່ຕຶ່ນຕົກໃຈຢ່າງໃຫຍ່
ໃນຄໍ່່າຄຶນ ໃນຂະນະທີ່ໄດ້ຊະນະ ພັກແຮງງານ ແລະຊະນະ
ຫລາຍກວ່າ 50 ບ່ອນນັ່ງ ເຮັດໃຫ້ Scotland ເກືອບເປັນພັກດຽວຂອງປະເທດ.
ໃນຂະນະດຽວກັນ ພັກແຮງງານໄດ້ສ້າງຄວາມລົ້ມເຫລວບໍ່ກ້າວໄປໄກຢູ່ໃນອັງກິດ ແລະ
Wales. ຜູ້ນຳພັກແຮງງານ ທ່ານ Ed Miliband ຮ້ອງການຢັ່ງສຽງໃນວັນພະຫັດວານນີ້
ວ່າ “ເປັນການຜິດຫວັງທີ່ສຸດ ແລະເປັນຄືນທີ່ລຳບາກສຳລັບພັກແຮງງານ” ແລະກ່າວວ່າ
ການສູນເສຍໃນ Scotland ໄດ້ເນື່ອງມາຈາກ "ການຊອກຫາຄວາມເປັນຊາດນິຍົມ"
ທີ່ຄອບງຳພັກແຮງງານ.
ພັກນິຍົມແນວທາງເດີມ ຊະນະການເລືອກຕັ້ງ ຢູ່ອັງກິດ
ນາຍົກລັດຖະມົນຕີ Cameron ໄດ້ໂຄສະນາຫາສຽງໂດຍໃຫ້ຄຳໝັ້ນສັນຍາ ທີ່ຈະລົງ
ປະຊາມະຕິວ່າ ອັງກິດ ເປັນປະເທດໃຫຍ່ອັນດັບຫ້າດ້ານເສດຖະກິດໂລກ ສົມຄວນທີ່
ຈະຢູ່ຮວມກຸ່ມ 28 ປະເທດສະຫະພາບໂຣບ ຫລືບໍ່?
ບັນດານັກວິເຄາະ ສື່ມວນຊົນຈຳນວນນຶ່ງ ສົງໄສແລ້ວວ່າ ການໄດ້ຮັບໄຊຊະນະຂອງ
ພັກນິຍົມແນວທາງເດີມ ຈະມີຂຶ້ນກ່ອນການລົງປະຊາມະຕິຂອງບັນດາຜູ້ປ່ອນບັດ ໃນ
ອັງກິດ ພາຍໃນສອງປີ.
ບັນດານັກວິເຄາະຍັງກ່າວວ່າ ລັດຖະບານພັກນິຍົມແນວທາງເດີມ ຈະຕ້ອງຊອກຫາ
ຊ່ອງທາງຕົກລົງກັນກັບ Scotland ແລະ ການຮຽກຮ້ອງເປັນເອກກະລາດຂອງເຂົາເຈົ້າ.
